اخوي الغالي عبدالله الشمري ...
الهلال دائما كان يلعب بتشكيلة 4-4-2 وهذي هي التشكيله المناسبه للهلال بدليل ان الحبشي و
العجلاني لعبوا فيها وكانت النتائج مثمره ( صحيح المستوى كان ينخفض بين الحين والاخر بس
ما يصير نحكم على المستوى من اول المباريات وانا اشوف ان شاء الله القادم احلى)
اما اديموس كان يلعب بطريقة 4-5-1 وهاذي بحد ذاتها تعتبر طريقه دفاعية ناهيك ان الهلال وبكل
صراحه لا يجيد اللعب بها.
وبعدين حبيبي انت وشلون تبي تحكم على العلي وهو يالله يشارك وفي كثير من الاحيان يسجل رغم
مشاركاته القليله . يعني لو انه له فترة طويله يشارك صدقني انه رح ينافس على هداف الدوري.
اما الشيحان تونا جبناه ولسى بدري جدا الحكم عليه
والمعروف عن الشيحان انه لاعب متيز وهداف وسريع وهذا كله شفناه لما كان يلعب مع الشباب
تراوري انا اوافقك في كلامك عنه...
العنزي مازال لاعب صغير وبدري جدا الحكم عليه ( يعني حرام تقول فاشل ) وصدقني حينما يكون
معه مهاجم ثاني رح يبدع رغم اني افضل ان يكون خلف المهاجمين واقصد في هذا الكلام ان المدرب
يخليه يشارك كمهاجم ثالث في حالة تقدم الهلال عشان يستفيد .
وطبعا الجمعان محد ينساه بس انا حطيت نقاط وقلت كملوا الباقي..
اما من ناحية الوسط فما قلت لك اول لو بس طريقته اللي يلعب بها وهي 4-5-1 كفيله بأن تكون
طريقه دفاعية
بعدين حبيبي لو كان يلعب بنفس الطريق اللي قلت عليها كان زين على الاقل بيكون فيه 3 بالوسط
مساندين للهجوم لكن هو غالبا ما يشارك بلاعبين لهم نزعه دفاعيه
مثلا : الدوخي ، المفرج ، الشريده ، المطيري وهاذولي دفاع طبعا
وفي الوسط : عزيز والخثران (محاور) والغامدي وسيسيه ، ( الحربي والدوسري اكثر الاحيان
ما يلعبون اساسي )..
هاذي نظرتي لتشكيلة اديموس واتوقع فيه الكثير يوافقني الرأي...
اسف على الاطاله ....