الكل طلع وبقى نواف من جهة ورؤى من جهة ثانية ... واحمد واقف على جنب ...
طلع احمد ونادى منى الواقفة برا ... ما دخلت بسبب الزحمة ... وفضلت تنتظر عند الباب
احمد: منى
منى: شلونه؟؟
احمد: على حاله
منى: الله يقومه بالسلامة ويصبر اهله
احمد: اميييييييييييييييييييييييين
منى: وين رؤى ما شفتها طلعت معاهم؟؟؟
احمد: مو راضية تطلع ... تقول بتبات عنده
منى: مو صاحية هذه؟؟؟ كيف تبات هنا؟؟؟ ناسية حملها ومشاكله؟؟؟ كيف تبات هنا؟؟؟
احمد: عارف ... بس ما حبيت اضغط عليها
منى: طيب اقدر ادخل واكلمها؟؟؟
احمد: مافي احد الا نواف اخوه ... تفضلي
دخلت منى: السلام عليكم
نواف ورؤى بهمس: وعليكم السلام
منى: الحمد لله على سلامة فواز يا نواف .. مايشوف شر ... ويقوم ويرجع لكم بالسلامة يارب
نواف: اميييييييين ... شكرا ام لجين ... ما قصرتي
راحت منى: رؤى
رؤى بعصبية: ما ابي اسمع شي ... ما بتحرك من هنا الا وهو معي
منى: واذا صحى وشاف ولده راح ... بيفرح؟؟؟
لفت رؤى عليها بقوة: ........................
منى: لا تطالعيني كذا ... بس انا اتكلم جد ... وضعك الصحي ما يساعد على الجلسة الطويلة ... ولا ناسية كلام الدكتور؟؟؟
رؤى: ما نسيت ... بس هذا فواز
منى: هو مو حاس فيك ... وبكرة اذا صحى ان شاء الله ويحتاجك جنبه بتكونين تعبتي وما فيك حيل تجلسين له
رؤى: تتوقعين؟؟
منى: طبعا ... انا من رايي تقومين معي تريحين شوي ... وبكرة من الصبح ابوك يرجعك عنده
رؤى: بس ما شبعت منه
منى: خلاص ... اجلسي شوي كمان ... واحنا ننتظرك برا ... ومتى ما تبين نوصلك البيت ونرجعك بكرة
هزت رؤى راسها بعلامة الرضا
وصلوا عبدالعزيز وعبدالرحمن لباب المستشفى ...
: دكتور عبدالعزيز
التفت عبدالعزيز وشاف الشرطي اللي كان موجود ليلة حادث الطفل ...
الشرطي: يأسفني اللي صار للدكتور فواز
عبدالعزيز بألم: ايش فايدة الأسف
الشرطي: مو غلطتنا ... فواز هو اللي ماكان متعاون ... ما اتصل فيني ولا بلغني عن شي
عبدالعزيز بعصبية: وليش هو يعلم الغيب؟؟؟
الشرطي: انا رحت لموقع الحادث ... وطلع لي سواقكم ... عطاني جوال فواز لاني طلبته منه
عبدالعزيز باهتمام: وبعدين؟؟؟
الشرطي: فواز تلقى اكثر من اتصال من ارقام غريبة .. واتوقع انها تهديدات
عبدالعزيز: مو شرط أي رقم غريب يكون منهم
الشرطي: حتى لو كان من كباين التلفون اللي بالشارع!!!!
عبدالعزيز بعصبية: ولييييييييييش ما تكلم؟؟؟؟
الشرطي: هذا اللي ابي اعرفه ... لو تكلم كان حميناه
عبدالعزيز: الله يهديه بس
الشرطي: عالعموم هذه تحليلاتنا ... واول ما يصحى نسمع ايش يقول لنا
بعد ساعة ... دخل احمد عليهم ... وشافهم بنفس الوضع ... قرب من رؤى ..
احمد: رؤى حبيبتي
رؤى: هلا بابا
احمد: ما بيمديك ترتاحين ... ما بقى عالفجر شي؟؟
رؤى: يالله ... بطلع معك
احمد: انتظرك برا ... نواف
نواف: هلا عمي
احمد: تامر على شي قبل لا نروح؟؟؟
نواف: سلامتك ... تعبناك يا عمي ... ما قصرت
احمد: لا تقول هالحكي .. فواز ولدي ... والله يعلم بغلاته ... رؤى انا انتظرك برا
رؤى: تامر على شي نواف؟؟
نواف: سلامتك ... انتبهي لصحتك
رؤى: ان شاء الله ... بس أي شي يصير دق علي
نواف: ان شاء الله
قربت رؤى من اذنه وهمست: بتركك حبيبي غصبا عني ... شد حيلك ... ابي ارجع الصبح والاقيك فاتح عينك ... وتبتسم لي ابتسامتك اللي ما اقدر استغنى عنها ...
رفعت راسها وباسته على جبينه ... ونزلت ليده وضغطت عليها وباسته ... راحت بتطلع ... وصلت للباب ... التفتت له وهمست ... يحفظك ربي يالغالي
طلعت وركبت سيارة ابوها ... وبصوت ما ينسمع: السلام عليكم
من سمعت منى صوتها فتحت بابها وركبت ورا عندها: وعليكم السلام حبيبتي
رؤى: ليش رجعتي ورا؟؟
منى: انا هنا عشانك يارؤى
رؤى وهي تضغط على يدها: ما ادري من غيرك ايش اسوي
منى: لا تقولين هالكلام ... الله يعلم بغلاتك
بعد فترة رفعت رؤى راسها واستغربت: بابا
احمد: حبيبة بابا
رؤى: وين رايح؟؟؟
احمد باستغراب: البيت
رؤى: أي بيت؟؟؟
احمد: بيتنا
رؤى: بس انا ابي اروح بيتي
احمد: بس يا رؤى وضعك ما يسمح تكونين لوحدك!!!
رؤى: وانا ابي اكون في بيتي
منى: خلها على راحتها يا احمد
احمد: شلون يا منى اتركها؟؟؟
منى: بعد اذنك ... بنام معها
احمد: اذا انتي معها فانا مرتاح
