نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

وليد القحطاني · #1 16/05/2009, 02:00 AM

السلام عليكم ورحمة الله وبركاته
والله من زمان عن المواضيع في هذا القسم

اخر موضوع كتبته وصول الوحش إلى روما

المهم حبيت اوصل لكم رسالة يغفلها الجميع هنا وفي أكثر المنتديات
فكرة جت في راسي على السريع

الحين كل واحد وله نادي يشجعه ويعشقه مثل : الانتر او ميلان او مانشستر او تشيلسي
او غيرها ..
نشوف الاعظاء هنا دائماً مشاكل مابينهم وليش ؟!
لان فريقه خسر من فريق كذا
ويجي اللي فاز فريقه ويشتم هذا ترى فزنا عليكم ككككك ومدري ايش ؟!
وياما ناس حصلت بينهم مشاكل عشان هالمشكلة ..!
وياما ناس تركوا المنتدى وكان لهم جهد واضح هنا

انا وغيري الفريق اللي تشجعه اعلم انه ما درى عنك ولا فكر فيك

من حقك انك تدافع عن فريقك اوكي .. بس انك تتضارب مع خويك لانه فاز عليك
واذا كان عندك في المسن تصكه بلوك هذا اللي ما نرضاه بصراحة !
يعني لو الأنتر اخذ البطولة اليوم بنقله مبروك ويستاهلها ..!
اتوقع ومتأكد راح يجون اعضاء ويقولون مايستاهلها لانه فريق حكام ومدري ايش
وراح تصير مشاكل ومدري ايش ؟!
في الاخير حب الهلال يجمعنا اهم شئ وماله داعي التعصب الزايد

والله مرة من المرات ذبيت على واحد هنا في المنتدى لان فريقه خسر بـ 5
بعدها صكني ببلوك واخترق ايميلي ورجعه لي طبعاً بعد محاولات ارضائه

المشكلة قلتها بمزح وانا ناوي اني اقله اني امزح معك بس ماعطاني فرصة اقله

اتمنى رسالتي وضحت للجميع , والموضوع كتبته بسرعة وبدون اي سابق انذار
والله يوفق الهلال في الاسيوية , وبالتوفيق لبرشلونة في النهائي << بدينا

أخوكم / وليد