|
عفوا !! المطعم مغلق للتسمم الغذائي!!
عفوا !! المطعم مغلق للتسمم الغذائي!! بنفتح soon قريبا للي مانجحوا في الأنجليزي وعندهم دور ثاني 
لو شاهدت هذه العبارة معلقة على يافطة>>> مدري وشلون طلعت معي هالكلمة  لو شفت هالعبارة تزين واجهة أحد المطاعم وياكثر ماراح تشوفها خصوصا ونحن في فصل الصيف وكان هذا المطعم مفضل بالنسبة لك وغالبا ماتقضي فيه اجازة نهاية الأسبوع لأن في الرياض ماعندك غير مطاعم واسواق
هل ستعود لهذا المطعم المفضل رغم التسمم اللي صار والأغلاق لمدة من الزمن!! بعد انقضاء فترة العقوبة >> اللي مافيها نصف المدة زي اتحاد كرة القدم
اللي خلااني اكتب هالموضوع>> متعوب على الكلمة >>>  هو ماحدث يوم الجمعة الماضي عندما تم اغلاق واحد من اشهر مطاعم مدينة الرياض الا وهو مطعم الفخار الشهير بالمشاوي الشامية والشاورما التركية >> هذا المطعم في نهاية الأسبوع ماتجد مكان خاصة في قسم العوائل !! وانتظار من نصف ساعة الى ساعه ويمكن أكثر !! وازعاج كأنك في حراج !! عوائل كثيرة مع اطفال وصخب لايحتمل !! ماأدري وش المتعة انك تاكل في ظل هذي الضوضاء وتمشي بسرعة !! والغريب انك تشوف عرسان جدد >> وشلون تعرفهم ؟؟ هذا سر المهنة جايين ياكلون !! وش هالرومانسية اللي عندكم  مايمديك تقول لعروستك كلمتين حلوات الا بميكرفون حراج النسيم او حراج بن قاسم !!
المهم البلدية جت وسكرت المطعم يوم الجمعة يعني امس بعد ظهرت نتائج عينات اخذت من العمال ومن اكل المطعم وجود بكتريا E.coli وهذا النوع من البكتريا يأتي من قلة النظافة الشخصية ومن عدم غسل اليدين بالماء والصابون بعد الحمام وانتم بكرامة !!!
والشخصين المصابين طلعوا من المستشفى ولله الحمد 
وهذي صور المطعم بعد الأغلاق
  | 