السلام عليكم ورحمة الله وبركاته
وعدت اخوي ابو سلمان بالعودة وقلت لي معك انت والشباب حديث مطول وها انا قد جيت فمرحبا بي.
اولا مبروك الفوز لجميع الجماهير الهلالييه وخاصه لاعضاء شبكة الزعيم
مبروك الفوز لسمو الامير عبدالله بن مساعد
مبروك الفوز للكابتن حسين الحبشي والنجم القادم بقوه لعالم التدريب
* الله يبارك فيك..وعقبال البطوله والذهب..

يتضح لي ان الكابتن حسين الحبشي استفاد كثيرا من خبرة اد ديموس
* ياحبيبي.. اديموس ماعندة ماعند جدتي( مع احترامي لجدتي) عشان يعطي حسين الحبشي خبره وان كان حصل هذا
من وراي فياخوفي عليك ياحبشي

من قولك( نخش بالموضوع ) الى ........ (دعونا نستفيد ونرى منتقدي اد ديموس يشرحون لنا كيفية طريقة لعبه داخل الملعب واخطأه
* والله يحقلها هالجماهير المسكينه ياخي جماهير ما تعرف غير اللعب الهجومي والاهداف وجاها واحد مانقول غير
اللهم لك الحمد على كل حال وذوقها طعم الهزايم حتى من الفرق العاديه
ياخي الهلال فريق معروف انه يلعب لعب هجومي وعندة الهجوم خير وسيله للدفاع . وهذا ما خلا مدافع الاَ
وحطه والمهاجمين مجلسهم جنبه .. لا وبعد مكشر في وجههم.
بعدين انا اتوقع ان سمو الامير عبد الله بن مساعد ما كان متمسك بالمدرب الا عشان سبب واحد انه:
خايف على الفريق من مشكلة تغيير المدربين وسط الموسم وما ينتج عنها من سلبيات والاَ تحسبه معجب بها التدريب؟
كان يلعب بمنهجيه دفاعيه بحته وكأن اللي قدامه ريال مدريد (والله لو كان ريال مدريد ما ارضى بهالمنهجيه)
شوف اذا الفريق ما يقدر يهاجم وقاعد طول الوقت يدافع عن مرماه اكيد بالنهايه بيجي هدف فيه لان على قولهم
(كثر الدق يفك اللحام)
يعني كنا نبي منه مثلا :
ان يشارك برأسين حربه لهم القدره على التهديف وعندك كثير في الهلال مثل: العلي ، الشيحان ،تراوري ، العنزي.....
كمان خلفهم من يقدم التمريرات الخطيره لهم مثل :عبدالله المطرف ،سامي الجابر ، سيسيه .....
كمان حاب اوضح نقطه: اللاعبين اللي يشركهم في وسط الفريق غالبا ما يكون لهم النزعه الدفاعيه يعني :
لوكان يخلي لاعبين محاور واثنين من الوسط لهم نزعه هجوميه ويقدرون يقدمون الكرات الحلوة للمهاجمين.

من وجهة نظري خطاء اد ديموس
الاعتماد على
الشريده وسليمان والجمعان وسامي والعلي كاعمده مهمه
وكان عليه الاستفاده من خدمات الاولمبي ( الرديف )
* انا ما اعترض معك في الاستفادة من خدمات الاولمبي اما من ناحية الاعتماد على الاسماء الخبرة فلابد منها بس
مو ينزلي اياهم كلهم في مباراة وحده كان لازم يختار اللاعب المناسب في الوقت المناسب
وبكذا نستفيد من اسماء الخبرة كلهم ولا داعي لفكرة الاستغناء عنهم..


* عبد الله بن مساعد لا ترحل ( انا معاك)
نجم الهلال السابق ارحل ( اختلف معاك وانا عارف قصدك بس لو في لاعب يغار على ناديه مثله كان الهلال بخير
بس على قولهم يد وحده ما تصفق)


اخيرا وليس اخرا :
يا شبــــــــــــــــــــــــــــــــاب ..... الاختلاف في الرأي لا يفسد للود قضيه.
يعني نحن جماهير الهلال لابد نكون يد وحده ولا يكون بيننا هالمهاترات اللي قريتها في الردود
<<<<<<<<< مصدق نفسه انه مؤدب
اسف على الاطاله.......
مع تحياتي : اكتمل الهلال بدرا.