نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ياجماعة الخير احنا خسرنا بضربات الترجيح لاتنسوا

MrBlue · #12 27/05/2009, 09:17 AM

إقتباس

الرسالة الأصلية كتبت بواسطة szfk


	ياعمي روح أنت في حاجه لأن تنتظر ركلات ترجيح ليش أنت تلعب مع مين ................؟!!!!! تلعب بخوف أمام فريق صغير مهاجم وحيد .؟؟؟؟؟؟؟؟؟؟؟؟!!!!!!!!!!!! ماهذا الغباء ياليت مصفر ولاكتبت مثل هـ الموضوع مع احترامي لك سلام

شكرا لمرورك ياقمر بعدين ترى طريقة 4-5-1 هجوميه متى ماتوفرت شروطها وهي لعيبة وسط مميزين ثلاثه لعيبة وسط التايب وولي وسيول وامامهم القحطاني ويدعمهم احد المحاور في الغالب رادوي مع تقدا احد الظهيرين يعني ياقلبي ستة مهاجمين انتي متخيل معاي ستة مهاجمين لكن ربك مو كاتب الفوز خلاص وش نسوي وبعدين هذي حال الكوره فايز ومهزوم ولا تنسى الجو ترى حنا ياقدام التلفزيون والا جالسين في المدرجات بس اللاعبين يقطعون كيلوات داخل الملعب والمباراة استمرت 120 دقيقه يعني شيء مو بسيط والله يجيب الخير

واحنا راضين بقضاء الله وقدره وان شاء الله القادم احلا بس خلك وانا خوك متفاءل

إقتباس

الرسالة الأصلية كتبت بواسطة برق الوسم


	ولا تنسى خسرنا من اضعف فريق في التصفيات والخساره خساره بالترجيح أو بالكورنر

كل الفرق اللي مترشحين من بلدانهم فرق قويه حبيب قلبي وكرة القدم مافيها كبير
وبعدين صحيح هذا قضاء الله وقدره الفريق عمل واشتغل على الفوز لكن الله ماكتب وشكرا لمرورك ياقمر

إقتباس

الرسالة الأصلية كتبت بواسطة الصاعقة 999


	طلعت من ركلات الترجيح؟؟؟؟ انت صاحي انت طيب وركلات الترجيح وش فيها من عالم غريب المهم طلعنا بالترجيح والا بالقرعة خلوا اسيا للكبار الله يستر الموسم الجاي من الفتح الله يستر من الدرجة الاولى

شكرا لمرورك ياقمر وخلك متفاءل ياحلو احنا وصيف الدوري وبطل كاس ولي العهد وقاتلنا على كاس الامير فيصل وعلى كاس خادم الحرمين وعلى البطولة الاسيوه لكن الله ماكتب ولاتنى الظروف اللي مرت بالهلال هذا الموسم اكيد انتا توافقكني انها ظروف غير طبيعيه لو تعرض لها فريق كان حصله انهيار كامل
لكن فريقنا والله العظيم فريق بطل