| يارجال قولتك ان الهلال مايوقف علي لاعب
هالكلام ماخوذ خيره ومجرد كلام ينقال وبس
الدوخي راح ومن اربع سنين تورطنا بخانته
وصارت حقل تجارب من ياسر الياس الي عمر الغامدي الي الي حال عزيز
لخالد العنقري لعبدالعزيز العبدالسلام ومحمد نامي وسلطان البيشي
وسامي البشير
وكلهم لم يسدوا فراغ الخانه
ولازلنا من اربع سنوات نشحذ الأنديه الأخري لاعب ظهير ايمن من
الطريدي للرهيب لحسن معاذ لشهيل وعروض وارقام فلكيه
واعطاء لاعبين بالجمله بدال لاعب واحد ورغم ذلك ولا نادي فكر يعطيك
وتجي تقولي الهلال لايوقف علي لاعب واحد
ثانيا
ايام اسيا
جميع البطولات الأسيويه حققها الهلال بوجود الثنيان
واذا جبتلي ثنيان ثاني انا اقولك الغي عقد التايب وانت مغمض
لكن الأن التمياط اعتزل والشلهوب مستواه في النازل
والفريدي مصاب بكسر وماتدري كيف مستواه بعد العوده ورجليه فيها مسامير
وماعندك لاعب محلي صانع لعب زي الناس
والأجانب اما تكتيكي اشقر ماغير يطامر والا محور وماكثر الله عندنا الا المحاور
والا واحد مره يبي يجي ومره ماهوب جاي وماتدري ينجح والا ماينجح
وعندك افضل صانع لعب عربي في الملاعب السعوديه والمدرب يقول مايناسبني
ويرشح لنا بداله قلب دفاع وعندنا افضل مدافع بالسعوديه اللي هو هوساوي
وافضل لاعب بالخليج المرشدي وهم قلوب دفاع المنتخب
اللي يركز شوي
ومن يوم يشوف الأستغناء عن جميع الأجهزة الفنيه والطبيه واللياقيه
واستبدالهم بطقم يجي علي ذمة قريتس اللي يبي يجيبلك مدافع
اللي هو نفسه قال انا جاي من اجل المال
اعرف حينها ان الأمور بدت تدخل بالسمسره  | 