نواف: رجعنا لموضوع الحب؟؟؟ انا ما حبيتهم الحب اللي في بالك ... فعلا احبهم .. بس مثل خواتي ... ولما فكرت فيهم ... كان لسمعتهم الطيية واخلاقهم الحلوة ... مو لحب او شي ثاني من اللي في بالك ... وبعدين من قالك ان نظرتي لك واطية؟؟؟ بالعكس ... انتي تكسرين خاطري ... احسك ضحية ... عمرك كله مافي احد نصحك او وجهك ... ولما كبرتي مشيتي مع سمر ... هذه الخراب كله ... احس الشر ينبع منها ... وانتي بحكم شخصيتك الضعيفة انجريتي وراها ... وصرتي تسمعين كلامها بكل شي ...
رشا وهي تبكي: لما سمعت بخبر خطبتك وملكتك ... اتصلت فيها وانا ابكي ... قالت لي لا تخافين اذا انا موجودة مصيره لك مثل ما فواز مصيره لي ... قالت لي ايش اسوي اليوم واخرب على هبة
نواف بعصبية: ان قربتي منها بذببببببببببببحك فاهمة؟؟؟ انا ماني فواز عشان اسكت لك؟؟؟
رشا: بس انا ابد ما اقتنعت بكلامها ... قلت لها اوكي ... بس مستحيل اقدر اسوي اللي طلبته مني ... اذا سعادتك مع هبة .. الله يهنيك ويسعدك ويوفقكم مع بعض ... صدقني يا نواف راح اكون سعيدة اذا شفتك سعيد ومبسوط
نواف: وانا اسعد اذا عقلتي وتركتي عنك سمر وحركاتها ... وربي يرزقك بالانسان اللي يقدرك ويسعدك ... واكيد بتحبينه بعد الزواج
رشا بابتسامة: اتركك تكمل شغلك
طلعت رشا من عنده وركضت لغرفة البنات .... رمت نفسها عالسرير وانفجرت بكي ....
دخل فواز ومعه الاغراض الي طلبها نواف
فواز: نوافو ... هذه اغرا ....
استغرب فواز من سرحان اخوه الي ماحس بدخوله اصلا
فواز: نواااف ... ايش فيك؟
نواف: ها ... انت وصلت؟
فواز: من زمان ... انت الي ماادري وين وصلت
نواف: تدري من كان عندي بالغرفة قبل شوي؟
فواز: من يعني؟ اكيد امي مافي احد في البيت غيرها!!!
نواف: لا
فواز: نوافو ... مو وقت ألغاز تكلم مثل العالم والناس او اسكت ولا تكثر حكي
نواف: رشا
فواز وهو مو مستوعب: رشا مين؟
نواف بعصبية: كم رشا في عايلتنا؟
فواز: رشا ماغيرها؟ بنت عمتي؟
نواف: ايه
فواز: ايش تبي؟
نواف: اسمع
دخلوا البنات غرفة ليان ونزلوا عباياتهم
ليان: بنات شعري خرب؟؟
لينا: اووووووووووف انتي وشعرك ... لا ماخرب
ليان: الحمد لله ... يالله خلنا نبدأ بالميك اب ... ما بنخلص وبنتأخر وامي بتهزأنا
رؤى: اروح البس ملابسي وبعدين احط الميك اب ... يمكن مايضبط معي اللبس ... وما في وقت اغير اللون بعدين
ليان: بيضبط ... بس انتي موسوسة
طالعت فيها رؤى بنظرة وطلعت من الغرفة وراحت لجناحها ...
لينا وليان في الغرفة ويحوسون ... سمعوا صوت باب حمام ليان ... التفتوا لجهة الحمام ... وطلعت منه رشا وهي مبتسمة ...
رشا من سمعت حسهم تحت ركضت للحمام ... دخلت وغسلت وجهها ومسحت دموعها ... وهم مايدرون انها موجودة لانهم ما شافوا امهم وهم صاعدين
لينا: حيا الله رشا ... من متى هنا؟؟؟
رشا: اممممممممممم نص ساعة يمكن ... قربت منهم وباستهم ... مبرووووووووووك ملكة نواف
لينا: الله يبارك فيك
ليان باستغراب: الله يبارك فيك
رشا: اسفة اذا جيت ودخلت غرفتكم بدون استئذان ... بس حبيت اشارككم الفرحة نلبس ونجهز مع بعض
ليان فاتحة عينها عالآخر: ......................
لينا: حياك الله ... ولو ... ما يبيلها اسف ... بيت خالك بيتك ... وحياك الله في أي وقت
ليان وهي تساسر لينا: والله عزميها في بيتك ... مو في بيتنا وعلى قلبنا
لينا: استحي يا بنت ... البنت في بيتنا وضيفتنا واحترامها واجب
حست رشا انهم يتكلمون عنها وتضايقت ... بس اللي يبي يتغير لازم يستحمل
غرفة نواف ...
فواز: ما تستحي ... قلت هالكلام كله للبنت؟؟؟
نواف: في البداية استفزتني ... بس بعدين حسيت اني ضغطت عليها وزودتها
فواز: الحمد لله في احساس يعني؟؟
نواف: ما ادري كيف طلع الحكي؟؟
فواز: من حبك لكثرة الحكي ... مسكينة البنت تلاقيها ميتة من البكي
نواف: ليش؟؟؟ قالوا لك رؤى؟؟
فواز وهو يضربه على راسه: لا تغلط عليها لو سمحت
نواف: ههههههههههههههههههه كيف الاوضاع؟؟؟
فواز وهو يبتسم: تمممممممممممممام
نواف: تقولها من قلب ... يعني تصالحتوا؟؟؟
فواز: نص نص
نواف: شوووووووووووووف ... صدق انك ما تستحي ... بتموت عالبنت ومعذبها؟؟
فواز: مسويلها اختبار
نواف: اختبار ايش؟؟؟
فواز وهو يبتسم: ليش تطلع من البيت من غير رضاي؟؟
نواف: شووووووووووووووووووووف ... والله انك حمار
فواز: عااااااااااااااااااااادي ... اهم شي تتأدب
غرفة ليان ...
قطع الصمت دخول رؤى المفاجئ ...
رؤى: شفتي يا ليان ... قلت لك ما بيصلح ... بس انتي اللي اصريتي
ليان: مو باين يارؤى ... بس انتي ما ادري ايش فيك متعقدة؟؟؟
لينا: خير ... ايش صاير؟؟؟
رؤى: شوفي تنورتي؟؟؟
لينا: ايش فيها؟؟؟ حلوة وتجنن
ليان: سمعتي؟؟؟ حلوة وتجنن
رؤى: التنورة حلوة ... بس رجلي مو حلوة ... شوفي اثر الحرق مبين
لينا: وينه؟؟؟
رؤى وهي تأشر على رجلها من فوق والتنورة مغطية عليه: شوفي
لينا: رؤى مو باين ... التنورة مغطية عليه
رؤى: بس اذا تحركت يبان ... حتى شوفي ( نزلت نفسها وارتفعت التنورة وبان طرف الحرق )
لينا: رؤى من بيشوفه كذا؟؟
رؤى: اذا ضيفت الناس او سلمت على وحدة جالسة بنزل نفسي ويبان
لينا: صدقيني يارؤى مو باين
ليان: لانك عارفة حاسة انه باين ... بس اللي ما يعرف ما بينتبه
رؤى وهي تبكي: انتي اسكتي ... كله منك ... جلستي على راسي لحد ما شريت التنورة ... وماشريت شي غيره وماعندي شي البسه
لينا: رؤى من جدك؟؟؟ والله مو باين كثير
رؤى: يعني باين ... بس مو كثير ... الله يسامحك يا ليان
طلعت من الغرفة وهي تركض لجناحها ...
رشا ساكتة طول الوقت ... ومن تكلمت رؤى نزلت راسها وكسرت خاطرها
لينا: وانتي ليش تخلينها تشتري شي موعاجبها؟؟؟
ليان: بتموت عالتنورة وعاجبتها ... بس معقدها اثر هالحرق
لينا: خلاص ... خليها على راحتها
ليان: مو كيفها ... الحرق مو باين لهالدرجة عشان تحرم نفسها من اللبس ... لازم نضغط عليها ونبين لها ان الوضع عادي
لينا: ايش استفدتي بالنهاية ... زعلت وتضايقت وما بتلبسه وماعندها غيره تلبسه ... اضغطي عليها في مناسبات ثانية ... مو في يوم ملكة نواف تخربين عليها
