نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا ||

S!R BARCA · #15513 20/06/2009, 05:42 AM

.
.

حسين

كلامك على عيني وراسي

.
.

ان جيت للمنطق فـ ايتو ينطبق عليه مثل ما ينطبق على فالديز ..
اللي هو انك حرام تبيعه وتدفع مبلغ كبير في مهاجم ثاني وانت محتاج ها الفلوس في مناطق ثانيه اهم ..

يمكن ايتو عنده مشكله مع الاداره الى حد الآن ما ظهرت للاعلام ..
لانه في النهايه العائق المالي ما هو مشكله ..
اقدر اعطيه اللي يبي واوقع معه المده اللي يبيها وابيعه السنه الجايه ..
ما راح يقدر يسوي شي ..

.
.

قبل يومين او ثلاثه قريت خبر ما ادري هو صدق او كذب ..
الخبر كان يقول ان الفريق حاط 35 مليون يورو للتعاقدات ؟!
مستحيل ها المبلغ يسوي لك شي !!

فيه البعض قال ممكن صفقة ايتو تدعم ها المبلغ ..
بس لا ننسى انك راح تدفع في المهاجم الجديد مبلغ محترم ..

غير انك برضوا راح تدفع مبلغ لا باس فيه في لاعب خط وسط ..
و ممكن مدافع لو اتضح ان ميليتو ما يقدر يرجع ..

.
.

سياسة الادارهـ معروفه للجميع ..
عدم المبالغه في مبالغ الصفقات ..
لكن في مثل ها الوقت والظروف ما تقدر تجيب لاعبين باسعار معقوله ..

بعد صفقات الريال واللي حصل في السوق قريت تصريح لـ لابورتا ..
وكان يتكلم عن ان الاداره ما راح تغامر وتدخل في ها السوق في ها الوقت ..
لانك راح تضطر تدفع مبالغ كبيرهـ ..

طبعاً كلام الرئيس سليم 100% ..
لكن اللي لازم يعرفه الرئيس انك راح تبدا الموسم بدري بالسوبر الاسباني والاوروبي ..
وها الشي اكيد حاطه في باله ..
فـ محتاج تخلص امورك بدري حتى يحصل انسجام اكثر في الفريق ..

.
.

للامانه الاسماء ما هي كل شي ..
وما يهمني ان فريقي يجيب نجوم ..
اهم شي يكون الاختيار في الاماكن اللي عليها الكلام واللي احنا بحاجتها ..

.

.

إقتباس


	يسعد صباحكم .. حسين ويزيد ياشين الفاضين ومارواهم شئ ..

يسعد لي صباحك ..

وبعدين ترى والله ما نيب فاضي عندي اختبار قريب ..

وبالتوفيق للجميع في اختباراتهم