صكر فواز السماعة وقام وقف ... رؤى: وين بتروح؟؟؟
فواز: بروح لنواف ... متضايق وهو جالس بروحه
وقفت رؤى: مستحيييييييل اخليكم تجلسون لوحدكم!!!
فواز: ليش؟؟
رؤى: اثنينكم متضايقين ... ما يصير تجلسون بروحكم؟؟؟
فواز: ايش تبينا نسوي؟؟
رؤى: دق عليه وخله يجي جناحنا
فواز: هنا؟؟؟
رؤى: ايه ... اجلسوا في الصالة
فواز: من كبرها؟؟؟ صغيرة بالمرة وبتنحبسين في الغرفة
رؤى: ومن قال اني بترككم؟؟؟
فواز: ما بترتاحين
رؤى: بلبس جلالي وبجلس عادي ... يالله اتصل عليه
اتصل فواز على نواف ...
نواف: لا فواز .. ايش اجي عندكم ... خلاص مو لازم خلك مع زوجتك
فواز: والله هي اللي مصرة
نواف: لا لا لا لا لا لا لا ... اجلس معها خلاص
سحبت رؤى السماعة من فواز: نواف ... تجي ولا شلون؟؟؟
نواف: رؤى من جد مفتشل منك!!!
رؤى: ترى ان ما جيت بلبس جلالي وبجي انا وفواز غرفتك!!!
نواف: لا خلاص ... جايكم جايكم
قفلت رؤى السماعة: خلاص جاي
طالع فيها فواز وابتسم في داخله على هالطفلة الرائعة
وصل نواف ... وضرب الباب وهو حاس باحراج ... قام فواز يفتح الباب ... مسكته رؤى: خلني افتح الباب ... ابيه يتأكد ان الوضع عندي عاااااااااااادي ووجوده مرحب فيه باي وقت
سمع فواز كلامها وجلس ... وفتحت رؤى الباب بجلالها
نواف باحراج: ما ادري طالعة عنيدة على مين؟؟؟
رؤى وهي ماسكة ضحكتها: على اخوك
نواف: لا يسمعك بس
رؤى: أي والله ... يسوي لي قضية على هالجملة ... وما يكلمني شهرين
نواف: دامك عارفة احفظي لسانك
فواز من وراهم: ايش تقولون عند الباب؟؟؟
نواف: ابد سلامتك
فواز: طيب ادخل حياك
نواف: اللي يسمعك ساكن في قصر ... كلها غرفة وصالة
فواز: الجود بالموجود
نواف: جود ابوي والله مو جودك
فواز: وانت الصادق جود امي ... مسكينة مضحية بجزء من بيتها لنا
رؤى: احين مين اللي يحب السوالف عند الباب؟؟؟
فواز: ما تعلميني الا الشين ... ايش اسوي فيك؟؟؟
رؤى: الله يسامحك ... تركتهم ودخلت المطبخ
نواف وهو يضرب فواز على كتفه: لا وخواتي يقولون عني دفش!!! ما سمعوا سوالفك؟؟؟
فواز: انا كذا ... تبيني تستحملني بعيوبي
نواف: يا ثقل دممممممممممممممك
طلعت رؤى ومعها كوبين نسكافيه ... قدمتها لهم وجلست
فواز: وانتي ما تبين؟؟
رؤى: مو مشتهية ... منسدة نفسي
فواز: ايش اللي سد نفسك بالله؟؟؟
رؤى من بين اسنانها: في اشيااااااااء كثيرة تسد النفس
فواز: لا تكلمي بوضوح ... ليش الالغاز؟؟؟
رؤى: اللهم طولك ياروح
نواف وهو ينتقل بنظره بينهم مع كل جملة: خلاااااااااااااااااااااص ... ايش هذا؟؟
فواز: عادي نتناقش!!
نواف: كل هذا نقااااااااااش؟؟؟
فواز: كل الازاواج كذا!!!
نواف: احلف بس؟؟
رؤى: ما عليك منه ... هو بس اللي راسه يابس!!
فواز: ايش قصدك انتي اليوم؟؟ تلمحين لايش؟؟
نواف: ياررررررررربي ... انا المجنون اللي جاي عندكم ... ارجع لغرفتي وهمي احسن لي
فواز ورؤى كل واحد عطى الثاني نظرة وصد للجهة الثانية ...
نواف: اووووووووووووووف ... من جدكم انتوا؟؟؟
فواز: عشان تعرف الهنا اللي اخوك عايش فيه؟؟
رؤى: ماني رادة عليك
فواز: يكون احسن
نواف: بسسسسسسسسسسسسسسسسسسسسسسسسسسسسسسسسسس ... انا كنت مفكر اتزوج ... بس بعد اللي شفته ... مااااااااااااااااافي اممممممممممل
قطع عليهم الحديث صوت جوال نواف ... الكل سكت وهم يطالعون ببعض
قام نواف ومسك الجوال ... شاف الشاشة ولف على فواز بصدمة: فوااااااز
فواز: ............................
نواف: خالي محمد
فواز ونواف تعلقت عيونهم ببعض وهي مليانة دموع ... والجوال يرن في يد نواف ... سكت وهم على نفس الوضع ... رن مرة ثانية
رؤى بخوف: نواف ... رد عليه
نواف: ما اقدر ... احس يدي انشلت
فواز وعينه على نواف: رؤى؟؟ ردي عليه
رؤى: ها ... لا ... لا تحطني في هالموقف
فواز بحزم: رؤؤؤؤؤؤؤؤؤى؟؟
قامت رؤى وهي مجبورة ... خذت الجوال من يد نواف وهي ترتجف
رؤى بصوت متقطع: الو
محمد خال الاولاد: مين؟؟؟
رؤى: انا رؤى ... زوجة فواز
محمد بصوت باين عليه اثر الصياح: هلا رؤى ... وينهم نواف وفواز؟؟
رؤى ودموعها نزلت: هنا يا خالي
محمد عرف انهم طلبوا منها انها ترد عليه: بلغيهم ان جدتهم تطلبهم الحل
رؤى وهي تطالع في الاولاد: ع ــ ظظظم الله اجـ ــ ـ رك
ما كملت رؤى جملتها الا والاولاد لموا بعض ويبكككككككككون بصوت عالي ويقطع القلب
سمعهم محمد من ورا السماعة: لا حول ولا قوة الا بالله ... ( وسكت شوي وهو يبكي) رؤى بنتي ... هديهم ... وبلغيهم الصلاة عليها بكرة بعد صلاة الجمعة ... يا ليت لو يجون ويساعدونا في انهاء الاجراءات ... نبي نلحق على الجمعة ... صلاة الجمعة ما تتفوت
رؤى ودموعها شلال: ان شاء الله يا خالي
محمد: الله يصبركم ويصبرنا ... مع السلامة
صكرت رؤى السماعة وهي مو عارفة شلون تتصرف ... الاولاد ماسكين بعض ويبكون وهي ضايعة بوسطهم ... فكرت شوي وركضضضضضضت برا الغرفة واتجهت لغرفة خالتها ...
فتحت منيرة الباب ... اول ما شافتها وشافت دموعها: فواز ... ولدي ... فيه شي؟؟؟
رؤى هزت راسها بلا ...
على صراخ منيرة وصل عندهم عبدالعزيز: ايش صاير؟؟؟ رؤؤؤؤؤؤى؟؟؟
رؤى من بين دموعها: جدتي ام محمد تطلبكم الحل!!!
منيرة: لا حول ولا قوة الا بالله ... انا لله وانا اليه راجعون
عبدالعزيز من سمع جملة رؤى ... حس ان الدنيا تدور فيه ... ما قدر يوقف واتجه للسرير وجلس عليه ...
راحت له منيرة: عبدالعزيز ... عظم الله اجرك ...
رفع راسه لها وشافت دموعه: ............................
منيرة: ليش البكي يا عبدالعزيز!!! ربي ارحم بحالها .... ان شاء الله انها انتقلت لدار افضل من دارها
عبدالعزيز: راحت ام الغالية يا منيرة ... راحت ... ما بقى لي احد من ريحتها خلاص
منيرة وقلبها يعتصر من الالم ... بس هي عاذرته ... هو مصدوم وخله يقول اللي بخاطره ... لفت راسها شافت رؤى واقفة ودموعها مبللة وجهها
نزلت لمستوى عبدالعزيز وهمست له: انتبه ياعبدالعزيز في الحكي ... رؤى واقفة؟؟
لف راسه وشافها: رؤى ... وينه فواز؟؟؟ ونواف ... عرف؟؟؟
رؤى: فواز ونواف في جناحنا ... منهارين ... ومو عارفة ايش اسوي؟؟؟
عبدالعزيز: جدتهم يابنتي ... جدتهم ... الله يرحمها
رؤى: عظم الله اجرك ياعمي
عبدالعزيز: اجرنا واجرك ... اسبقينا وبنلحقك
رؤى: ان شاء الله ... طلعت وتركتهم
مسك عبدالعزيز يد منيرة: شكرا يا منيرة انك نبهتيني ... ولا لساني زل وانا مو منتبه ان رؤى واقفة
منيرة بالم يعتصر قلبها: انا اللي حفظت السر كل هالسنين ... ما بهدم اللي بنيته بلحظة حزن وانت مو عارف ايش تقول!!
عبدالعزيز: يعني ما تبين تعرفين مين ولدك؟؟
منيرة: انت عارف اني اتمنى اللحظة هذه اليوم قبل بكرة ... بس اذا رؤى سمعت شي ما بعرف مين ولدي ... كل اللي بستفيده اني بعيش العيال في الحيرة اللي انا عايشة فيها طول عمري ... لاني اعرفك ... لو يموتون ما بتتكلم ولا بتقول لهم شي
عبدالعزيز بدون ما يحس: بسم الله على ولدي ... يعل يومي قبل يومه ... هذا اللي بقى لي من ريحة سارة
منيرة بغضب: يعني ولدي يموت عادي صح؟؟؟
عبدالعزيز: انا ما قلت كذا !! بس ولد سارة غير ... واظنك عارفة ... وما يحتاج اقول ؟؟؟
منيرة والدموع ملت عينها: شكررررررررا يا عبدالعزيز ... ما قصرررررت
طلعت وتركته وراحت تشوف الاولاد ...
