اول شي يا راعي المنصه ... يا كثر الي منقطعه جوالاتهم ... ويا كثر الي يمشون بسياراتهم وهي خربانه ومتحملين ... ويا كثر الي حارمين انفسهم من اشياء كثيره ... بسبب عدم توفر هالـ(50)ريال على قولتك ...

يعني بالعربي فيه فئه كبيره من هالمجتمع عموما (الي داخل من ضمنهم الجمهور الهلالي خصوصا) ما يقدرون على الدعم مثل ما انت قادر ....

وبعدين في كلامك عن اشتراكات النت (وما دام اني تكلمت عن هالنقطه الي انت تكلمت فيها احب اقولك اني اترك النت ولا ادخل مقهى لعده اسباب لكن يمكن اهمها اني اكره ريحه السجائر) ليش الهلال ما يتعاقد مع شركه اتصال من شركات النت ... ويصير له من كل بطاقه نت نصيب لو على الاقل ريال او ريالين ( اذا ما حسبنا اعداد بطاقات النت الهائله الي تباع في المملكه )
فصدقني يا اخوي ان كل الهلاليين ما يشترون بطاقات النت الا من هالشركه

لان هالشي مقدور عليه وبيصير دعم بطريق غير مباااشر ... يعني ينفع روحه وينفع الهلال ...

اما ان كل واحد يقطع جزء من ميزانيته الشخصيه عشان ميزانيه الهلال وهو اصلا في عجز انه يكمل ميزانيته الشخصيه فهذا شي مبالغ فيه ...

وانا عن نفسي اقولك ان كل (50)ريال تنفعني ولا اقدر افرط فيها .... لاني لا زلت في دراستي الجامعيه ...
وفي نفس الوقت انا من اكثر اعضاء الزعيم حب للهلال ... لكن ما كل ما يتمناه المرء يدركه

ومشكور على الموضوع الحلو ... واهو الموضوع الوحيد الي شدني اليوم وحسيت انه يستحق الرد
لان فيه فكره في بالي حبيت اوضحها فيه مثل ما انت كان فيه فكره في بالك ووضحتها من خلال هالموضوع ...

تحياتي ...