21/05/2009, 02:38 PM
|
 | زعيــم مميــز | | تاريخ التسجيل: 04/07/2008 المكان: KUWAIT
مشاركات: 5,948
| |
--------------------------------------------------------------------------------
الجزء 22 ..
قام من مكانه وفتح الدولاب وطلع منه العصا ...
الاولاد من شافوا العصا ... ركضضضضضضضضضضضضوا برا وهم يضحكون على ابوهم ...
عبدالعزيز: ههههههههههههههههههههه
لف على منيرة الجالسة على طرف السرير وهي مبتسمة ... من شافته عطته ظهرها ونامت ...
جلس عبدالعزيز على السرير: منيرة
منيرة: .......................
عبدالعزيز وهو يمسح على ظهرها: منيرة
منيرة وهي على وضعها: نعم؟؟
عبدالعزيز وهو يلفها لجهته: بسألك سؤال!!
منيرة: عبدالعزيز ... تعبانة وفيني نوم
عبدالعزيز: جاوبيني على سؤالي وبعدها نامي
منيرة: خير؟؟
عبدالعزيز: لو خيرتك بين نواف وفواز ... تختارين مين؟؟؟
منيرة باستغراب: ما فهمت؟؟؟
عبدالعزيز: يعني لو قلت لك ضحي بواحد منهم ... نواف او فواز ... مين تختارين؟؟؟
منيرة بسرعة: بسم الله عليهم ... ايش هالكلام؟؟؟
عبدالعزيز: ما تقدرين تستغنين عن واحد منهم؟؟؟
منيرة: اكيييييييد ... عبدالعزيز ليش هالحكي؟؟؟
عبدالعزيز: ابيك تعذريني لما ما قلت لك من ولدك !!! لو قلت لك بتفقدين واحد منهم ... وانا بعد بفقده ... وهذا اللي ما اقدر استحمله
منيرة: عبدالعزيز ... انت ما بتقول لي من ولدي ... وانا يئست اصلا انك تقول لي ... فلا تدور لك اعذار ... الشي اللي سويته غلط ... وبتدفع ثمنه ... بس متى ؟؟؟ الله اعلم ... تصبح على خير ..
عطته ظهرها ونامت ...
جلس عبدالعزيز يفكر بكلامها ... وحط راسه ... بس وين تغمض لي عين ... وهو يحس ان الهم كل ماله ويكبر ... الى متى؟؟؟
مر اسبوع ... رؤى في بيت ابوها وما رجعت ... فواز ما سأل عنها حتى بمسج ... وهي بالمثل ... اخلاقه تجارية ... واصلة معه للآخر ... والكل ملاحظ عليه عصبيته ...
رؤى ... تتصل كل يوم في خالتها وتطمن عليها وتبين لها ان الوضع عادي ... وانها ما رجعت البيت لظروف زوجة ابوها ...
في المستشفى ...
تركي جالس في مكتبه ... سمع صوت الباب
تركي: تفضل
عبدالعزيز: السلام عليكم
قام تركي من مكانه وتوجه لاخوه: وعليكم السلام ... حياك الله ... نورت مكتبي
عبدالعزيز: النور نورك ...
تركي: ايش تشرب؟؟؟
عبدالعزيز: مسوي فيها مدير علي انت ووجهك ... استريح بس
تركي: هههههههههه العين ما تعلى عالحاجب
عبدالعزيز: تسلم ... ايش عندك اليوم بعد المغرب؟؟؟
تركي: فاضي ... امر؟؟؟
عبدالعزيز: اجهز ... بنروح لبيت بوشهد
تركي: .................
عبدالعزيز: لا تعليق ... ليش سكت؟؟
تركي: افكر
عبدالعزيز: في ايش؟؟
تركي: تتوقع يوافقون؟؟؟
عبدالعزيز: وين يحصلون احسن منك؟؟؟
تركي: لا تنسى فرق السن!!!
عبدالعزيز: بدري ... كان جلست كمان وبعدين قولي فرق السن ... لما تأخرت في الزواج ما كنت تعرف انه بيكون في فرق في السن؟؟؟
تركي: اممممممممممممم خلاص غيرت رايي
عبدالعزيز: تركي ... انا وعدت الرجال وانتهينا
تركي: نشوف اخرتها
عبدالعزيز: انت من جدك خايف؟؟؟ ماعندك سالفة ... حتى اذا رفضوا في غيرها الف
تركي: بس انا خاطري في هالبنت
عبدالعزيز: وانا بعد ودي تاخذها ... بس اقول لو ... لو رفضوا
تركي: اذا رفضوا ما ابي اتزوج غيرها
عبدالعزيز: خلها ترفض بالاول بعدين قرر ايش تسوي اذا رفضت
تركي: الله كريم
عبدالعزيز: وينهم الشباب؟؟؟
تركي: هههههههههههههههه
عبدالعزيز: دامك ضحكت معناته فيه مصيبة وراهم
تركي: لا مو مصيبة مصيبة ... نص مصيبة
عبدالعزيز: وينهم؟؟
تركي: طالعين يتغدون برا
عبدالعزيز وهو فاتح عينه: كلهم؟؟؟
تركي: فواز ونواف وخالد
عبدالعزيز وهو يهز راسه: لا حول ولا قوة الا بالله ... ما ادري متى بيعقلون
تركي: حرام عليك يا عبدالعزيز ... خف عليهم شوي
عبدالعزيز: كل هذا واخف عليهم؟؟؟ داوم وما يداومون!!! ولا اسوي لهم شي ... ايش تبيني اسوي ؟؟ ارسل لهم رواتبهم وهم نايمين في البيت!!!
تركي: حرام عليك ... صدق هم يطلعون من الدوام ويتجمعون في المكاتب ... بس بعد ما يخلصون شغلهم ... ما في مرة تركوا اشغالهم وتجمعوا ... يشتغلون بضمير وبعدين يسوون اللي يبونه
عبدالعزيز: ومناوباتهم؟؟؟
تركي: هههههههههههههه هو المشكلة في المناوبات ... ما يرضون ياخذون المناوبات ... بس اذا ناوبوا يشتغلون
عبدالعزيز: هم خلهم ياخذون المناوبات بعدين ... في الشهر مرة يرضون يداومون في الليل!!!
تركي: ههههههههههههههه خلهم على راحتهم ... مستشفى ابوهم وخلهم يتدلعون
عبدالعزيز: المشكلة انهم شطار ... بس لو يهتمون شوي؟؟؟ يطلعون عباقرة
تركي: ما ينخاف عليهم ... صدقني
وفعلا ... بعد المغرب ... تركي وعبدالعزيز زاروا ابو شهد وفاتحوه بالموضوع وبان انه انبسط عالموضوع ... تركي ما يتعوض ... وما فيه شي يعيبه
بس طلب منهم فترة يشاور فيها شهد ويرد عليهم الخبر ...
بعد العشا ...
رجع تركي مع عبدالعزيز للبيت ... ودخلوا المكتب على طول ...
نقز نواف لفواز اللي يتفرج عالتلفزيون ...
نواف: ايش عندهم الاخوان؟؟
فواز وهو مندمج: ما ادري عنهم
نواف: خاطري اعرف!!!
فواز: يا شين اللقافة
نواف: يعني بالذمة ما ودك تعرف؟؟؟
فواز: والله من ناحية ودي ودي ... بس انا اقولك من احين ... لو ناويين يخبون علينا لو تموت قدامهم ما يقولون لك
نواف: تبي تعلمني فيهم
فواز: دامك عارف بعد خلني اكمل الفيلم
نواف: باقي عليه كثير؟؟؟
فواز: تبي شي؟؟
نواف: والله فيه سالفة تحوس في خاطري
فواز: اذا موضوع من مواضيعك البايخة بذبحك
نواف: الله اكبر ... سوالفي صارت بايخة؟؟؟ ولا لانها ماتجي على هواك!!!
فواز: اخلص ايش عندك؟؟؟
نواف: ما ينفع هنا ... اصعد معي فوق واقول لك
فواز: اووووووووووووووف ... رؤى ايش تصير لك؟؟؟ كل ماتشوفوني مندمج بفيلم تزعجوني!!!
نواف: لو شفتها بعيني ما صدقت ... هي تقدر تكلمك عشان تزعجك؟؟؟
فواز: اخلص واصعد معي خلنا نشوف اخرتها
نواف: هذا انت ... اذا ما عجبك الكلام تغير الموضوع على كيفك ...
__________________  |
