إقتباس الرسالة الأصلية كتبت بواسطة ماجد مقبل جمجمة الهلال هلا وغلا بك يالغالي ومنور الحته ماشاء الله وش رجعك للكوره والرياضة بشكل عام الا وش سالفة موضوعك اللي انحذف بالتوفيق للهلال اليوم وتعال سير على المجلس الشياب هناك سلام

هلا بابو مقبل ...

والله رجعتي للكورة وانا اخوك لها سبب وهو لقيت ان كلن هابن في هالكورة
حتى الباكستانية بدوا يحللون الكورة ولا بعد سمعت بعضهم فاتح محطات رياضية
وحاطين فيها مصاريا وتكارنه ===> ماصارت محطة فضائية هذي محطة السبيعي
وكما قال مدري منهو ((ذهب زمن القلم وجاء زمن القدم )) .

سالفة موضوعي اللي انحذف .. سالفته سالفة ... مدري وش جاني هنقت جمجمتي وكتبت الموضوع
ونسيت اني من زمان عن الشبكة وكثير من الاعضاء مايعرفوني ولا يعرفون اسلوبي الهزلي ... اثر الجماعة صدقوا الموضوع وبدوا يسبوني ..
يوم اسمعوا المشرفين الصجة واللجة داخل موضوعي ركبوا الجمس وجوا طايرين ....

وحذفو ا الموضوع وباقي شوي ويدقون على الاحوال ويحذفون هويتي الوطنية اللي توي مطلعها احسبها كرت الجزيرة الرياضية يوم شفت الشريحة الذهبية فيها.

بس تصدق المشرفين الجدد بصراحة متوحشين ترى امزح قسم بالله امزح

لكن اعذرهم على كثرة المشاركات اللي اي كلام .. لازم يتوحشون

عموما اخ ابو مقبل بيك ان شاء الله ابسير عليكم ...قريبا في الاسواق

بس شعاركم حركة اللي في توقيعك
احسبه شعار سوق الحمام الجديد
تخبر حنا احسن ناس بالعالم لتغيير الشعارات والمسميات وكلشن بوه
شكرا