من أنجح الصفقات الهلالية بصراحة، وأفضل مدافع حالياً في المملكة ... لكن هل كل واحد يؤدي المطلوب منه تبغى تسوي له حفل؟

إذا فاز بجائزة أفضل لاعب بآسيا أو شيء من هالقبيل، أنا معك، لكن تكرمه بمثل هالظروف والمنتخب توه ما تأهل (مع أنه أفضل لاعب قدام كوريا إلى جانب وليد عبد الله) والفريق ما فاز لا بدوري ولا بآسيوية ... فليه تبي تكرمه في حال الهزيمة؟

إن فاز بهالألقاب، ما راح يكون فيه شيء يثبط من عزيمته معنوياته، ولا فيه شيء راح يرفعها فوق ما هي مرفوعة ولا حتى تطبيل الجمهور (وكلنا نعرف أنه حقيقة مو بهالتأثير!)، على أساس: من كان فوق محل الشمس موضعه *** فليس يرفعه شيءٌ ولا يضعُ

هو يستاهل التكريم، لكن أفضل تكريم له هو تحقيقه الألقاب مع ناديه، وهذا يكون بأن يتحول لمثل في التفاني يلتفت حوله بقية اللاعبين.

أما عن كونها بادرة من قبل الجمهور عشان يعبرون له عن امتنانهم، فأنا أظمن لك 200% أنه يعرف!