هلا وغلا اخوي salman99999,,,
شوف اخوي سلمان, الهلال والله ما مضيعه الا الارتجاليه في كل شي0, يا اخي مدرب الفريق ما ادري وش الأسس اللي يختارونه عليه!!
والا حيالله اي مدرب عالمي يجيبونه يدرب الهلال!!
مو شرط ان كل مدرب عالمي ناجح, يا اخي لازم تكون فيه ضوابط معينه يختارون على اساسها المدرب0
ويا خوفي انه بعد ما طار مالديني تجيب الاداره مدري اي كلام ويتعللون بضيق الوقت مثل ما صار مع صفوت!!
وبعدين اداره الهلال ما شاء الله تبارك الله ما شفنا اي تصريح رسمي بخصوص المدرب وعايشين على اجتهادات الصحف واللي قالت اكثر من عشرين اسم واداره نا دينا ما عندك احد!!
طالع في النصر, اصدروا بيان صحفي بخصوص انتقالات اللاعبين والمدرب وريح جماهيره من كذب الصحافه!!
اما الهلال ما عندك احد طلع لنا فواز المسعد بخطاب للجرايد والله ما فهمت منه الا انه تحذير شديد اللهجه؟؟ ليش والله ما ادري!!!
طيب يا اخي اذا بغيت الجرايد ما تكتب عن ناديك كلام كذب ارسل ووضح للجرايد اللي حاصل, مو بس انت لحالك اللي تشجع الهلال وتخلي اخباره محصوره عليك وعلى معارفك!!
وياليت تصاريحه اللي يصرح بها تبيض الوجه , الا تصاريح مثل وجهه وتفشل بعد!!
لا تقول اني قسيت على الرجال بس هذا اللي حاصل فعلا!!
خذ عندك مثلا تصريحه بخصوص بيلاتشي وقال ان بيلاتشي ما يستطيع ان يتعاقد مع اي نادي الا بعد ما يدفع للهلال الشرط الجزائي0000
وش اللي حصل؟.؟؟؟ بيلاتشي وقع عقد للسد القطري وطلع كلام المسعد كذب في كذب وفلوس الهلال طارت وما شفنا ولا هلله!!!
وعندك بعد كرستوفر000آه من كرستوفر000 وتصريحه اللي قاله للرياضيه بخصوص عدم التعاقد معه وفي الاخير كذب نفسه بنفسه!!!
يا اخي الرجل ذا يحسب جماهير الهلال مغفله ويستغفلنا بكم كلمه على باله ان الناس بله!!!

والله يا اخ سلمان ان الامور سيتبقى كما هي ما لم يتم النظر للجماهير الهلاليه على انها جماهير فاهمه وعارفه, ومو جماهير سكتهم بكلمتين مثل ما يسوي فواز المسعد!!!

وكلامك اللي قلته عين العقل بس ماش ما احد ما خذ الامر بجديه!!!
والله فيه افكار وكلام في المنتدى لو توصل للاداره كان استفادت منها لكن قالوا يا رجال والله ذولي ما عندهم سالفه!!!

على العموم شكرا لك وشكرا لرأيك واللي متاكد انه ما راح يسمعه غير انا وانت والاعضاء!!
وسترك يا رب!!

وتحياتي لك يالغالي,,,,,,