ركضوا فواز ونواف وراها ... وطلعوا من المكتب ... وراحوا ورا وعد ... شافوا شهد واقفة في الممر وبندر واقف عندها وماسك يدها بالقوة وكأنه يبيها تروح معه
ركض نواف عنده ولفه جهته وعطاه بكس على وجهه ... وفواز استلمه من الجهة الثانية ... شهد ووعد واقفين على جنب ويبكون
شهد: فواز ... نواف ... خلاص
وهم ولا كأنهم يسمعون ... التموا الناس والدكاترة والممرضين ولا قدروا يفكونهم ... ركض واحد من الممرضين ينادي ابوهم واعمامهم ... شوي الا وتركي وصل ... على طول مسك الاولاد وفكهم طبعا بمساعدة الناس الملتمة
نواف: اتركني عليه يا تركي!!!
تركي: نواااف ... خلاص ... يكفي!!!
فواز: تركي ايش يكفي ... فضحنا الله يفضحه!!!
تركي: قدامي عالمكتب بسرررررررررعة ... يكفي فضايح!!!
لف نواف على شهد: اطلعي للبيت انتي ووعد
لف تركي عليها وشافها واقفة مع وعد ومبين انها ميتة من البكي تحت النقاب ... فهم الموضوع وانه يتعلق بشهد
هزت شهد راسها من غير لا تتكلم ...
في المكتب ...
دخلوا الشباب مع تركي وبندر معهم ...
واول ما دخلوا المكتب التموا على بندر مرة ثانية ... بس وقفوا بصرخة من تركي
تركي: فواز ونواف ... اطلعوا برا
فواز ونواف طالعوا فيه باستغراب ...
تركي: لا تطالعون فيني كذا ... اذا بتتصرفون بهبل اطلعوا برا
فواز: الصراحة ما استحمل وجود هالحقير قدامي ... بطلع
تركي: يكون احسن ... ولو تاخذ نواف معك يصير احسنين
سحب فواز اخوه وطلعوا برا ...
تركي لبندر: وانت ... لا تفكر اني زعلان من اللي سووه الأولاد ... تراه قليل بحقك
بندر: ليش طلعتهم ... كان تركتهم يكملون!!!
تركي: لاااااااااااا ... انا قلت لك ... طريقتي تختلف تماما عنهم
بندر: ......................................
تركي: ايش اللي صار؟؟؟
بندر: شوف ... مع اني ما اعرف الصفة اللي تكلمني فيها بس يمكن تخدمني
تركي: مع اني كارهك ومو طايقك ... بس ما تعودت ارد من يطلب عوني .. بس اعرف اللي صار بالاول!!!
بندر وهو منزل راسه: صار لي فترة ادق على شهد
تركي بنص عين: ليش؟؟؟
بندر: ابي اتفاهم معها
تركي: طيب!!!
بندر: وهي مرة وحدة ردت ولما سمعت صوتي قفلت بوجهي ... ومن بعدها ما ردت علي ولا ردت على أي رقم غريب احاول اتصل منه
تركي: وبعدين؟؟؟
بندر: صار لي فترة منتظرها تطلع من البيت ... بس للأسف ما تطلع الا مع امها ... واليوم بس طلعت مع وعد بروحهم ... ولما لحقتهم طلع عندها موعد في المستشفى ... انتظرتها لين خلصت وحاولت اوقف اكلمها بس هي ما رضت
تركي بعصبية: في المستشششششششششششششفى؟؟؟
بندر: ايش اسوي؟؟؟ لو انتظرتها عند السيارة السواق بيفضحني
تركي: تقوم تفضحها بالمستشفى؟؟؟
بندر: ما لي الا هالحل!!!
تركي: وليش تبي تكلمها؟؟؟ مو طلقتها؟؟؟
بندر: ابي اراضيها
تركي: نععععععععععععععععععععععععععععععععم
بندر: لا تستغرب ... انا تعدلت وندمت كثر شعر راسي ... بس للأسف بعد فوات الأوان
تركي: والمطلوب مني اصدقك!!!
بندر: هي زوجتي وابي اردها قبل لا تنتهي العدة
تركي: واذا ما رضت؟؟؟
بندر: هي تحت تأثير اهلها ... لو كلمتها بروحها بقدر اقنعها
تركي: اهلها اللي مو عاجبينك كانوا بعرفون عنك قبل لا يصير اللي يصير ... بس شهد كانت مسكتتهم ومستحملة وتقول زوجي وما اتخلى عنه
بندر: بتعلمني فيها ... شهد بنت رجال
تركي: واذا انت عارف انها بنت رجال ليش اذيتها؟؟؟ بنت الرجال مكانها في العين!!!
بندر: آخر فرصة ... واذا شفتوا شي يكدركم انا حاضر باللي تبون
سكت تركي شوي .... وبعد فترة: عندك رقم شهد؟؟؟
بندر: ايه
تركي: عطني اياه
بندر: ما بترد عليك ... ما ترد على رقم غريب!!!
تركي: عطني الرقم ومالك دخل بشي
طلع بندر الرقم: تفضل
تركي: اجلس وانتظر شوي
في السيارة ... شهد ميتة من البكي ... ووعد معها تبكي من الخوف ... وصلها مسج فتحته ( ممكن ترجعين المستشفى ضروري ... اذا واثقة فيني ارجعي ... ابي رد بنعم أو لا ..... المرسل تركي الـ .......... )
استغربت شهد من المسج ... وبعد تفكير ( نعم )
( اول ما توصلين المستشفى اسألي الاستقبال عن مكتبي وتعالي عندي على طول)
هنا خافت شهد ... بس ماعندها حل ... هي وعدت الرجال انها تروح له
تركي جالس في المكتب وسط الأوراق ... بس باله مع هالحقير اللي جالس قدامه ينتظر ... لو بيده يقوم ويكفخه لين يذبحه ... بس مسك نفسه بالقوة ... عشر دقايق وسمعوا صوت الباب: تفضل
دخل السكرتير: استاذ تركي ... في بنتين برا يبون يدخلون عندك
تركي: خلهم يدخلون
قام تركي واستقبلهم من عند الباب ... دخلت شهد واول ما شافت بندر لفت: هذا العشم يا تركي؟؟؟
تركي: لا تستعجلين ... ادخلي واجلسي
شهد: ما اجلس في مكان واحد مع هالقذر ... ومشت بتطلع من الباب
سد الباب بيده: انا استحملت اجلس مع هالقذارة ربع ساعة لين توصلين عشانك ... اول ما توصلين تطلعين
نزلت شهد راسها: ايش يبي؟؟؟
تركي: يقول يبي يتفاهم معك
شهد بسرعة: وانا ما ابي اتفاهم معه
تركي: اتفقت معه انه يجلس معك عشر دقايق ... تطلعين من هنا وتعطيني قرارك ... والقرار اللي تقررينه يمشي على الكل ... اذا قررتي ترجعين مع اني مو مقتنع بس يمشي كلامك ... واذا قررتي انك تنهين الموضوع بندر يقوووووووووول انه ما بيتعرض لك ... واذا تعرض لك انا اللي اوقف بوجهه
سكتت شهد فترة ...
نزل تركي يده: القرار بيدك
لفت شهد على بندر اللي منزل راسه طول الوقت: ايش عندك؟؟؟
تركي: وعد ... تعالي ننتظرهم برا
شهد: تركي
لف عليها تركي: هلا
شهد: وعد تنتظر بروحها برا ... انت تجلس معي لين يخلص كلامه
بندر: لا يا شهد ... بكلمك لوحدك
شهد بتجاهل لبندر: تركي ... حتى لو ما تشاركنا الحديث ... اجلس معنا
تركي: امرك يا شهد
لف وجلس على المكتب: خلصوا حكي على ما اخلص الشغل اللي بيدي
جلست شهد على الكنب اللي بالمكتب: ايوه يا بندر ... ايش عندك؟؟؟
قام بندر من مكانه وراح عندها وجلس تحت رجلها: شهد
شهد: تصدق اذا قلت لك تحوم كبدي اذا سمعت اسمي من فمك؟؟؟
نزل بندر راسه: معك حق ... بس صدقيني تغيرت
شهد: اذا تغيرت فهذا يسرني ... بس لنفسك مو لي انا
بندر: شهد اسمعيني!!!
شهد: ايش اسمع؟؟؟ ايش تبيني اسمع يا بندر؟؟؟؟ اسمعك بعد ما خليتني اشوف حرمة ثانية عارية بين احضانك؟؟؟؟ وليتها كانت زوجة او شي بالحلال كان ما تكلمت ... بس وصلت بك لحد الزنا؟؟؟ الزنا يا بندر؟؟؟
بندر: تبت يا شهد ... تبت
شهد: الله يهدي الجميع بس الموضوع ما يخصني
بندر: اللي تبينه انا حاضر بس اهم شي ترجعين معي
شهد: اللي ابيه؟؟؟
بندر: اللي تبينه
شهد: ابيك ترجع ولدي اللي ذبحته
بندر: الله يحيينا ونجيب غيره
شهد: بهالسهولة؟؟؟ بهالسهولة يا فواز؟؟؟ نجيب غيره؟؟؟ كنت اعد الأيام والدقايق لليوم اللي بشوفه واشيله بين يدي ... كبر في بطني وحسيت فيه وفي حركته ... لو كان من البداية يمكن ما تعلقت فيه ... كنت حاطة أمل انه يرجعك ويصلح حالك ... كنت اشتكي له كل يوم منك ... محد يسمعني ويحس بدموعي غيره ... بالأخير وبكل بساطة تذبحه يا بندر ... تذذذذذذذذذذذذذذذذذذذذذذذذذذذذذذذذبحه
بندر ودموعه بدت تنزل: يكفي يا شهد ... يكفي!!!
شهد: تألمت ... انجرحت ... انكسر خاطرك ... انا ايش اقول؟؟؟ وليتك سألت عني او حتى زرتني ... واذا زيارتي بتاخذ منك وقت ارسل باقة ورد من أي محل في طريقك ... على الأقل احس اني انسانة على هالدنيا ولي احترامي ووجودي
بندر: شهد ... انسي ... واعيشك احسن عيشة ... عيشة ولا كنتي تحلمين فيها
شهد: انت عيشتني يا بندر العيشة اللي ما احلم فيها ... عيشة النكد والكدر وانا مو ناوية ارجع لهذا كله ... عن اذنك
وقفت بتطلع ومن غير ما تحس حست بيد تلفها وتضمها لصدره بقووووووووووووووووووووووووووووووووووووووووووو ووووو وووة
شهد وهي في حضنه: بعد يا بندر
بندر وهويبكي: سامحيني يا شهد
شهد: ...........................
بندر: ما ابي منك شي ... واوعدك اني اتركك ... بس ابيك تسامحيني
شهد: ..........................
بندر وهو يشد على ظهرها: سامحيني!!!
شهد بهمس: سامحتك
بندر وهو يرخي يده: اذكريني بالخير يا شهد ... اذكريني بالخير
فكها ومشى بيطلع وقف عند الباب: شكرا يا تركي ... ما قصرت ... وعد مني ما تشوف شهد وجهي مرة ثانية ... عن اذنكم
طلع من هنا ورمت شهد نفسها على الكنبة ونزلت راسها تبكي ...
هنا تركي ما عرف يتصرف ... وقف قدامها: شهد ... شهد؟؟؟
شهد: .....................................
تركي: آسف اذا ضايقتك بهالمواجهة ... بس كانت ضرورية ... ما بيتركك الا اذا سمعها منك ... صدقيني ابي مصلحتك ... ولو اعرف انك بتتضايقين كذا ما حطيتك بهالموقف البايخ
رفعت شهد راسها: ما قصرت يا تركي ... انا اللي دخلتك بمواضيع مالك دخل فيها ... شكراً ... ووقفت وطلعت من المكتب
