بخصوص التايب، فما راح أكثر الكلام عنه خصوصاً وأنه فيما يبدو بيقعد، لكن هل هو مقنع هالموسم؟ فيما عدا الآسيوية، لا.

أما ويلي، أنا كنت من أكثر اللي يحاربونه، بحجة أن المبلغ اللي أخذه ما يستحقه، وللآن مصر على رأيي، لكن تغيّر رأيي فيه كلاعب، وعطفاً على آداءه في كل الدوريات اللي لعب بها، هالموسم كان مقنع جداً ... صناعة أهداف (يتفوق على التايب هالموسم) وتسجيل.

بخصوص رادوي، يمكنه آخر من راح أطلب التنازل عنه من بين كل المحترفين، وإذا ما قمنا بمقارنته ببقية اللعيبة اللي يشاركونه هالمركز، والله أنه أحسن منهم ... وكان من أفضل اللعيبة المباراة الأخيرة.

أما سول، فأنا من أول قايل مستحيل يبرز بهالخطة العقيمة اللي نلعب بها إلا لو ياسر ما كان موجود، واللي شاف له مباريات مع فولهام يعرف هالشيء، لاعب سريع (قدر يسبق كليشي لاعب الآرسنال!) وما يرتاح إلا في الجهة اليمنى، نجي نمسكه يسار ونقول له "ابن أمك لو ما ناولتها لياسر" ... ؟