على طاري البيوت المسكونه سمعت ان فيه بيت بالزلفي محد يدخله ولا يقرب منه وانا سمعت قصص من ناس هناك يقولون اذا مريت جنبه باليل لازم يصيرلك شي يا تشوف شايب جنب البيت او الانوار تولع او شي من هذا القبيل


ومره واحد من الشباب قالي سالفه صارت له بالصيفيه طبعا القصه قديمه شوي
الموهم يقول طلعنا بالصيفيه عند ناس يقربون لنا بقريه (ما ادري وينها) ويقول بعد ما وصلنا كان فيه مجموعة شباب وانا (على لسان خويي) كنت معهم ويقولي قريبي اللي هناك يا شباب لازم ننام بدري عشان نقوم نصلي الفجر بالمسجد وانا قلت له ننام بدري بالصيفيه طير بس نبي نفلها وقاله كيفك بس البيت مسكووون جن مطاوعه
يقول انا قلت ذا يستهبل الموهم اذن الفجر وانا على الفراش ابنام انا ومعي كم واحد مارحنا المسجد ويجي واحد (يحلف لي) يشوتنا تشويييت وانواع الضرب يقول بصوت عالي روحو المسجد يقول عاد ما تشوف الا غبارنا وواحد من الشباب مسوي مهايطي وقف وقعد يسب الجني يقول والله جته زبيريبه وانت بكرامه ماشيه مليووووون تضرب خشمه ضربه بنت كللب وخشمه صار ازرق يقول والله العلامه الى الحين بخشمه ومن بعدها نروح للمسجد قبل المؤذن




وهذي سالفه صارت لي وانا كنت بالابتدائي واحد من الطلاب هناك بدا يسولف لنا عن الجن وقال فيه بيت جنب المدرسه مسكووون انا قلت له نصااب قعد يحلف قلت طيب اذا طلعنا من المدرسع نسيير عليه قال طيب
وبعد ما طلعنا اخذني للبيت كان الباب مفتوح وشكله من جد يروووووع وفيه عضام بالحوش طبعا انا ما صدقت وكنت ابدخل لاكن الحمد لله شفت لوحه جنب الباب مثل لوحة (قف) الدائريه لونها احمر ومكتوب بالابيض كلام انا نسيته لكن معنى هالكلام ان البيت هذا مسكون وممنوع الدخول واذا دخلت نحن غير مسؤليين عن اي شي يصير لك داخل وكلام كثير انا بعد ما قريت هالكلام سمعت صوت صراخ داخل والله صراخ قوي مره وبعدها ما تشوف الا غباري

طبعا فكرت اني امر هالبيت لكن فريت الحي ومالقيته اتوقع هدموه


تحيآتيـ..,,