الجزء العشرين ...
نزلت ام محمد راسها وبكت بقووووووووووووووووووووووووة
عبدالعزيز ودموعه على خده: يمه ... ليش البكي؟؟؟
أم محمد: كنت حاسة انه هو ... وربي حاسة ... بس خايفة اني اتسرع وامشي ورا قلبي وبالاخير اظلم ولدي
عبدالعزيز: هذا انتي عرفتي ... سامحيني يمه ... بس غصب عني ... ماكنت ابيه يعيش غير عن اخوانه
ام محمد: وينه؟؟؟
عبدالعزيز: برا عند الباب
ام محمد: ناديه لي تكفى!!!
نزل عبدالعزيز راسه: لو دخل بروحه اخوه بيحز في خاطره ... ويمكن يقول لامه وعلى طول بتعرف
ام محمد: عبدالعزيز ... ابي احضضضضضضضضضضنه ... يمكن ما اشوفه مرة ثانية؟؟؟
عبدالعزيز: طيب ... بطلع وبقولهم جدتكم تبيكم ... بس كل واحد يدخل بروحه ... واذا دخل ولدك سوي اللي تبينه ... وكذا ما يحسون بشي ... عادي؟؟؟
ام محمد: عادي ... اهم شي احضن ولدي وانا متأكدة انه ولدي ... من غير الحيرة اللي كنت عايشة فيها
عبدالعزيز وهو يبوس راسها: سامحيني وحلليني يمه ... الله اعلم بغلاتك ومعزتك عندي ... بس كل اللي صار غصب عني ولمصلحته
ام محمد: مسامح ومحلل ياولدي ... عمري ما زعلت منك ولا بزعل ... كثر الله خيرك انك قلت لي من البداية وخليت نورة ترضعه ... ولا اني انحرم منه ومن معرفة انه عايش طول عمري
عبدالعزيز: عن اذنك يمه ... تامرين على شي؟؟؟
ام محمد: سلامتك ... بس ناده لي بسررررررررررررعة
عبدالعزيز: تامرين
طلع من الغرفة والنظرات كلها حوله ... ايش تبي فيه الجدة بروحه من غير احد
عبدالعزيز: نواف وفواز ... جدتكم تبيكم ... بس كل واحد يدخل بروحه
فواز ونواف وهم يطالعون بعض باستغراب ...
فواز: ليش يعني؟؟؟
عبدالعزيز بنظرة سكتتهم: من غير اسئلة زايدة ... تركهم وراح لمكتبه وهو يحس ان همه كل ماله يكبر ومو راضي ينزاح عن صدره
على الساعة 1 بالليل ... اتصل فواز على رؤى
رؤى: الو
فواز: عشر دقايق وانا عندك ... لا تأخريني
قفل السماعة ... ورؤى انقهررررررررررت منه ... كل شي على كيفه ... رجع للأوامر والكلام من طرف خشمه ... ما في فايدة منه ... لا ويقول لي استحمليني ... اوووووووووووووووووووووووووووف ... لو اقدر اتركك واخليك؟؟؟ بس ما يطاوعني قلبي ... هذا مصير اللي يحب واحد ما يفهم مثل فواز
قامت تلبس عبايتها وهي معصبة ... حست منى ان فيها شي من تعابير وجهها ... راحت من وراها ومسكت كتفها: الحلوة بتروح وتتركنا؟؟؟
رؤى من غير نفس: ايه
منى باستغراب: ايش فيك؟؟؟
رؤى: سلامتك مافيني شي!!!
منى: فواز؟؟؟
هزت رؤى راسها من غير لا تتكلم!!!
منى: واخبار جدته؟؟؟
رؤى: ما ادري ... ما عطاني فرصة حتى اسأله
منى: على ايش يدل هذا؟؟؟
رؤى: فواز هذا ما تعرفين له ... انا تعبت وانا افسر تصرفاته!!!
منى: اكيد انه متضايق وجدته تعبانة!!!
سكتت رؤى وكأنها تفكر ...
منى: رؤى ... حبيبتي ... اذا ما وقفتي مع زوجك وهو في هالوضع ... ايش الفايدة من وجودك جنبه؟؟
رؤى: بس هو ما يعطيني فرصة!!!
منى: كل وحدة تعرف لزوجها ولطريقة التعامل معه ... اذا كان من النوع اللي يتكلم ... اسمعيه وخليه يقول اللي في خاطره كله ... وبعدين خففي عليه وهونيها له
رؤى: واذا من النوع اللي مستحيل يعبر عن رايه؟؟
منى: دوري لك طريقة تبينين له انك معه ... حتى لو بلمسه!! المهم يحس انك مشاركته ... واهم شي تستحملينه .... احتمال يعصب او يغلط او شي ... استحمليه للنهاية
جلست رؤى تناظر فيها ... وفجأة حضنتها بقوة: الله يسامحك يا بابا
منى وهي مستغربة: ليش؟؟؟
رؤى: حرمني من وحدة تنصحتي وتعلمني ... لو متزوجك من زمان كان عرفت وتعلمت كل شي
منى وهي تضحك: لو متزوج من زمان ما صرت من نصيبه ... وتزوج وحدة ثانية
رؤى: مستحييييييييييييييل اقبل بغيرك
رن جوال رؤى ...
رؤى: يووووووه ... هذا فواز ... وباست منى ... شكررررررررا منى
منى: العفو حبيبتي ... ما سويت شي
رؤى: يالله ... مع السلامة
منى: الله يسلمك
ركبت رؤى السيارة: السلام عليكم
فواز بصوت اقرب للهمس: وعليكم السلام
حررررك السيارة بسرعة وهو ماسك السكان بيديه الثنتين بقوة ...
رؤى: كيفها جدتي؟؟؟
فواز هز راسه بلا من غير ما يتكلم ... دلالة على صحتها المتدهورة ... وعينه فيها الدمعة وماسكها بالقوة
ما عرفت رؤى ايش تسوي ... شكله ما عنده استعداد للكلام ... ومعه عذر ... جدته وخايف عليها ... طيب ايش اسوي عشان يحس اني معه ... المشكلة ماسك السكان بيدينه ... يعني يده بعيدة ولا تقدر تمسكها ... فكرت شوي ... وسمت بنفسها ودعت انه ما يعصب عليها .... مدت يدها بهدوء وحطتها على فخذه وضغطت عليه بالقوة ... وركزت عينها عليه ...
من غير ما يلتفت لها ... رفع يدها بيده وقربها من فمه وباسها ... ضغط على يدها بالقوة وظل ماسكها بالقرب من قلبه ... رؤى ما علقت ولا تكلمت ... خله براحته ... شكله متضايق ومهموم ... اصلا هي سعيدة بوجود يدها في يده ... وعادي لو تظل عالوضع هذا للصبح
وصلوا البيت ... نواف سابقهم ... والكل عنده خبر عن حالة ام محمد ... وانها انتكست في الساعة الاخيرة ... دخلوا والكل عينه على فواز ... نواف جالس في زواية وباين عليه الهم والضيق ... ولما دخل فواز ما كان احسن منه
رؤى: السلام عليكم
الكل: وعليكم السلام
منيرة: يمه فواز ... لا تسوون في انفسكم كذا؟؟؟ ادعوا لها تقوم بالسلامة
نواف: ما شكلها بتصحى يمه ... ما شكلها!!!
منيرة: لا تقول هالحكي ... الاعمار بيد الله
فواز ونواف: والنعم بالله
جلست رؤى جنب فواز: تبي شي من فوق؟؟؟
فواز: ليش تصعدين؟؟؟
رؤى تتكلم واصبعها على يد فواز وتلعب بكفه: بغير ملابسي والبس جلالي وانزل ... واذا ما تبي اصعد بجلس؟؟؟
فواز: خذي راحتك
رؤى: تسلم
صعدت رؤى فوق وظل فواز مع اخوانه اللي ساكتين احتراما لمشاعر نواف وفواز ... غيرت رؤى ملابسها وبالها مع فواز ... ينرحم ... حتى نواف مسكين ... ما توقعت انه جدة بالرضاعة ممكن تكون غالية بالشكل هذا ... لبست جلالها ونزلت تحت ... حصلتهم على وضعهم ... نواف وفواز كل واحد في زاوية ومبين عليهم الضيق ... راحت تجلس جنب ليان ... بس تذكرت كلام منى وراحت لفواز وجلست جنبه ...
رؤى وهي تضغط على يده: ما تبي تاكل شي؟؟
فواز: شكرا
رؤى: ما يصير ... انت ما اكلت شي بعد الافطار!!!
فواز: رؤى مو مشتهي
رؤى: طيب اسوي لك شي تشربه؟؟؟
فواز وهو يحط راسه على رجلها: اذا بغيت شي بقولك
حطت رؤى يدها في شعره وهي مبسووووووووووطة ... اخر مرة لمست فيها شعره في السفينة ... الله لا يحرمني منك يا فواز
فواز قام وكأنه تذكر شي: رؤى!! الضماد؟؟
رؤى وهي ترجعه على وضعه: خله بعدين
فواز وهو يقوم مرة ثانية: ايش بعدين؟؟؟ اصلا لو بكيفك كان ما غيرتيه بالمرة!!!
رؤى وهي تحط راسه بالقوة: ياربببببببببببببببببي عليك ... ما فيني اصعد ... قلت لك بعدين يعني بعدين!!!
استسلم فواز وحمدت رؤى انه ماعاند معها ... هي ما صدقت تحصل هالفرصة ... ناوي يخربها عليها
طبعا لما وفيصل انواع الازعاج ولا هم مفتكرين بأحد ... الاخوان مبسوطين ... عشر اواخر واجازة ... سهر للفجر ونوم طول النهار
ما ادري كم مر عليهم من الوقت ... نزلت منيرة تاخذ لها موية من المطبخ ... شافتهم على حالهم: ايش هذا؟؟ ليش جالسين كذا؟؟؟
نواف وفواز: .......................
منيرة: اصعدوا يمه ارتاحوا بغرفكم ... ان شاء الله ما فيها الا العافية
نواف: صعبة يمه تشوف انسان عزيز عليك يروح قدام عينك!!!
منيرة: الله يقومها بالسلامة ... ليش متشائمين كذا؟؟
فواز: يمه احنا دارسين وعارفين ... ما يحتاج احد يعلمنا او يضحك علينا!!
منيرة: بس الاعمار بيد الله؟؟؟
نواف وفواز: والنعم بالله
منيرة: يالله قوموا وارتاحوا
قاموا الشباب وصعدوا ورؤى مع فواز ... وليان ضاق خلقها وصعدت لغرفتها ... اما لما وفيصل كملوا المسلسل اللي يتابعونه ولا همهم شي
قبل الفجر بساعة ... فواز ما نام اصلا ... وطول الوقت يتقلب ... رؤى حست فيه من البداية وقامت وشغلت له قرآن وهي تمسح على شعره ... وتمسج جسمه ... وهو يحس بضيقة كل مالها وتزيد
رن جواله ونقز من فراشه: الووووووووووووو
نواف: فواز نمت؟؟؟
فواز: جدتي صار فيها شي؟؟؟
نواف: لا ... بس متضايق بالقووووووووة وما عندي غيرك اكلمه
فواز وهو يتنهد: خوفتني الله يهداك ... لا ما نمت ... شلون يجيني النوم؟؟؟
نواف: طيب تعال غرفتي!!
فواز: خلاص ... ثواني وانا عندك!!
نواف: انتظرك
