وصلوا المستشفى ...
فواز: رؤى روحي لام صديقتك بالاول وخلصي منها وبعدين تعالي لرغد
رؤى: خلاص ... قول لي رقم غرفة رغد وانا الحقك


فواز وهو رايح للغرفة قابل نواف باللفت
فواز: انت عند رغد ولا تدور بالمستشفى؟؟؟
نواف: لا طلعت من عندها ... دخلوا حريم وطلعت
فواز: وين رايح اذا كذا؟؟؟
نواف: لا اتوقع طلعوا ... من زمااان طلعت من عندها


وصلوا لممر الغرفة ...
الدكتور عادل: دكتور فواز؟؟؟
فواز: هلا دكتور عادل
نواف: بتركك ... بيستلمك نصايح ومحاضرات ومالي خلق اسمع
فواز: ههههههه لا يسمعك بس
نواف: عن اذنك
الدكتور عادل: كيفك دكتور فواز؟؟؟
فواز: الحمد لله بخير
الدكتور: من زمان ما مريت علي اكتب لك الدوا؟؟
فواز: هههههههههههه افا دكتور عادل!!! تكره اني اكون بخير؟؟؟
الدكتور عادل: هههههههههههههه لا مو كذا ... بس على بالي مطنش الموضوع
فواز: تبي ابوي يذبحني؟؟؟
الدكتور عادل: ههههههههههههههه يعني خوف من ابوك بس؟؟؟
فواز: امممممممممممم تقدر تقول!!!
الدكتور عادل: خلاص اهم شي انك بخير
فواز: شكرا لاهتمامك دكتور
الدكتور عادل: واجبنا واقل بعد من الواجب
فواز: نشوفك على خير

كمل فواز طريقه ... شاف نواف في في طريقه راجع
فواز: ليش رجعت؟؟؟
نواف: طقيت الباب فتحت لي الباب بنت ما اعرفها
فواز: هههههههههههههههههههههههههههههه
نواف: تضحك مع خشتك؟؟؟
فواز: طيب حلوة ... وغمز له بعينه
نواف: متفررررررررررررررررررغ حدك
فواز: هههههههههههههههههههههههههههه


طلعوا الحريم ودخلوا فواز ونواف ... وكالعادة قلبوا الغرفة على راسهم ... ازعاج وضحك وهبال ... بعد ربع ساعة سمعوا صوت الباب .... طلت رؤى عليهم
رؤى: السلام عليكم
الكل: وعليكم السلااااااام
رؤى راحت لرغد وسلمت عليها: الحمد لله على سلامتك رغودة
رغد: الله يسلمك حبيبتي
سلمت رؤى عالكل وراحت لنورة: تستاهلين سلامة رغد ياخالة
نورة: الله يسلمك حبيبتي ... بس انا عتبانة عليك!!!
رؤى باستغراب: افا ياخالة ليييييييييش؟؟؟
نورة: انا ربي ما رزقني بالولد ... وعوضني بفواز ونواف ... والله العالم بمعزتهم وغلاتهم ... وانا احب مرت ولدي تناديني باللي يناديني فيه ولدي
ابتسمت رؤى وفهمت عليها: من عيوني يمه
حضنتها نورة: الله يكملك بعقلك حبيبتي ... يا بخت فواز فيك
فواز: ويا بختها في فواز!!
طالعت فيه رؤى ......
فواز: لا تطالعيني كذا؟؟؟ تنكرين؟؟؟
رؤى بتطنيش لفواز: يمه وين البيبي؟؟؟
جود: هذا هو عند وعد ... ماتركته من دخلت
وعد: والله كل شوي احد يدخل وياخذونه
جود: والله ما عرفنا نمنع الزيارة وتنفردين فيه؟؟؟
وعد: يا ليييييييييت
الكل: هههههههههههههههههه
رؤى راحت لوعد: طيب ممكن اشوفه شوي بس؟؟؟
جود: تستأذنين منها؟؟؟ اخذيه ولا عليك؟؟؟

رؤى: لا ... اذا وعودة مو راضية بنتظر ... كله ولا وعودة
وعد: بعطيك اياه بطيب خاطر ... لانك الوحيدة اللي معبرتني ... حتى زوجك الدب ما عبرني
فواز: شووووووووووف انا دب؟؟؟
رؤى: الدنيا سلف ودين!!!
نواف لفواز: اييييييييوه ... كملوا خناقتكم قدام الناس
فواز: هههههههههههههههههه
نورة: حبيبتي رؤى ... اجلسي عند زوجك فيه مكان ...
رؤى: ان شاء الله
راحت وجلست جنب فواز وبيدها ولد رغد ...
رؤى انبسطت عليه كثيييييييييييييييييييييييييييير
رؤى: يا حبي له يجنننننننننننننننننننننننننننننننننننن ... الله يحفظه يارب
رغد: تسلمين حبيبتي
رؤى جالسة جنب فواز وفي حضنها الولد ... قرب منها فواز وجلس يلعب باصبعه على خدوده ...
رفعت رؤى عينها لفواز ... لمح فواز الدمعة في عينها ... قرب منها وهمس لها: حلو صح؟؟؟
هزت رؤى راسها بايه من غير ما تتكلم ... لانها لو تكلمت بتبكي خلاص ...
فواز بنفس النبرة: بس ولدي بيطلع احلى منه بكثيييييييييييييير
رؤى: ..................................
فواز: تعرفين السبب؟؟؟
هزت رؤى راسها بلا ..
فواز: لانك امه
ابتسمت رؤى بإحراج ...




اليوم العيد ...
الكل فرحان ومبسوط بالعيد ... بس احفاد ام محمد فاقدينها كثير ... اول عيد يمر عليهم من غير جدتهم نور البيت ... مو متخيلين ان العيد يمر من غير ما يسلمون عليها ويبوسون راسها وتدعي لهم دعوة من دعواتها الحلوة ... الله يرحمها ويغفر لها


بيت عبدالعزيز ...
عبدالعزيز وهو يغير ملابسه ... منتبه لمنيرة اللي تروح وترجع في الغرفة ومو معطيته أي اهتمام ... هي ما كلمته من يوم وفاة ام محمد ...
حز عبدالعزيز في خاطره ... اليوم عيد وكل الناس فرحانة وانا مضايقها كذا؟؟؟
خلص لبس وتعطر ... انتبه انها بتطلع من الغرفة ... وقف قدامها
رفعت منيرة راسها وطالعت فيه: ................
عبدالعزيز: اول عيد يمر علينا من غير ما تقولين لي كل عام وانت بخير
نزلت منيرة راسها: ...................
رفع راسها بيده: يعني ما بسمعها منك؟؟؟
منيرة: اذا اللي يريحك انك تسمعها من غير أي احترام لمشاعري واحاسيسي بسمعك اياها ... كل عام وانت بخير
عبدالعزيز: منيرة ... انا ما كنت في وعيي ولا ادري ايش كنت اقول!!!
منيرة: مو مبرر
عبدالعزيز: شنو اللي مو مبرر؟؟
منيرة: كل شي اقدر استحمله ... مستعدة استحمل انك تفضل نورة علي ... مستعدة استحمل انك تحب ولدها وتفضله على عيالي ... بس اللي ما ارضاه انك تتمنى الموت لولدي؟؟؟
عبدالعزيز: ومن قال اني اتمنى له الموت؟؟؟؟؟
منيرة: ايش تفسر كلامك؟؟؟
عبدالعزيز: انا قلت بسم الله على ولدي ... ما قلت ان شاء الله يموت ولدك؟؟؟ وبعدين هذا ولدي بعد ... لا تنسين هالشي
منيرة: انا عمري ما نسيت ... بس انت اللي ناسي!!!
عبدالعزيز: شفتي ... وتبيني اقول لك من ولدك ؟؟؟ هذا وانتي ما تعرفين من هو تدافعين عنه ولا ترضين عليه وتفرقين بينه وبين اخوه ... شلون لو عرفتي؟؟
منيرة: اصلا انا فقدت الامل اني اعرف .... هذه ام محمد ماتت وهي ما تعرف مين ولدها!!!
عبدالعزيز وهو يضيع السالفة: انا ابي اراضيك ... مو نعيد ونزيد في الكلام اللي تعبت وانا اقوله!!!
منيرة: هذا انت يا عبدالعزيز ... عمرك ما حسيت فيني ولا بتحس .... بس انا ما اقدر ازعل عليك او اتضايق منك ... تدري ليش؟؟؟ لاني احبك مهما سويت فيني
عبدالعزيز بابتسامة: يعني تعترفين انك تحبيني؟؟؟
منيرة: ما صبرني طول هالسنين على فراق ولدي الا حبك يا عبدالعزيز
تركته وفتحت الباب: كل عام وانت بخير ... يالله ننزل ... تأخرنا على العيال