بـآك ..

مرة ثـانية تسلم عزوز على الموضوع الجميل .. قضية أيتـو كبيرة وحديث
الشارع الآن في برشلونة .. هل اللاعب يبي يجدد .. هل يبي يطلع !
لـ حد الآمـور غامضة وما فيه اي أشـارة لـ تنازلات من احد الطرفين



في البداية ما فيه أحد يقدر يشكك في قيمـة سامو الفنية الكبيرة على ارض الملعب ..
مهاجم من الطرآز العالي .. هداف بـ الفطرة .. سرعة .. مهارة .. قوة تسديد .. ودائماً
ما يكون لاعب حسب لـ البلوغرآنـا .. ايتو عمل شيء كثير لـ البرسا .. ايتو لعب
موآسم تسجل له في التاريخ .. ايتو حسم نهائيين تشامب من أصل ثلاث حصل عليها
الفريق .. وياما وياما كان مزعج ومقلق .. ولو نرجع موسمين ورآ .. ونشوف البرسا
بدون أيتو كيف كان .. موسم 2006/07 .. اصابة أيتـو في مبـارة بريـمن في دوري
المجموعات في التشامب .. وشفنا البرسا بعدها يعاني من اللاعب الهداف والي يقدر
يعوض ايتو من نـاحية Finishing .. بداية من جودينسون < ما أقدر انسى الكورة
الي ضيعها في كلاسيكو بدري يا راؤول .. مع ذلك ورغم الغيـاب رجع سامو
وبقيمة مهاجم كبير لـ البرسا وسجل 11 هدف خلال 19 مبارة بـ معدل 0.71 هدف
في المبـارة الواحدة .. معدل طيب جداً لـ مهاجم غايب 4 شهور عن سيزون كان
صعب خصوصاً بـ أنخفاض مستوى روني .. السيزون الي بعده كان نفس الحكاية
وكأنه منحوس الخـآل .. اصابة الظاهر في مبارة خوان غامبر اذا منيب غلطان
واستمرت معاناة البرسا مع المهاجم المخلص .. خصوصاً وان هنري ما يعتبر
اللاعب الهدآف .. مع ذلك رجع سامو وسجل 16 هدف من 18 مبارة لعبهـا بمعدل
أكبر من السيـزون الي قبله !

الكلام الي فوق فقط لـ توضيح قيمة أيتو الفنية الكبيرة لـ بعض الي نسوا وش عمل
ايتو لـ الفريق قبل .. بـ كل تأكيد ان خروج أيتو من الفريق رآح يكون خسارة قوية
لـ البرسا مهما كان أسم البديل القـادم ..

لكـن ؛؛ قضية أيتو في الفتـرة الأخيرة وبكل صرآحة ما هي في صالح الطرفيــن
أيتو تصريحاته قويـة وكم مرة وضح انه لايحب برشلونة وانمـا هو مجرد عمل
وهـ الكلام قاله في وسط السيـزون .. بـ الأخص في بداية فترة ’’ الدروب ‘‘ الي
حصلت لـ الفريق .. تصريح ايتو ’’ برشلونـة هو مجرد محطة عمل .. اما العشق
فهـو لـ مايوركا ‘‘ صرآحة تصريح غريب جداً من لاعب بقيمة أيتو .. التقليل من
حبك لـ الشعار في وسط سيزون تاريخي غلطة لا يمكن تغتفر من جمـاهير البرسا
لـ ايتو .. صحيح ايتو سوا و فعل و و و و .. بس ما فيه اي لاعب أيً كان يكون فوق
الشعـار .. ايتـو بعد نهاية السيزون طالب رآتب تعجيزي .. خصوصاً وان فيه اخبار
جاتني أكيد ان البرسا يعاني من أزمة عجز ما أدري عن صحتها لـ هذا الوقت ومن
المستحيـل بيرفع روآتب لاعبين لـ 9 مليون سنوياً .. عرض الأدارة كان جيد جداً
لـ ايتو .. تجديد موسمين بـ نفس المزايا .. لكنه رفض .. طيب بدت الأدارة تبحث
عن بديل كفؤ يقدر يسد مكـان الأسد .. لكن محتاجين سيولة مالية عشان يتمموا الصفقة
وجـا عرض السيتي الخرآفي .. رآتب خورآفي ورآح يكون أعلى لاعب أجر في
العالم .. وكمـان رفض .. يعني المشكلة مو مشكلة فلوس .. هو حاول يعجز أدارة
البرسا بـ الراتب وهو متأكد انهم بيرفضون .. طيب لما جا عرض السيتي والراتب
العـالي جداً .. وش المبرر انك ما تقبل .. مو انت رفضت التجديد عشان الراتب !!

فيـه خبر قريته قبل فترة .. يقول ان أيتـو يبي يقعد في النـادي لين نهـاية عقده مع
الفريق .. وبعدها يطلع مجـاني .. والمحطة القادمة .. المعشوق مايوركا ،، ما أدري
عن صحة المعلومة 100% ولكن كـ منطق مُنـاقش من الكلام الي فوق .. ما فيه سبب
يقنعك الا ان ايتو يبي يقعد لـ نهاية عقده عشان يطلع مجاني لـ مايوركا .. ايتـو ساوم
كثير على البرسا .. أدارة البرسا تبغـاه .. هو ما يبغى .. بيب ما بيغى وهذا رآي
سابق من العام الماضي زي ما ذكر عزوز في بداية الموضوع ..

ايتـو .. قضية الصيف .. ماذا بعد ؟؟

ننتظر ونشوف

،،