السلام عليكم


يازعماء

كل شاهدنا مباره الأمس والله قهر نخسر لكن وش نسوي كذا البيلنتيات

أمس خسرنا حلم وهو آسيا وخسرنا المباره وطارق راح يتوقف

وكسبنا أشياء أحسن من كل ذولي




وهو عوده الشلهوب-وعوده مستوى ماجد المرشدي-وأبداع نامي-والجماهير أخيرا تفعالت حركات حلوه


اولا اتكلم عن عوده الشلهوب


أمس محمد والله ماقصر حتى طارق أحسه يستنى احد يفهمه وطلع الشلهوب هو اللي فاهمة

امس تحس محمد لعب لعب مب صاحي وهو وثاق بعد صح أن طارق بيتوقف لكن انشاء الله الشلهوب يسد الخانه

ثانيا المرشدي أمس

أبداع وهو مفلوق يطق براسه هذا هو مدافع الخليج ومشاء الله عليه سرعه وتخليصات ولا اروع شكرا ماجد



ثالثا نــــــــــــــــــــــــامــــــــــــــــــــــــــــــي

والله اني ماتباع لا طارق ولا المرشدي ولا الشلهوب بس اناظر ذا الاعب يوم الجماهير قالت أوه يانامي انهبل ماصدق خبر والله أحسن مباره له أمس يلعب بثقه ويخلص صح أول الدعيع وهوساي يغطون اغلطاه أمس كل واحد في مكانه

نامي عطيتوه ثقه بس شوفوا وش سوا إلى الأمام ينامي شكرا لك

رابعا:الجماهير لكل واحد

والله ماقصرتوا حركات بطله ولا نادي سواها في السعوديه

طلب تكفون(تكفى ترا تكفى تهز الرجايل ولولا فزعتك ماقلت تكفى)

لحد يمن بالحضور يقول حضرت وخسرنا اانا اعطيكم بارين ميونخ ياخي فريقهم فاشل رايح في ابوها تلقا الملعب مليان ولا مره شفت لهم الملعب فاضي هنا بالليه تحضرون بعد حب الخشوم هذي ماتصير الا مره في الموسوم او مرتين



طبعا يجيك واحد وين هوساي هذا كل الموسم فنان ماعليه كلام


شكرا شبيه الريح

واوشف المواضيع كثرت سب تكفون قللوا وقفوا مع فريكم وقت الشده


ارجو اني ماطولت عليكم


تحياتي