| واضح ان المسالة صار فيها نوع من التحدي والعناد مابين برشلونه وايتو ،،،
وكيل اعمال ايتو يتهم لابورتا بالكذب وهو اللي باين عليه انه كذاب والدليل تصريحاته المتناقضة ، يقول مافيه عرض وصل من المان سيتي لايتو ويرجع يصرح انه اذا كان البرسا لا يريد ايتو فلن يكون هناك مشكلة في الاتفاق مع السيتي ، وامس في تصريح لقناة TV3 يقول ان الاتفاق لو تم سيكون بين الناديين ولكن يبقى من سيدفع قيمة السنة المتبقية في عقد موكلي ... يقول انه مافيه احد ابلغه بان ايتو غير مرغوب فيه في برشلونه ، يعني لازم تصريح رسمي حركة الادارة واضحة والدليل عرض التجديد المقدم بنفس الراتب يعني اقبل عرضنا ولا دور على نادي ثاني .
ايتو يصر على اكمال عقده مع الفريق علشان يطلع الموسم الجاي بالمجان ولا يستفيد برشلونه ماديا وممكن مثل ماقال عبد العزيز انها نوع من رد الدين على تصريحات الادارة بداية الموسم ، والادارة لما قدمت العرض بدون اي زيادات ولمدة سنتين وتصريح لابورتا اننا نريد بقاء ايتو ، واضح انها نوع من الضغط على ايتو بحيث انه اذا جدد ضمنت حقها وتكون عندها الفرصة في بيعه أي وقت بدون ماتستعجل او انه يرضخ للامر الواقع و يقبل العرض المقدم له وحتى قدام الاعلام الادارة قامت بواجبها وطالبت اللاعب بالتجديد وتنتظر منه الرد ويكون الضغط كله وقتها على ايتو .
اتوقع ان حركة ايتو هذي فيها فائدة ان الادارة راح تصر اكثر وتزيد من بحثها عن ديفيد فيا ، ويمكن نشوفها تعاقب ايتو ويكون على دكة الاحتياط اغلب الاوقات مع بداية الموسم القادم ووقتها يمكن لو يخرج من النادي ماراح يلقى نفس العروض المغرية من الاندية الكبيرة وخاصة انه قضى موسم كامل اغلبه في دكة الاحتياط .
عموما ننتظر ونشوف نهاية المسلسل المكسيكي برشلونه وايتو وش راح تكون نهايته ،،، | 