المغرب ... الكل موجود ... سمعوا صوت الباب ... قام نواف وفتح الباب ... العمات ومعهم رشا
نواف: هلا والله ... حياكم
حصة: مافي احد غريب؟؟
نواف: ما غريب الا الشيطان ... حياكم
اشرت له رشا ... ودخلوا العمات ووقف هو برا
التفت لها نواف بابتسامة: شلونك رشا؟؟
رشا: بخير الحمد لله ... انت شلونك؟؟
نواف وهو يلعب برجله ويحركها يمين ويسار: ماشي الحال
رشا: وقفتك لاني بسالك
نواف: خير ان شاء الله؟؟؟
رشا: ليش طلقت هبة؟؟؟؟
نواف: .................................
رشا: لاتعتبره تدخل بخصوصياتك ... بس وربي اني اعزك مثل اخوي ... وما سألت للتطفل اوشي ... بس حبيت اقول لك اني تضايقت لما سمعت الخبر ... هبة مافي منها
نواف: والله عارف
رشا باستغراب: اذا كذا ليش طلقتها؟؟
نواف: غصبا عني ... في ظروف حدتني للتصرف هذا ... وابتسم ابتسامة جانبية ... الظاهر مالنا نصيب مع بعض
رشا: نواف ...حاسة ان الموضوع فيه شي ... بس مابضغط عليك انك تتكلم ... بس اذا احتجت انا موجودة ومستعدة اسوي أي شي يرضيك
نواف وهو يبتسم: شكرا رشا ... هذه بنت العمة اللي الواحد يفخر فيها
رشا وهي منزلة راسها: الفضل يرجع لك يا نواف ... ما تصدق شلون انا ممنونة لك
نواف: لا تقولين هالحكي ... انتي بنت عمتي وفي غلاة خواتي
رشا: طيب ندخل؟؟؟ تأخرنا عليهم
نواف: يالله
دخلت رشا ووراها نواف ...
رشا: السلام عليكم
الكل: وعليكم السلام
قربت من منيرة وسلمت عليها وعلى رؤى والبنات ... وبعدها التفتت لفواز
: الحمد لله على سلامتك يافواز
فواز بابتسامة على التغير اللي الكل ملاحظه على البنت: الله يسلمك يا رشا
رشا: لو سمحت لا تعيد هالحركات ... طيحت قلوبنا
فواز: هههههههههههههه ان شاء الله
قرب عبدالعزيز من اخته فوزية اللي باين الهم عليها ... وحط يده على رجلها
عبدالعزيز: علامك يا فوزية؟؟
نزلت فوزية راسها وغطت وجهها وهي تبكي ....
الكل التفت لها وخافوا ...
عبدالعزيز: فوزية؟؟؟ خير؟؟؟ ايش صاير؟؟؟
قام تركي من مكانه وقرب منهم ....
فوزية على وضعها ولا رفعت راسها ...
عبدالعزيز: فوزية ... قومي معي
فوزية من بين دموعها: وين؟؟؟
عبدالعزيز: قومي معي لمكتبي ... تركي اتصل في عبدالرحمن يلحقنا
مكتب عبدالعزيز ...
عبدالعزيز وهو يقدم لها موية: ممكن تهدين وافهم منك الموضوع؟؟؟
فوزية: سممممممممممممممر
عبدالعزيز بخوف: ايش فيها؟؟؟
فوزية: جايبة لي واحد ما ادري من وين .... وتبي تتزوجه
عبدالعزيز وهو يتنهد: الله يهداك طيحتي قلبي ... الموضوع سهل اذا تحسينه مو كفو ارفضيه ولا تقبلين
فوزية: عديت مرحلة اني اوافق او ارفض
عبدالعزيز: ما فهمت
فوزية: انا وابوها مجبورين اننا نوافق
تركي تدخل: ايش اللي يخليكم تنجبرون؟؟؟
فوزية: شي والله استحي اني اقوله ومالي وجه
عبدالعزيز: طيب هو ولد مين؟؟؟ خلنا نسأل عنه ... يمكن يكون كويس
فوزية: هه ... كويس؟؟؟ هذه ابعد صفة عنه
عبدالعزيز: طيب هو ولد مين؟؟
فوزية: سعودي الاصل ومهاجر وعايش في كندا
عبدالعزيز: لا حول ولا قوة الا بالله ... تارك بلاده وعايش في الغربة؟؟؟
فوزية: قريب ياخذ الجنسية الكندية خلاص
عبدالعزيز: طيب من ولده؟؟؟
فوزية: اهله متبرين منه ... السبب عمايله وسواد وجهه ... وفي الاخير تركهم وهاجر لكندا ... يقول يبي ياخذ حريته ... الا يبي ينبسط في خرابيطه
عبدالعزيز: لا حول ولا قوة الا بالله
تركي بعصبية: طيب هذا من وين عرفته؟؟؟ وايش عاجبها فيه؟؟؟
فوزية: ما ادري من وين تعرفت عليه ... وجاي مخصوص يتزوجها وياخذها معه لكندا ... وهي عاجبها لانه يلعب بالفلوس لعب ... وتفكيره على قولتها متحرر مو مثلكم معقد
تركي: طبعا ينرفض من غير كلام
فوزية: قلت لكم تعدينا مرحلة الرفض
عبدالعزيز: ليش يا فوزية؟؟؟
فوزية نزلت راسها وبكت بقوة: .....................
عبدالعزيز: اهدي يا فوزية وفهمينا
فوزية: من فترة فتحت معنا الموضوع ... طبعا انا وابوها رفضنا الموضوع بشدة ... حاولت تنقعنا وما عطيناها فرصة حتى تبين لنا وجهة نظرها ... سكتت عن الموضوع ... اعتقدنا انا وابوها انها فكرت ورجعت لعقلها ... بس قبل يومين فاجأتنا باللي ماتوقعناه وماتخليته ابد
عبدالعزيز بحذر: اللي هو؟؟؟
انفجرت فوزية بكي ....
تركي بنفاذ صبر: ايش اللي صار يا فوزية؟؟؟
: السلام عليكم
التفتوا وشافوا عبدالرحمن واقف
عبدالرحمن: خير ايش صاير؟؟؟
عبدالعزيز: سمر بنتها
تركي قاطعه: ناوي تشرح له الموضوع؟؟؟ انا ابي اعرف اللي سوته ... بسرعة يا فوزية تكلمي!!!
فوزية من بين دموعها وبكلام متقطع: جت قبل يومين ... وقالت لنا زوجوني اياه ... رفضنا ... قالت مو بكيفكم ... بتزوجوني غصب ... ابوها قال لها مافي شي يغصبنا ... قالت انا انا انا
عبدالعزيز: فوزية؟؟؟ هي ايش؟؟؟
فوزية: طلعت معه و...................................
هنا عبدالرحمن وعبدالعزيز وتركي فتحوا عيونهم عالآخر: اييييييييييييييييييييييييييييييييييييييييش؟؟؟ ؟
فوزية نزلت راسها وبكت بقوة ...
تركي بعصبية: ذبحها على يدي .... مستحيل اتركها كذا
عبدالعزيز: اهدى يا تركي
تركي بصراخ: والموضوع هذا فيه هداوة؟؟؟ هذا شرف يا عبدالعزيز ... شرف
عبدالعزيز: يمكن انها تكذب!!!
الكل سكت ....
عبدالعزيز: يمكن انها تكذب ... وقالت هالشي لجل تلوي ذراعنا بس
تركي: تتوقع؟؟؟
عبدالعزيز: مو بعيدة ... ما اعتقد انها بالغباء اللي يخليها تلعب بشرفها
عبدالرحمن: صح كلامك يا بوفواز ... لازم نتأكد
