وصلوا البيت وقبل لا ينزلون عطاها كيس الأدوية: رؤى ... بعد الأكل خذي المسكن
رؤى: ما يحتاج ... صرت احسن!!!
فواز: لا مو احسن ... الألم خف لأنك تحت تأثير المسكن ... إذا راح مفعوله بيرجع لك الألم
رؤى: طيب
فواز: وغيري الضماد كل يوم وحطي عليه المرهم
انصدمت رؤى من جملته ونزلت راسها: طيب
اول ما دخلت الصالة التم الكل حولها ..
منيرة وهي تحضنها: سلامتك حبيبتي
رؤى: الله يسلمك يمه
وكل وحدة تبوسها من جهة وتتحمد لها بالسلامة ... وسمر مقهورة من الجو اللي ماخذته كله على قولتها ... مع انها كانت مبسوطة ومستمتعة وهي تتألم وتصرخ وتدور حول نفسها من الألم
جلسوها البنات وكل وحدة تسألها عن مدى الحرق واللي صار
ليان وهي ترفع عباية رؤى: اشوف الضماد؟؟
مسكت رؤى عبايتها بسرعة: لا يا ليان .. انكشفت اليوم بما فيه الكفاية
لينا: حبيبتي والله ... اطلعي غيري ملابسك على ما نجهز لكم الفطور
طلعت رؤى وغيرت ملابسها ونزلت تحت وهي نازلة عالدرج: رؤى
رؤى: هلا خالتي
منيرة: فواز ينتظرك في غرفة الطعام ... افطاركم جاهز
رؤى: شكرا .... وتوجهت لغرفة الطعام وحصلت فواز ولينا
لينا: يالمفجوع ... انتظر زوجتك
فواز: متأخر عالافطار ساعة ونص بسببها ... بعد تبيني انتظر!!!
لينا: يا ربي عليك ...... اذا انت يا فواز كذا ... الله يعين زوجة نواف!!!
فواز: هههههههههههههههههههههههههه ليش يعني؟؟؟
لينا: اذا انت الحنون ما تعرف للرومانسية ... نواف الدفش ايش بيسوي؟؟
فواز: لا حرام عليك ... انا ما اعرف للرومانسية!!! انا الرومانسية كلها ... حتى اسألي رؤى ( لف عليها وطالعها بنظرة )
لينا: ايوه رؤى ... كيف فواز والرومانسية؟؟؟
رؤى: لا لا لا موضوع فواز والرومانسية يبيله كتاب أو مجلد ... ما ينفع اوصف بجملة أو جملتين
لينا: ما اقددددددددددددددددددددددددددددددر على هالكلام الحلو ... خلاص بطلع للصالة احسن لي
رؤى: اجلسي معنا .. من زمان ماشفتك وما سمعت سوالفك
لينا وهي تجلس: صادقة ... احسن من مقابل العلل اللي برا
رؤى: لا تتكلمين عنهم كذا ... عماتك وبنات عماتك
لينا: ما اشتهي اناظر في وجههم
دخلت الخدامة وهي تبكي: بابا فواز ... ماما رؤى ... سوري ... انا مافي اعرف
فواز بعصبية: انقلعي برا لا اذبحك
رؤى: فواز ... حرام عليك ... هي مو متعمدة وصار بالغلط ... ربي كاتب لي هالشي ... خلاص روحي ... ما صار شي
نزلت راسها الخدامة وبكت بقوة واطلعت ...
لينا: حرام عليك ... ليان ما خليت عليها شي
فواز: تستاهل
رؤى: انت ما في مثلك في الإجرام
فواز: اجرام ... واللي صار لك مو اجرام؟؟؟
رؤى: بس هي مو قصدها
لينا: صادقة رؤى
رؤى: خلينا منها ... ايش اخر الأخبار؟؟؟
لينا: ايييييه ربى حامل
فواز ورؤى ناظروا في بعض: ................................
رؤى: صدق ... مبروووووووووووك ... تستاهل ربى
لينا: يالله عقبالكم ... انا وخالد متحدين .... هو يقول بيصير خال قبل لا اصير عمة ... وانا اقول له اني بصير عمة قبل لا تصير خال ... بس شكله هو كسب التحدي
فواز بعصبية: ايش عليكم من الناس ... بدل لا تتحدون شدوا حيلكم وجيبوا لانفسكم
قام من على الطاولة بعصبية وطلع من الغرفة
نزلت رؤى راسها ودمعت عينها ...
لينا: ايش فيه فواز؟؟؟ انا ايش قلت؟؟؟
رؤى: ما قلتي شي يا لينا ... بس فواز عصبي
لينا: ربي بيرزقكم ان شاء الله ... هذا انا ما حملت ... عادي ... ما صار لكم من تزوجتوا!!!
رؤى: الله كريم ... عطيني كاسة موية باخذ المسكن
لينا وهي تصب الموية: تفضلي
شقة خالد ...
في الليل بعد ما رجعوا ... لينا مو على بعضها ... قرب منها خالد ولف يده حول كتفها: الحلو ايش فيه زعلان؟؟؟
لينا: ها .. ولا شي
خالد: مو علي هالحكي!!! ايش فيك؟؟؟
لينا: كسرت خاطري رؤى اليوم
خالد: صادقة ... انا اللي ما شفتها كسرت خاطري ... يقولون الحرق مرة عميق
لينا: هي كسرت خاطري على موضوع الحرق ... بس كسرت خاطري لما عصب عليها فواز
خالد باستغراب: وليش عصب عليها؟؟؟
لينا: لما قلت ان ربى حامل عصب وقام من السفرة
خالد: وايش اللي خلاه يعصب؟؟؟
لينا: هم متزوجين قبل ربى ... وزوجته ما حملت لسه!!!
خالد: اللي يسمعك يقول عشر سنين متزوجين
لينا: انا معك ... بس يمكن فواز مستعجل!!!
خالد: ما عنده سالفة
لينا: يعني ما بتزعل اذا تأخرت في الحمل؟؟؟
خالد: اذا ما حملتي ابد ما بزعل ... شلون لو تأخرتي بس؟؟؟
لينا: بسم الله علي ... لا تقول هالحكي
خالد: لا من جد ... لا تفكرين بهالموضوع قبل 3 سنوات
لينا: خاااااااااااااااالد ... حرام عليك!!! 3 سنوات يالظالم؟؟؟
خالد: طبعا ... تبين تحطين لي احد يشاركني فيك من احين؟؟؟
لينا: يا ربي عالدلع؟؟؟
خالد: عادي ... راضي اكون دلوع اذا انتي اللي بتدلعيني!!!
لينا وهي تقرص خده: اللي بيسمع كلمة اهله شو بنقوله؟؟؟
خالد وهو يصفق: شاطر شاطر
لينا: ههههههههههههههههههههههه
