1- ما سبب بطء او بالاصح انعدام احتراف الاعب السعودي ؟
لان اللاعب اللي يستحق يحترف مثل نور او ياسر على سبيل المثال لن يتركه ناديه وهو ما عنده بديل حتى لو اجنبي ما راح يعوض غيابه وايضا السبب الاخر ان اللاعب شبعان ماديا يعني ماعنده دافع انه يروح ولا عنده طموح للوصول للعالميه وهناك ماراح يلقى التطبيل اللي هنا يعني لو ما بدع مباراتين مع الباب زي عمرو زكي .

2- هل تعتقد ان أي لاعب سعودي قادر على الاحتراف في الخارج عموما ؟
لا طبعا لان ما عندهم اي فكر كروي طقها والحقها ولا هم خريجين اكاديميات ولا يعرفون الاسلوب الاروربي في التدريب وهو الضغط والحركه الدائمه مو يحتري الكورة تجيه

3- هل تعتقد ان بعض من الاعبين السعوديين قدامى او حاليين
المفترض ان يحترفوا خارجيا ؟
نعم مثل الدعيع لانه حارس وسهل ينجح وكذلك نواف لما طلبه رودا كركراده كان ممكن ينجح لانه في عزه وبعض اللعيبه .

4- ما الذي ينقص الاعب السعودي ؟
الفكر الفكر الفكر - الالتحام - ضعف البنيه - السرعه - الكور العرضيه - التحرك بدون كره (مافي لاعب سعودي يتحرك بدون كره ) ما عندها هداف صريح حالي غير هزازي وربما يكون فقاعه

5- من ترشح حاليا للاحتراف ؟ ولماذا اخترته ؟ وما انسب دوري له ؟
افضل ان يكون اللاعب المحترف الذي سيمثلنا خارجيا ان يكون صغير يعني لو طلع نور حاليا اوكي ممكن ينجح بس وش الفايده كبير سنه وسنتين وخلاص نبي لاعب عمره 20 و21 عشان يمديه يتعلم ويفضل يروح دوري صغير وبعدين يطلع او يروح دوري قوي في نادي صغير
مو مهم الدوري وشو المهم ياخذ الفرصه اساسي بس الدوري الانجليزي والايطالي ما اتوقع احد ينجح فيه حتى لو انديه صغيره - يعني يمكن الفرنسي يكون مناسب لان فيه لعيبه عرب وافارقه كثير اسلوبهم يقارب اسلوبنا في اللعب .

ارشح هزازي قبل يطيح مستواه وعبدالعزيز الدوسري والنمري والفريدي لو تخلص من البطء في التمرير والنرفزه وشهيل وهوساوي


6 - ميول الجماهير لكيان النادي ! والمطالبة بعدم رحيل احد نجومهم باسم الاحتراف ! ما رايك ؟
ما لها علاقه بالموضوع اذا اللاعب كان عنده رغبه وطموح بيروح مو يجون اعضاء الشرف يقولونله نبيك معنا ويعطون كم مليون ويقول طيب ولازم نواف بن فيصل اللي يقول بودي اللعيبه يحترفون باوروبا يوم اضحوكة الدريم تيم ينفذ وعده ويجيبون عقود للاعبين السعوديين يحترفون خارجيا زي مصر اللي يجيه عرض خارجي غصبا على الفريق يوافق .


7- هل تعتقد في يوم من الايام سيصبح هناك مدرب سعودي عالمي ؟

من جدك انت !!!