هلاااا أخوي هلالي دبليووو

مره سويت فيها الفتاة التي جريئة وجت على رآسي
موقف الله لايعيييده ،،


بالإبتدائية كانت في مسابقة كل يوم وقت الطاابوور ، ويسألون أسئلة بالإذاعة واللي تعرف الإجابة وررررررررر للمنصة وتقولها

واللي تجاوب صح يفوز فصلهآ ، طبعاً أنا كنت صافّة أوووووولي وبالواجهة [ إلا تذكرون كيف كنّا نجي بدري عشان نحجز الأوّل ونوقّف بالعرض عشان نحجز

ثلاثة أماكن لخوياتنا ]

وكانت قدامي مربّية فصلنا ،،

الموهيم ، قالوا سؤال : اذكري آيه عن الصدق ،!!

أستاذتنا كانت متحمّسه وتبي بنات فصلها يفوزون ، قالت لي - بما اني أوّل شي وليست من شطارتي - عندك آيه؟

قلتلها وبكل ثقةَ : ايييييييييه عندي

واطيير لك للمنصه ويوم أخذت المايك قلت وأنا مسوّية فيها المثّقفة اللي بيجيبهآ :

أعوووذ بالله من الشيطاان الرجيم

عليكم بالصدق فْأن الصدق يهدى الى البر,وان البر يهدى الى الجنة,وما يزال الرجل يصدق ويتحرى الصدق حتى يكتب عند الله صديقا,واياكم والكذب فأن الكذب يهدى الى الفجور,وان الفجور يهدى الى النار ،،،



فجأة كذا حسيت إن المديره تقلّب وجهها، والإداريّات والمعلمات فقعوآ ضحك لدرجة إن أبلة عزيزة غطت وجهها بالأوراق من كثر ماضحكت ، وأنا ياعمري أطالعهم بكل

براءة وش فيهم ذولي أول مره يسمعون قرآن !

وأمّي كانت طالعه من غرفة المدرّسات بتشوف بنتها النجيبه وهي تجآوب ، وواقفة بالدور الثاني ، ووجها صاااير كذا

شكلها كانت تقول وش عندها بنتي صارت شيعيه تلحّن الأحاديث مابقى إلا تلطم ً وتقول ياعلللللللللي خخخخخخ

بس الشي الحلو إن البنات ماكانوا يدرون وش السالفه ، لأنّي كنت أرتّل بالقرآن وخاشعه فـ مشت عليهم ههههههههه

الله لايعيّشني موقف مثل كذا مره ثانيه ،، وأنا أصلاً حظّي بالمسابقات ردّي من يومنّي صغيرهَ

شكراً لك
وأتمنى إنّي ماطوّلت