اهلا بك وعوده حميده .. بالنسبة للمدارس التعليمية وعملية صيانتها والحفاظ على نظافتها للاسف ان بعض المدارس تعاني كثيرا منه .. وليش خلونا نتكلم بصراحه وشفافية اكثر .. بالذات الحمامات اكرمكم الله جميعا .. بها اهمال غير طبيعي .. لدرجة ان الطلاب والطالبات لو يصير فيهم مايصير مادخلو بهالحمامات .. ويفضلو يمسكو بانفسهم حتى يروحو على البيت ..



بعض المقاصف ماحد يدري عن نظافة مايقدم للطلاب والطالبات او بالاصح الاهتمام ضعيف .. والله ان البيض المسلوق لو يسوونه من يومين ويجيبوه للطلاب ماحد درى عنهم .. وامور كثيره بس المجال ما
يسمح اسردها سرد بهالجانب ...


طبعا احمل مديرة هذه المدرسة كامل المسئولية واي مدير او مديرة هو المسئول .. عندك عمال نظافة شغلهم وتابعهم واي واحد يقصر ارفع تقرير فيه .. وبعض الامور تبي حزم بالتعامل مع اهل المكاتب ومتابعة الاسهم وقراءة المجلات بادارة التعليم ..

اما اذا المديره مشغولة بالمدرسات فقط وهذي ورى ماداومت وهذي وش فيها داخله الحصة متاخرة ولا فاتحه النت وعلى هالاسهم ولا بالمنتديات .. زي مدير مدرسة على بالي .. فهذي مشكلة

المشرفات او المشرفين التربويين مايجون علشان هالامور ولاهي بحساباتهم لو تصبح المدرسة مستنقع للامراض ..

عموما عندي كلام كثير بس النوم حل .. شكرا لك على هالموضوع ولاتحرمينا من موضوعاتك وصراحه قلمك ونحن بانتظارك في الجمهور ..