|
قصه واقعيه علاقة الطفره بالحضور الجماهيري
السلام عليكم ورحمة الله وبركاته
كان يا ما كان
في نفس المكان
اللي توقف فيه الباصات لنقل الجمهور الهلالي بمدينة الخرج
الاسبوع الماضي يوم مباراتنا مع باختاكور
كنا منتظرين باص ثاني يبغى له تقريبا نص ساعه لين يوصل علشان تحرك الباصات سوى
جوني اثنين شباب قبل تتحرك الباصات معهم كامري
قالوا اذا فيه احد مستعجل مستعدين نشيله معنا بس عندنا مشكله احنا طفرانين
قلت لهم تذاكركم موجوده اكلم تركي الهديب او مازن العسرج ونعطيكم تذاكر وتروحون
قالوا مشكلتنا أكبر مافيه بنزين في السياره 
مع العلم انه كان يوم رواتب
أكثر الجمهور طلاب ثانوي وطلاب كليات وعايشين على المكافئات
وزين ان كفاهم مصروفهم بنزين
الكل شاف الملعب قبل العشاء كان الحضور ضعيف جدا وتضاعف في دقائق
لان الناس توهم ساحبين رواتبهم المباراه كنت بيوم 25 على الراتب
وزحمة الصرافات ويوم أربعاء
فيه ناس كثير ماتهمها الـ20 ريال حق التذكره ومستعده تدفع أضعافها
وفي نفس الوقت فيه نس ما عندها حق البنزين
انا ما أطالب بفتح الملعب مجاني للجميع
يكفي بالكثير يتم شراء 10 الاف تذكره ويتم شرائهاعلى دفعات علشان ما تزيد عن الحاجه توزع عند البوابات 5 و6 الساعه 4 العصر
ويشترط اللي يستلم التذكره ان يلبس فنيلة الزعيم
الطفران بيكون موجود في الملعب بدري و بيحصل تذاكر بكل أريحيه
واللي يقول كلها 20 ريال ويبغى يدعم ناديه يشتري تذاكر ويترك عنه مزاحمة الطفارى
كذا نظمن حضور جماهيري كبير
اذا أنت تقدر تدفع غيرك ما عنده امكانيه
المباره آخر مباراه بالموسم ومباراه حاسم والدعم المعنوي فيها أهم من المادي
وبالتوفيق للزعيم
إخوكم ولد الخرج
 | 