16/06/2009, 06:36 PM
|
 | زعيــم مميــز | | تاريخ التسجيل: 01/05/2005 المكان: CIBELES MADRID
مشاركات: 2,252
| |
زيد 
مستويات اللاعبين هالموسم سيئه , صحيح ان الفريق كله سيء والجو ماساعدهم عشان يبدعون
لكن هذي ضريبة ان الفريق كله سيء , شنايدر لو استمر على اداءه الجيد اول موسم كان طبيعي يرتفع
سعره , اضرب لك مثال في فيّا , لو ابدع في كأس القارات وحصل على هدّاف البطوله بيرتفع سعره او لا ؟
الفريق اللي بيشتري شنايدر اكيد يعرف ان شنايدر مر في ظروف وانه ممكن يستعيد مستواه ولا كان من الاساس
ماقدم له عرض , لكن العرض بيكون على حسب مستواه في الفتره الاخيره ماراح يكون على حسب مستواه العام الماضي
ولا على حسب مستواه المتوقع انه بيصير ! ,,
فارت من الاساس هذا سعره ! انت جايبه بـ 10 ملايين ومانجح عندك بعيد عن كونه لعب في مركزه او الفريق ماساعده
كيف تبي تبيعه بسعر اعلى من اللي جبته فيه وهو ماقدم اللي يشفع له عشان يرتفع سعره ؟
وين يبو تلعب على هنود  ؟ وبعدين اللاعب اللي يتكي احتياط طبيعي تطيح اسهمه وتطيح قيمته
بعكس مثلا ريبيري اللي جابه البايرن بـ 25 مليون ولآنه قدم مستوى ممتاز
وحقق بطولات مع البايرن وحصل على جائزة افضل لاعب في الدوري الالماني او افضل اجنبي في الدوري الالماني
ما اتذكر بالضبط , وغير ابداعه ومستواه المذهل مع البايرن بعيدا عن الانجازات الشخصيه طبيعي تخلي سعره
يرتفع ويوصل هالمواصيل  ,,
الله يوفقك في اختبارك ويسهل عليك والله يوفق الجميع  ,,
وترى جيتك في الايميل عشان اعلمك وشلون تكتب اسمي لآنك عقدتني
* * * * *  | إقتباس |  | | |  |
الرسالة الأصلية كتبت بواسطة اكشخ واحد |  | | | | | | | | | مداخله ..
صفقة كريس و كاكا في وقت قياسي وبأرقام فلكيه .. جعلت كل الانديه تطمع في رفع سعر لاعبيها.
ريبري على سبيل المثال .. كان هناك اتفاق شفي بين البرسا والبايرين في مباراة الذهاب في الابطال على مبلغ 30 مليون يورو.
ولكن بعد الصفقات الكبيره التي دفعها الريال .. جعلت رئيس البايرين يتراجع عن الاتفاق الاول ويطلب الزياده.
دفع البرسا 45 مليون + هليب او قودينسن .. ورفض العرض.
ثم عاد البرسا وقدم 60 مليون كاش .. وتم رفض العرض .. وادارة البايرين حالياً تطالب بـ 70 مليون.
ابرا .. كان فيه شبه اتفاق بين البرسا وابرا على مبلغ 10 ملايين + ايتو .. المبلغ الاجمالي في حدود الـ 45 مليون .. ولكن ادارة الانتر فجئه تراجعة وتطالب بمبلغ 90 مليون.
وفيا الان دخلت ادارة الفلنس على نفس المنوال .. تطالب بالمساواه مع صفقات الريال الكبيره.
بصراحه وواقعيه .. الانديه ومن ضمنها الريال .. دفع ثمن صفقة رونالدو و كاكا .. وهذه حقيقه واضحه للعيان.
وفي الاخير شكراً لكم على راحبة صدركم في تقبل مداخلتي .. مسبقاً | |  | |  | |
اول شيء حيّاك الله بين اخوانك
افهم من كلامك برشلونه تضرر من دفع بيريز ؟ , ازين شيء بحريقه ومن هالحال واردى
" مصائب قوم عند قوم فوائد " , دام الريال مستفيد بحريقه اي فريق يتضرر واللي مايقدر
يجاري السوق والريال بكل بساطه ينسحب ويخلي السوق لـ أهله ,,
ولا تبي نسوي ميثاق شرف ومانزايد ونحط حد معين للصفقات عشان مايتضرر برشلونه وربعه ؟
يا اخ كاشخ , ريال مدريد مادفع هالاموال بكيفه او بهواه , يعني لو حصل لنا نشتري رونالدو وكاكا جميع بـ 60 مليون بنرفض؟
بنقول لااااع ؟ حنّا قويين مرّه ماندفع الا كااااش !
هذي هي طلبات المانيو والميلان وش تبينا نسوي ؟ كل واحد يحط يده على خدّه ويتأفف ؟
و نجلس مانقوي فريقنا عشان ياخذ راحته برشلونه ويطقطق على الفرق رايح جاي الموسم الجاي ؟
لا ياعزيزي ريال مدريد موب جالس يستعرض عضلاته في السوق ولاّ يذب الفلوس عبث وبدون تفكير
ريال مدريد يبي يرجع للمنافسه مثل ماكان قبل وهذي بحد ذاتها فائده لكرة القدم ,,
ا
الميلان محتاج اموال ؟ محتاج اعادة هيكله عشان يرجع للمنافسه بقوه ؟ جزاه الله خير ريال مدريد دفع للميلان 65 مليون , والميلان بها المبلغ جالس يدعم فريقه ويعيد هيكلته
عشان ينافس الانتر , الا اذا عاجبكم سيطرة الانتر برضه على الكالتشيو هذا شيء ثاني !
وبالملبغ اللي شرا فيه الميلان لاعب , راح يستفيد منه الفريق اللي باع للميلان وهكذا دارت اموال بيريز ,,
يعني ريال مدريد بيسوي خير للدوري الاسباني و الايطالي ولكرة القدم اجمع ,,
أمّا يجيني بلاتيني < مافيه فرق بينه وبين عقليات العرب , ولا لابورتا ويتباكى على هالاموال وكأن الريال حرقها
هنا نقول ستوب , فر وجهك وعطنى مقفّاك وامش ,
" باب يجيك منه ريح سده واستريح " , " امسك قردك لايجيك اللي اقرد منه " , وغيرها من الامثله العربيه المشهوره
تتجسد في رأس الفرنسي بلاتيني ومن يطاوعه ! , فيه ناس كثير مثل اللي لابسه قبعه حمراء وتنتقد اي تحرك او تطور !
بالعكس الا خل الباب ينفتح وغير قردك يمكن يجيك افضل منه ! , كيف اجل تبي تتطور ؟ كيف تبي تحل مشكلة
الانديه اللي تعاني من الديون والعجز ؟ , بيع اللاعبين جزء من حل المشكله وريال مدريد ساعد هالفرق بالمبالغ الكبيره
ريال مدريد دفع ثمن صفقة كاكا ورنالدو ؟ على اي اساس اعطيت حكمك ؟ وحقيقه واضحه بعد !
ريال مدريد مسؤول عن نفسه واقول مثل ماقال بيريز " كل فريق يعرف ماذا يعمل " , اذا فالنسيا طلب
اموال مبالغ فيها مقابل بيع فيا بكل بساطه هذا من حقهم ومتى ماحصلّوا احد بيشتري راح يبيعون ,
واذا ماحصلوا احد يشتري غصب عليهم ينقصون سعر فيّا لآنهم بحاجه للأموال ,,
الانديه متى ماحصلت احد يشتري راح تبيع بغض النظر عن السعر أهم شيء الاطراف الثلاثه تستفيد ,,
انت في سوق " مزاد " صاحب القدره الاكبر هو الكسبان , ماتقدر تجاري ؟ ولا تقدر تطور نفسك وتتدبر وتحل مشكلتك ؟
بكل بساطه انسحب وخل السوق لـ أهله , اندية الوسط والصغيره تتضرر ؟ بالعكس اندية الوسط تشتري لاعبين
مغمورين وبأسعار رخيصه وتبيعهم للفرق الكبيره وصاحبة القدره الماليه العاليه بمبالغ كبيره وكذا الانديه الصغير
والمتوسطه تتطور , ويصير عندها القدره والامكانيات الماديه لآجل المنافسه ,,
يالله احس انّي طولت اليوم وصرت كثير , برب ,,
|
