نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عقد الياسمين · #13 17/05/2009, 03:55 PM

وعليكم السلام

يا هلا بـ أخونا أبو ميار ..

على طاري عمتك اللي هي زوجة جدك , هذا الشيء نفسه نفسه عند قريبتي .. عمتهم زوجة جدهم

عشان كذا أنا فاهمه عليك ..

أجل أنا وأنت بـالهوا سوا .. قصص وحفلات مع الكلاب

أذكر مرة .. كنت رايحة لمزرعة صاحبتي وأول مرة أدخلها وكان الوقت ليل والجو روووعة , فـ كنا نأخذ جولة ع المزرعة بالسيارة .. المهم نزلنا نتمشى على رجولنا و جتها مكالمة , فقالت لنا تمشوا هناك وأنا بخلص مكالمتي وأجيكم .. قلنا يالله .. فرحنا نتمشى ونغني ومدري وش

وكنا خاشين جو بصراحة

وفجأة ما نشوف قدامنا الا ثلاث كلاب -أعزكم الله- تركض مثل الصاروخ وتنابح..!!! وما تشوووف الا غبررررتنا .. أول مرة أحس بالخوف مثل هالمرة ..! وصراخ وركض .. حسيت أننا توم وجيري

أو سباق الهجن

لكن أشوى طلع أخوها موجود بالمكان وأنقذنا

..

هذا موقف .. وفي موقف ثاني حصل لقريبتي ..:

في مزرعتهم أنواع الحيوانات ..قلت لها المفروض تعملون حديقة حيوانات

, المهم هي عندنا "كلبة" دلوووعة مررررة .. والكلبة هذي لها قفص لحالها عشان ما تختلط بـ الكلاب الشرسة

, وأخوها الله يهديه عنده كلاب متوووحشة !!

تخيل أنه يكسر سنونهم و أظافرهم عشان يصيرو متوحشين !

وما قصروا والله بالتوحش

المهم مرة كانت البنت تتمشى مع كلبتها

وجاء أخوها ومعه كلابه المتوحشة ... والكلاب طبعاً قامت تنابح و تركض ورى البنت

وقامت تصرخ وتركض .. عاد الكلبة من زود السناعة جت تبي تفزع لخويتها

وتقوم تتضارب مع الكلاب

والله حرام قطعوها و آذوها وتعبت منهم بعد معركة شرسة انتصروا فيها

هذا ما لدي الآن .. نوافيكم بالنشرة القادمة

يسلمو أخوي أبو ميار ..,,