تملى ملعب سعته 70 الف صعبة جداً والسبب انه ما فيه شي يغري للحضور ولا تجي وتقولي عشق ومن هالكلام لآنه مو الكل يقدر يتحمل [ جلسة من العصر عشان تحجز مكان زين & تحمل مهزلة العساكر هناك & ما فيه اي متعة بالحضور عدا الدرجة الممتازة والمنصة اما الواجهة فـ اول ما تجي هجمة خطرة تلقى الكل واقف وتخرب عليك الهجمة وما تشوفها عشان هاللي قاموا واهم سبب انه ما تلقى احد يقدر هالحضور ويحترق عشانك وغيرها من الاسباب اللي تكرهك بالحضور ] عن نفسي مستعد اتحمل كل هالقلق واحضر عشان عشقي الهلال لكن اللي ابغاه ان الكل يشيل فكره ان العاشق الهلالي لازم يحضر واللي ما يحضر يعتبر ناكر او مو عاشق واللي يقولي مباراة الوحدة او الاهلي اللي بالرياض اقوله وش الشي اللي كان يغري اني احضر ؟ حضرنا مباراة الشباب وسكرنا الملعب كامل وآخرتها تعادل بآخر دقيقة حضرنا في نهائي الدوري وآخرتها ولا لاعب تشوفه يحترق عشان هالجمهور بالنهاية اللي يبغى يلوم يروح يلوم اللاعبين اللي ما عطوا هالجمهور اي اهمية حتى بالفرحة وقت الاهداف رح وشف فرحة لاعبين الاتحاد والنصر وتوجههم للجمهور وخصوصا لاعبي الاتحاد وشف فرحة لاعبينا وقت الاهداف لاحظوا دايم الدعيع يمسك يدين اللاعبين عشان يروحون للجمهور هو الوحيد اللي حاس لبى قلبه تذكروا فرحة لاعبينا موسم 1425 هـ كانوا بعد كل هدف وخصوصاً الحاسمة يجون للجمهور وقتها كان فيه كم لاعب يحس بالجمهور ( سامي نواف الشلهوب كماتشو ) ادري شطحت واجد بس كلامي في خاطري من زمان ودي اقوله
