نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

شوق الكويت · #15 03/07/2009, 12:13 AM

هلا اخوي ابو طلال

صراحه ذكرتني بموقف لما كنت بالابتدائي في امتحان العربي كان لازم مدرسه تيينه ( تجينه ) وتقول فقره صغيره واحنا نكتبها بورقه الامتحان يعني إملاء المهم وكانت المدرسه مصريه والبنات مشاءلله عليهم كلهم كاتبين مصري .... الزي يعني الذي ولا البأره يعني البقره

واخر شي عادو لنا الامتحان لان الغلط مو علينا عالمدرسه اللي لغتها ماشاءلله ممتازه

تصدق اتذكر مدرسه الانجليزي تقولنا لازم تدرسون انجليزي لانها لغة العالم الاولى ومدرسة العربي تقول لازم تدرسون عربي لانها لغتكم الاولى ..... يعني من نسمع كلامه بالله .....

اكيد في اختلاف كبير باللهجات العربيه وبين دول الخليج بعد مثلا المغرب العربي والخليج مافي مقارنه

لكن الحين كلنا نعرف لهجات بعض بفضل التلفزيون والانترنت والمسلسلات خاصه يعني اللهجه الكويتيه اتوقع لو مو المسلسلات محد يفهم لنا

مشكور اخوي الصغير عالموضوع الحلو وتقبل مروري اختك شوق الكويت