ممكن افهم شغله وحده بس يا مشرفين المنتدى

الحين انا منزل الموضوع اسفل بنفس القسم هذا وتقولي

القسم فقط للاعبين الهلاليين .. طيب يا حبيبي هذا قسم جمهور الهلال اي متطلبات الجمهور وردوود فعل الجمهور وكل ما هو متعلق بصوت الجمهور الهلالي .. ما اقول الا ياحسافه على على بعض المشرفين مسوين مثاليه وبعد الواسطات لاحقتنا بالمنتدى ..

على العموم اتركم مع موضوعي واضيف عليه انا مقابل نايف هزازي بعد فوزهم بالدوري على الهلال وباركت له وسالته عن البلنتي وقالي بالحرف الواحد ياشيييخ ماجاء شي والله يعين وتنرفز وحسيت من كلامه انه لو جاءه عرض مغري من الهلال بيوافق ..


السلام عليكم

تحيه من القلب إلى الكيان الهلالي الشامخ وإليكم انتم أيها الرقم الصعب ..


بصراحه هذا اول موضوع لي بالمنتدى رغم اني متابع يومي للمواضيع ..


فحبيت ابداءها بالموضوع هذا , اللي راح اطرحه في كم نقطه..

اولها الحضور الحضور غدا وكلي تفائل وامل بحضوركم المشرف يا اهل الرياض واتمنى التوفيق وتصدر المجموعه بإذن الله ..

وبالتالي راح نلعب مع ام صلال الخاسر بالسبعه من الاتحاد ومنها ان شاء الله الى دور الثمانيه ..

ثانيها وهو طلب لبو فيصل بمفاوضه لاعب الاتحاد نايف هزازي (الهاوي) فكلنا شفنا نايف مسجل هاتريك وانا بصراحه لست مقتنع باللاعب خصوصا انه لاعب صندوق وكور هوائيه لكنه بكل امانه وانصاف متمكن منها ويجيد بشكل كبير وما يحتاج ( عندنا من ونوعيه نايف الا وهو العنبر ) لكن اذا صدق الاداره ناويه تعيره للاهلي فاتمنى مفاوضه هزازي باسرع وقت والاسراع بجلبه لكسر خشم البلوي (راعي الفلاشات) مثلا ما اخذو الدوخي وحرمونا منه وهو في عز توهجه واصبحت خانه الدوخي لدينا حقل تجارب لاكثر من لاعب ..

تكفى يبو فيصل سويها وجيب نايف هزازي وعندي يقين راح يتطور مستواه ويبدع في الهلال .. هذا وهو هاوي بالاتحاد ومسوي العجب ولا اوفؤ بالوعود سواءا البنتلي او الفله ولم يقدمو العرض المناسب له على حسب ماذكره اللاعب في ابوظبي الرياضيه وهو كله انكسار ..

للمعلوميه البلوي يفاوض مدرب اللياقه ومدرب الفني حاليا للزعيم عبداللطيف الحسيني

على دروب الانتصارات نلتقي