نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

بريماكس · #14 28/05/2009, 06:54 AM

إقتباس

الرسالة الأصلية كتبت بواسطة متآبعه بصمت


	كنت شايفه كل شيء من وقت الخطبه وساكته وصابره وما يطلع مني غير الكلام الزين

مع احترامي لك يامتابعه الا انك انتي اللي اخطيتي بحق نفسك !!
ولا انتي بنت عاقله وفاهمه كيف تقبلين بشخص مثل هذا .. تقولين عارفه بس ساكته وش فاد سكوتك اللحين ؟؟
ماراح يفيد الكلام بس الافضل ان الشخص ما يستعجل بالامور المهمه مثل هذي وخاصه الزواااااااااااج ..
الله يوفقك ويرزقك الزوج اللي يقدرك ويسعدك

إقتباس

الرسالة الأصلية كتبت بواسطة متآبعه بصمت


	الوحده فينا مهما كانت مدلعه في بيت أهلها تبي إذا تزوجت تاخذ رجال أخلاقه وأفعاله تسبق كلامه ما تهمنا الماديات أبد الرجال الطيّب ينشرى بس البلا إذا جاك الواحد لا خير ولا خيره لا أخلاق ولا أي شيء تقدر تقول إنه يستاهل من تضحي له !

اي ماتهمكم الماديات يابنت قولي انا ماتهمني لاتعممين على البنات كلهم..!!
فيه بنات عليهن شروط مدري شتبي تبي بيت مستقل وكل النعم عنده وتعتقد ان سعادته بالبيت المستقبل والسفريات ومدري ايش
ماتدري ((( الاميره

))) ان التفاهم بينهم ومساعدة كل منهم للآخر هي السعاده الحقيقه بعد توفيق الله طبعاً

راح اضرب مثال بسيط ..

بعض البنات تطلب سكن مستقل ولا ماراح تقبل بك كزوج ..
طيب يابنت الحلال انا حالتي مانب ذاك اللي راتبه خمسين الف من شان اسكن بفيلا بارقى الاحياء حدي راتب 5000 ريال ولا اقدر على اجار شقه فوق 25 الف ريال..
وزود على كذا ظروف المعيشه الصعبه ليش ما اسكن بدور خاص فيني ببيت ملك لوالدي دامني ببداية زواجي والديون علي،، اخلصه وبعده تتيسر ..

ليش مانتعاون على الحياة اقل الاحوال تتنازلين عن مثل هالشروط !؟

( حجته لا مشاكل مع اهلك

) .. طيب يابنت الاجاويد اسكني واذا صار شئ ابشري باللي يرضيك ببيت مستقل

تجد الجواب مباشره لااااااااااااااااااااااااااااااااااااااااااااااااااااااااااااااااا

===> قعره

ابي بيييييييييييييييييييييييييييييت لوحدي ..

الله يوفقتس بزوج يسكنك ببيت لحالك ،، قضن بنات الناس هههههههههههههههههههههههههه
بنات الناااااااااااااااااااااااااس واجد ماوقفت على وحده يا الاميره..

المهم هالشاب يروح يخطب ويجد البنت العاقله الفاهمه الجميله فيها جميع المواصفات اللي يتمناها كل شاب وتنازلت عن اشياء .. ويوافقون وتتم مراسم الزواج وكل شئ ..
(( طبعاً ماتنازلت عن هالاشياء الا بعد ماعرفوا عن الشاب انه شاب مستقيم وانه كفوو))
يذهب الى مسكنه في نفس بيت اهله ومعه زوجته وتمر الايام والشهور وترزق بمولود ..

تزداد سعادته وتمر الايام وتمر وتمر سنوات قليله حتى يرزقه الله المال وتتيسر الامور ويخرج ببيت مستقل ،،
البدايه كانت ببيت اهله وسنين بسيطه حتى كون نفسه وسكن بفيلا كلن يتمناها ..

البنت الاولى التي اشترطت المسكن المستقل ( لازالت عانس

) وتتمنى تسكن مع اهله لكن فات الفوت ..
والشاب هذا الذي لم تقبل به بسبب سكنه مع اهله ..ابنه في سن السابعه ..!!

اللي ابا اوصله يابنات تقدم شاب خلق ومحترم وش يمنع تتنازلين عن بعض الأمور الغير مهمه الاهم يكون ذو خلق ومقدر للحياة الزوجيه

وصدقيني والله متى ماكان الزوج عنده ذرة رجوله وشافك متنازله عن اشياء لراحته والله ان يوصلك للقمر لو يتدين

ترى الزوج يبي الزوجه تحسسه بحبه له يبي يحس ان همه الاول والاخير راحته

لحظه انصات دخلت جو

صدقيني متى ماحسستيه بالامر هذي والله ان يحطك بعيونه ومايردلك طلب

يبقى التوفيق بيد رب العالمين ومالنا الا الدعاء اللحين

وطارق تراي امون عليك يوم ارد مره ثانيه

متابعه لاتزعلين ولاتشيلين بخاطرك شئ والله انك اخت عزيزه وغاليه ويشهد الله بس ماقلت الكلام اللي فوق الا لاني اشوف اغلب (( الاميرات

))) ماتقبل بالزوج ماهو بسبب اخلاقه لا .. بسبب امور بسيطه .. وممكن تقبل فيه بسبب حالته الماديه
بعيداً عن ( الرجال كفو ولا مو كفو )) اهم شئ يقولون ساكنه بفيلا وراتب زوجه 20 الف لوووووووووووووووووول .

سلاام.