الجزء 21 ...
توجه للباب ... وقفل عليها باب الغرفة من برا وترك المفتاح فيه
رؤى ... من جده الحمار قفل علي ... قامت للباب وجربت الباب لقته مقفول ... حاولت تدخل المفتاح من صوبها ما دخل
رؤى: الحمااااااااااااااااااااااااااااااااااااااااا ااااا ااااااااااااااااااااااااااااااااااااااااااار
نزل فواز بثقة ولا همه شي ... قابلته ليان عند الدرج ...
فواز: وييين؟؟؟
ليان: خالد دخل يسلم على امي
فواز: ماشاء الله لينا وصلت؟؟؟
ليان: كل الناس وصلوا الا زوجتك المصون ما نزلت!!! ما ادري ايش تسوي؟؟؟
فواز: تجهز
ليان: طيب بروح اشوفها واستعجلها
فواز بسرعة: لاااااااااااااا
ليان باستغراب: ليش؟؟؟
فواز: هي قالت لا تخلي احد يصعد عندي ولا يمرني ... لانها صحت متاخر وماتبي احد يشغلها
ليان باستغراب: خلاص ... على راحتها
فواز: يالله بعدي خليني اسلم على لينا وخالد ... صدعتي راسي من كثر الحكي
ليان: وانا قلت شي؟؟؟
فواز: كل هذا وماقلتي شي؟؟؟
ليان: اووووووووووووووف الله يعين رؤى عليك
طالعها فواز بنظرة ونزل من غير ما يكلمها
نزل فواز للصالة: السلاااااااااااااااااام عليكم
الكل: وعليكم السلام
قامت لينا وسلمت على فواز: كل عام وانت بخير
فواز: وانتي بخير
خالد: كل عام وانت بخير
فواز: وانت بخير ... اوووووووووف حتى في العيد نشوفك!!! ما ابي شي يذكرني في الدوام!!!
عبدالعزيز وكأنه ما صدق: اي ... اللي يسمعك يقول دايم في الدوام وما يطلع
فواز وهو فاتح عينه: يبه دوام واداوم ... ايش اسوي اكثر؟؟؟
عبدالعزيز: تداومون؟؟؟ مو كأنك انت واخوك رفضتوا الدوام في العيد!!!
نواف: الله يهداك يبه ... في احد يداوم في العيد!!!
عبدالعزيز: ليش مختارين الطب؟؟؟ الدكتور لازم يستحمل ويضحي للغير ... مو همه الوناسة والاجازات!!!
نواف وهو يلف على فواز: يعني لازم تفتح الموضوع انت وخشتك ... هذا الوالد ما صدق؟؟؟
فواز: كله من خالد ... ليش يدخل واشوف وجهه واتذكر الدوام؟؟؟
لينا وهي تمسك يد خالد وتتعلق فيها: يحصل لكم مثل خالد!!!!
نواف: مالت عليك انتي وخالد حقك
خالد: اقووووووووووول ... ترى انا موجود!! اذا طلعت قولوا اللي تبون
فواز: وليش ناخذ اثمك؟؟ اذا عندنا شي بنقوله في وجهك
من اول ما نزل وجوال فواز يرن ... بس يقفله وما يرد ... وفي الخير حطه عالسايلنت ... وصله مسج ( فواز ... تعال وافتح الباب احسن لك؟؟؟)
فواز: ( غيرتي لبسك؟؟؟ )
رؤى: ( ما غيرته ولا بغيره )
فواز: (خلاص ... البسي الفستان عند الجن اللي عندك في الغرفة )
رؤى ( بفضحك )
فواز ( اتحداك )
رؤى ( لا تتحداني يافواز ... ما شفت الوجه الثاني لرؤى )
فواز ( ولا انتي شفتي الوجه الثاني لفواز )
رؤى ( انتظر اللي يجيك )
فواز ( مو خايف منك )
رمت رؤى الجوال بقهرررررررررررررررررر ... طيب يا فواز ... انا تسوي فيني كذا ... من تزوجتك وانا عايشة في ذل ... لا واللي يقهرني ... كل ما قلت له شي قال استحمليني ... طبعا بتسوي اللي تبيه ... شوف من بيجلس لك في البيت
رفعت جوالها وطلعت رقم ابوها واتصلت عليه ....
احمد بفرح: كل عام وانتي بخير ... سبقتك ... بقولها لك قبل لا تقولينها لي
رؤى من غير نفس: وانت بخير
احمد: اول عيد اصحى وما اشوفك قدامي
رؤى: وشكله اخر عيد
احمد باستغراب: ما فهمت؟؟
رؤى: بابا ... ممكن تمر علي؟؟؟
احمد: وينه فواز؟؟؟ ما تمرون علينا؟؟؟
رؤى ودموعها نزلت: بابا مر علي ... ما استحمل الجلسة مع فواز اكثر من كذا
احمد: رؤى ... في يوم العيد؟؟؟
رؤى وهي تبكي: ليش هو فارقة معه عيد من غيره ... منكد علي عيشتي ولا اقدر استحمل
احمد: اهدي رؤى ... اهدي ... خمس دقايق وانا عندك
رؤى: بسرعة بابا انتظرك
قفلت رؤى السماعة وجهزت لها شنطة صغيرة ... ودها تاخذ اغراضها كلها بس ماودها بالفضايح قدام الناس ...
عشر دقايق ودق عليها ابوها ..
رؤى: هلا بابا
احمد: وينك؟؟؟
رؤى: في غرفتي
احمد: طيب ابي اصعد لك ... كيف؟؟؟
رؤى: بابا ابي اطلع من هنا
احمد: رؤى ... لازم نتفاهم
رؤى: مابسمع شي وانا في بيته ... اذا صرت عندك قول اللي تبيه
احمد: لا حول ولا قوة الا بالله ... انزلي انا عند الباب
رؤى وهي تبكي: فواز مقفل علي الباب ولا اقدر اطلع
احمد: ايييييييييش؟؟
رؤى: كلمه وقول له يفتح لي الباب
احمد بعصبية: بزران؟؟
رؤى: بابا ... احس اني اختنق
احمد: طيب طيب
قفل السماعة واتصل على فواز ...
فواز شاف اسم عمه ... ياربي ايش بقول له ... اكيد يسأل ليش تأخرنا عليه ... الله يهديك يارؤى ... لازم العناد اليوم
فواز :هلا عمي
احمد: وينك؟؟؟
فواز باستغراب: في البيت
احمد: اطلع انا عند الباب!!!
فواز: طيـ ...
ما كمل جملته لان احمد قفل السماعة بوجهه
قام وطلع لعمه ... سلم عليه: كل عام وانت بخير
احمد: وانت بخير ... وينها رؤى؟؟؟
فواز: فوق في غرفتها ... حياك واناديها لك
احمد: بصعد معك
فواز: ها
احمد يلهجة حازمة: بصعد معك
فواز بتردد: حياك ...
دخل فواز وقال لامه وخواته ان عمه بيمر ويصعد لرؤى وهم بعدوا عن طريقه وصعد مع فواز ...
دخلوا الجناح: حياك عمي
احمد: وينها؟؟؟
فواز: في غرفتها
احمد وهو يأشر على المفتاح اللي في الباب: وهذا ايش؟؟
نزل فواز راسه وما تكلم ... من البداية وهو حاس ان عمه عنده خبر ... مع جملته الاخيرة تأكد مليون بالمية ان رؤى مكلمته
فواز ما قال شي وفتح الباب ...
ركككككككككككضت رؤى لحضن ابوها وبكت ...
احمد وهو يمسح على شعرها: ليش البكي؟؟
رؤى: لا تتركني هنا!!
فواز التفت عليها بسرعة: .......................
احمد: رؤى ... اليوم عيد ... انتظري يومين وامر عليك بنفسي
