المنتخب اليوم كان متسرع في لعبه مافيه تركيز .. والحظ وقف معنا <<< هذا رد واحد يساير الوضع ..

============

الرد الواقعي والفعلي والحقيقي والتشخيصي لوضعنا المزري ..


منتخبنا اليوم كان يحتاج قائد يوجه اللعيبه ويحمسهم ..


وغير كذا لي تعليق .. على يامدور الهين ترى الكايد أحلى ..

.. وين الكايد أحلى معه

أشوا إن حالنا مثل حال إلي يقول .. إلي مايطول العنب حامض عنه يقول


ملاحظه : ترى الجمهور في المنتديات الآن صاير أفهم من كذا وواعي .. ولا عادت تمشي عليه اساليب التكتيم وتهدئة الوضع .. واركدوا ترى منتخبكم بيتأهل ..

الوضع وانا اخوك مشقوق شق .. أطلق بنشري ما يقدر يرقعه ..

رعاية الشباب كلها يبي لها سلخ وتجديد دماء .. وإلي مايعترف بهالشي .. مكاااااابر ..
المفترض .. تؤسس لجنه من سلطه أعلى من رعاية الشباب .. تقيم عمل الرعايه في الفتره الماضيه ..
ذيك الساعه بتشوف وبتعرف إن منتخبنا هذا مستواه .. الحقيقي تبعاً للخطط المدروسه .. إلي يضبطونها موظفين ما تعدوا الثانويه .. ولا عندهم أدنى فكره عن دورة جدولة الأعمال حتى .. وإلا ماصار جدول الدوري كذا ..
والله إن بعض الأحيان جداول دوريات الحواري أفضل من جدول دورينا إلي أرهق اللعيبه

داري إني شطحت عن الموضوع .. بس والله من القهر على وضعنا الحالي .. إلا ماراح يتعدل إلين ما يتغير رأس الهرم ومستشارينه وحاشيته .. ومايمسك المنصب إلا واحد قادر على الإنتاج ..