في السيارة رن جوال شهد
شهد: هلا فواز
فواز: ايش صار؟؟؟
شهد: ما ادري عمك تركي ايش سوى ... بس ما قصر الله يجزاه خير
فواز: هذه اول مرة يتعرض لك؟؟؟
شهد: يتعرض لي ايه ... لاني اول مرة اطلع من البيت ... بس ازعجني باتصالاته
فواز بعصبية: وليش ما تكلمتي؟؟؟
شهد: ما ارد عليه ... خله يتصل على كيفه
فواز: توصلين البيت وتقفلين جوالك ... والعصر يوصلك رقم جديد
شهد: ماله داعي تكلف على عمرك!!!
فواز: بلا كثرة حكي ... يالله خليني اكمل نومي ... ازعجتيني من الصبح ... ما صدقت ابوي يقول لي لا تداوم وانتي انواع الازعاج
شهد: الله يسامحك ... انا ازعاج!!!
فواز: احلى ازعاج
شهد: الله لا يحرمني منك
فواز: بلا كثرة حكي ... عطيتك وجه بزيادة ... قفلي لا اصكر السماعة بوجهك
شهد: هههههههههههه باي
فواز: بايات
رؤى وهي تتقلب عالفراش: يعني مو بس علي مزاجي ... مع كل الناس!!!
طالعها فواز بنظرة: انا مزاجي؟؟؟
رؤى: واكبر مزاجي بعد ... امس الصبح ما في احسن منك معي ... وفجأة قلبت علي ولا تسأل فيني
فواز: متى ما بطلتي نفاقك وعاملتيني كويس تعالي كلميني
رؤى: نفاق؟؟؟ أي نفاق؟؟؟
فواز: لا تسوين نفسك طيبة وعلى نياتك ... الفيلم اللي سويتيه امس ... كشفته وعرفتك على حقيقتك
رؤى باستغراب: أي فيلم واي حقيقة؟؟؟
فواز: ابوك هو اللي قالك دوري علي واتصلي فيني ... ولا انتي ولا معبرتني ولا هامك اصلا
رؤى وعيونها طلعت: فواااااااااااااااااااااااااااااز
فواز: ما ابي اسمع شي ... حطي راسك ونامي
عطاها ظهره ونام ...
جلست رؤى وقامت تهزه: مو كيفك ... بتقوم تسمعني
فواز: تبين تلعبين براسي صح؟؟؟
رؤى: انت اكبر مجنون في العالم
فواز: طبعا ... اذا اصدقك فعلا اكبر مجنون
رؤى: لا تسمعني ... ولا ابيك تسمعني اصلا ... عسى عمرك ما سمعت
فواز: احسن ... ولا اسمع صوتك
ضربته على كتفه وعطته ظهرها ونامت ... ودموعها على خدها ... شلون يفهم هالغبي
دخل شهر رمضان على ابطالنا ... وهم على وضعهم ... لينا ورؤى رجعوا للجامعة ... وهالسنة ليان معهم ... دخلت طب ومصرة على القسم ...
فواز على حاله مع رؤى ... ساعة راضي وعشرة معصب ... وهي مو عارفة شلون تراضيه ...
شهد تطلقت من بندر ... بالبداية ما رضى يطلقها ... بس نواف وفواز وقفوا له ... وطلق غصبا عنه
احمد وزوجته منى حياتهم هادية ... منى انسانة طيبة لابعد الحدود ... وحبت رؤى من كل قلبها وتعاملها كويس ... ورؤى حبتها كمان
ربى وسلطان ... لينا وخالد ... حياة ولا احلى ... الله يديمها عليهم
نواف ... مصر على رايه ... زواج مافي ... ابوه يئس منه وتركه على راحته
اليوم آخر يوم في شعبان ... الكل صحى للسحور ... هذه اول سنة لينا ماتكون معهم عالسحور ... واول سنة رؤى تشاركهم
بعد السحور ... تجمعوا في الصالة منتظرين الآذان ...
رؤى قربت من فواز: فواز ... ممكن تصعد معي فوق!!!
طالعها فواز: رؤى ما فيني اصعد
رؤى: استحمل شوي ... ممكن؟؟؟
فواز: ضروري؟؟؟
رؤى: تقدر تقول!!!
صعد معها للغرفة ... اول مادخل: ها يارؤى!!! ايش عندك؟؟؟
رؤى: فواز ... بكرة رمضان!!!
فواز: مصعدتني فوق تقولين لي بكرة رمضان!!! اعرف انه بكرة رمضان ... واذا ما اعرف كان قلتي لي تحت
رؤى والدمعة في عينها: رمضان شهر التسامح .... ربي يغفر لعباده ... ويفتح لهم ابوابه ... وتصفد الشياطين
فواز: رؤى ... المحاضرة هذه سمعتها في المسجد يعد صلاة العشا
رؤى وهي ماسكة دموعها لا تنزل: طيب اذا ربي يسامح ... انت ليش ما تسامح!!!
نزل فواز راسه: ..........................................
رفعت راسه بيده: فواز ... انت ما تعرف غلاتك عندي ... وانت فاهم الموضوع غلط
فواز: رؤى ما ابي اسمع شي!!!
رؤى: فواز ... لازم تسمعني ... ما يصير كذا
فواز: انا ماهمني اللــ.........
قطع عليهم صوت الاذان ... فواز: عن اذنك يا رؤى ... بروح المسجد
رمت نفسها عالسرير وهي تبكي
بعد المغرب ... جالسين في الصالة يتقهون ... الكل يسولف ومبسوط ... الا رؤى ... جالسة على جنب ومهمومة ... فواز يسولف ومبسوط ... رؤى تطالع فيه ... ليش يا فواز قلبك قاسي علي ... حنانك مغرق الدنيا ... الا انا ... الله يسامحك يا فواز
فواز: رؤى ... رؤى ... رؤؤؤؤؤؤؤؤؤؤؤؤؤؤؤؤى؟؟؟
رؤى: ها ... تكلمني يا فواز؟؟؟
فواز: وين عقلك؟؟؟
رؤى: موجود
فواز: طيب ... اقولك بنروح لجدتي انا ونواف ... تجين معنا؟؟؟
رؤى: اكييييد ... ابارك لها الشهر
فواز: طيب اجهزي ... نروح نصلي في المسجد اللي جنب بيتها ... وبعد الصلاة نروح لها
رؤى: طيب ... دقايق واجهز
في بيت ام محمد ...
ام محمد: حيا الله من جانا
فواز: الله يحييك
ام محمد: هلا ببنتي حبيبتي ... نورتي يالغالية
رؤى: النور نورك ياجدة
نواف: وانا ؟؟؟ طبعا مشطوب من القائمة كالعادة؟؟؟
ام محمد: وانت في احد يقدر يشطبك؟؟؟
جود: صااااااااااااادقة ياجدة
نواف وهو يضربها على راسها: من وين طلعتي؟؟؟
جود: من المصباح
فواز: تعالي سلمي بعدين طولي لسانك!!!
جود: حبيب قلبي ... تستاهل من يسلم عليك ... مو هالدب
وراحت له وسلمت عليه وباركت له الشهر .... ورؤى واقفة على جنب وسرحانة طول الوقت
سحبها نواف من شعرها: مو بكيفك ... تعالي سلمي علي
جود: أي أي أي أي يالدفش
رغد من وراها: بهذه صادقة ... ما في ادفش من نواف!!!
نواف: بسم الله الرحمن الرحيم ... من وين تطلعون؟؟؟
رغد: كلنا موجودين داخل ... وتاخرتوا عند الباب ... تأخروا شوي بعد وامي بتجي بعد
الكل: ههههههههههههههههههههههههههههههههههههههههههههه ههههه هه
دخلوا وجلسوا سوالف وحماس ... الا رؤى ... ما شاركت احد بالحديث ... جالسة وبس تبتسم ... مو عارفة ايش تسوي ... ولا شلون تتصرف مع فواز ... المشكلة انها ما تقدر تقسي قلبها عليه ... تحبببببببببببببه وتموت فيه
فواز اللي جالس جنب: ها شهد ... بشري عنك؟؟؟
شهد: الحمد لله بخير ... احسن بكثييييييييييير
فواز: الله يديم عليك ... بندر ما في اخبارعنه؟؟؟
شهد: لا تجيب لي طاريه
فواز: اهم شي انه ما ازعجك؟؟؟
شهد: لا من يوم طلقني وما في ازعاج ... الله يجزاك خير غيرت رقم جوالي ... ما عنده وسيلة
فواز: اهم شي افتكينا منه
شهد: ما تصدق شلون خايفة انه يرجعني ... لسه باقي عالعدة!!!
فواز: كم باقي لك؟؟؟
شهد: خلاص ما بقى شي ... هالشهر وخلاص
فواز: فيه خير يقرب صوبك!!!
شهد: الله لا يحرمني منك يا خوي
فواز: ولا منك
شهد: ايش فيها رؤى يا فواز؟؟؟
فواز وهو يطالع فيها: ما ادري ... يمكن تعبانة من الصيام
شهد: اهم شي انك ما زعلتها
فواز: هههههههههههههه وليش يعني؟؟؟
شهد: لاني ما ارضى على رؤى!!!
فواز: مين اخوك ؟؟؟ انا ولا هي؟؟؟
شهد: انت ... بس رؤى عزيزة وغالية وما ارضى عليها
فواز: ليش يعني؟؟؟
شهد: ما في احد بطيبة قلبها ... ربي يحبك يوم تزوجتها
ام محمد: رؤى ... تعالي عندي لك شي!!!
قامت رؤى معها ودخلت لغرفتها: امري ياجدة
ام محمد: ايش فيك؟؟؟
رؤى: ها ... مافيني شي يا جدة
ام محمد: مو علي هالحكي ... فيك شي .. واضح انك مو طبيعية
نزلت دموعها ونزلت راسها: ..................................
ام محمد: فواز؟؟؟
رؤى: ...............................
رفعت راسها: ما بقول انا مثل جدتك ... لاني جدتك بالفعل ... حتى من قبل لا تتزوجين فواز ... انتي وخوات فواز ونواف ... لكم معزة بقلبي ... شلون لما تزوجتي فواز؟؟؟
رؤى: الله يخليك ياجدة ... وانا بعد احبك واعزك
ام محمد: تبيني اكلم فواز؟؟
طالعت فيها بسرعة: لا الله يخليك لا ... بتتعقد الامور اكثر
ام محمد: ايش تبيني اسوي لك؟؟؟ ما اقدر اشوفك كذا واسكت!!!!
نزلت رؤى راسها على رجل ام محمد: ادعي لي ان ربي يحنن قلبه علي
ام محمد وهي تلعب في شعرها: الله يحنن قلبه عليك يا بنتي ... ويسعدكم ويوفقكم مع بعض
