بعد المغرب في غرفة ربى ...
ربى: ليش الصياح يا لينا
لينا: اخوي مابيحضر ملكتي وتقولين لي ليش؟؟؟
ربى: هدي نفسك يمكن يحضر!!!
لينا: اذا ما حضر لسه متى بيحضر ؟؟؟ بعد مايملك الشيخ ؟؟؟ ماله داعي بعدين
رؤى بنظرة: بيحضر يا لينا ... لا تخافين
لينا: واذا ماحضر ؟؟؟
رؤى بثقة: قلت لك بيحضر واذا ماحضر لك اللي تبين...


في المجلس...
بدوا الناس يهلون ... وعبدالعزيز مرة متأزم من نواف ... ما حضر ... وطنش جميع المحاولات ... الكل اتصل عليه .. فواز وتركي وخالد ... حتى عمه عبدالرحمن كلمه ... بس هو معند ومو راضي ... وتزداد عصبية عبدالعزيز مع كل شخص يدخل ويسأل عن نواف وسبب غيابه ... وفواز يتعذر له بان عنده مناوبة ...
وصل الشيخ ... وكانت ملكة ربى بالاول ... جلس عبدالرحمن على طرف ... وسلطان بالطرف الثاني ... وبدا الشيخ يعبي البيانات ...






: الســـــــــــــــــــــــــلام عليكم
الكل التفت لمصدر الصوت ... وكان نواف واقف عند الباب بكامل أناقته ...
الكل: وعليكم السلام
وابتسم عبدالعزيز من قلب لان ولده ما فشله قدام الناس وقال في خاطره تربيتي وعمرك ما بتخذلني ...
نقز له فواز: واخيراً مابغيت
نواف: اسكت مالي خلقك
فواز: اذا كنت ناوي تجي .. ليش هالحركات ... تلفت اعصابنا عالفاضي
نواف: ومن قالك اني كنت ناوي احضر؟؟
فواز: وليش حضرت اذا ما كنت ناوي تحضر؟؟؟
فتح نواف جواله وعطاه فواز: حضرت بسبة المسج هذا
( ما تصدق شلون انا مبسوطة ... ان شاء الله في هالحال وأردى ... وان شاء الله أخوك يلحقك ... ما توقعت ان حوبتي بيوم من الأيام بتكون كذا ... وبتنحرم من حضور ملكة اختك وبنت عمك ... اكرر ماتتصور شلون انا فرحانة
.
.
.
.
.
.
.
.
.
.
.
.
.
.
المرسل: رؤى )
قفل فواز الجوال وهو ميت من الضحك
نواف: تضحك مع وجهك ها
فواز: ما توقعتها شديدة بنت الخالة
نواف: حضرت بس عناد فيها ما ابيها تتشمت فيني مع وجهها
فواز:ههههههههههههههههههههههههههههههههههههههه

عند الحريم ...
منيرة وعايشة واقفين عند الباب يستقبلون المعازيم ... ووصلت ام محمد ونورة وبناتها ...
عايشة: حيا الله من جانا
نورة: الله يحيك ... مبروك ... الله يبلغك بالباقي يارب
ام محمد وهي تبارك لمنيرة: ترى نواف هو اللي وصلنا
منيرة بفرح: جد ... الله يبشرك بالخير ... طول عمرك وانتي مو مقصرة معنا
ام محمد: انا حاولت فيه بس ما كان راضي ... وصله مسج ونقز عالبيت يغير ملابسه ويجهز ... بس ما عرفت مين اللي ارسل المسج

غرفة البنات...
دخلت ليان وهي تررررررررركض
ليان: بنات ... جدتي ام محمد وخالتي نورة والبنات وصلوا ... واللي موصلهم نواف
الكل انبسط وفرح بهالخبر... وابتسمت رؤى ابتسامة خبث ... وقالت في نفسها الحمد لله اني عرفت مفتاحك يا نواف
رن جوال ربى: هلا بالمعرس
خالد: لسه مو دوري ... احين سليطين المعرس ... يالله انزلي عند باب المجلس من داخل ... الشيخ بيسألك...
قفلت ربى الجوال ونزلت للشيخ...
تمت ملكة ربى وبعدها ملكة لينا ... ونزلت ربى للحريم وبعدها سلطان ... وتصوروا ولبسها الشبكة ... جت عايشة لعندهم ... يالله دور خالد ولينا ..
التفت سلطان لربى وقالها يالله
ربى: سلطان
سلطان: لبيه
ربى: ابي اشوف شكل خالد وهو يشوف لينا
سلطان بنص عين: يعني؟؟؟؟
ربى: اطلع انت وانتظرني بمجلس الحريم ... اقعد معهم شوي والحقك
سلطان وهو ماد بوزه:طيب
مسكت ربى يده: سلـــــــــــــــــطـــــــــــــــان
سلطان: عيونه ... اذا ناديتيني كذا مرة ثانية بذبحك ... لك اللي تبينه ... بس لاتتأخرين علي ... انتظرك
ربى وهي تضحك: من عيوني


طلع سلطان ونزلت لينا ... كانت قمة في النعومة ... وفستانها بسيط بالمرة ... بس يجنن عليها ... كانت نسخة من فواز ... هي بالطبيعة دايما تشبه فواز وليان تشبه نواف... وبالمكياج بانت ملامحها اكثر ...
دخلت بهدوء وجلست على الكوشة ..
وامها تسمي عليها وتمسح دموع الفرح وتقول في نفسها ( ياترى بملكة فواز او نواف بكون مبسوطة ... ولا لسه محتارة ما اعرف مين ولدي).



رشا بحقد لامها: رافعة ضغطي يا يمه ... مدري ايش شايف فيها خالد؟؟؟
حصة: أي والله ... طيرت عليكم واحد من عيال خوالكم
العمة فوزية: تصدقون انبسطت لما سمعت بخطوبة ربى ... صدق انه عريس ما كانت تحلم فيه ... بس قلت على الاقل تركت لنا عيال اخوي عبدالعزيز
سمر بنت فوزية: انفجعت لما دريت ان ملكة خالد على هالعلة اليوم
حصة: احين بقوا لكم نواف وفواز ... لا تضيعونهم من يدكم

دخل خالد وهو متشقق من الوناسة وطاير من الفرحة ... ووصل عندها وسلم عليها ... وباسها على راسها
خالد: مبروك
لينا وهي منزلة راسها: الله يبارك فيك
وفجأة دخلت لما وهي تدف عربية مليانة ورود ووسطها علبة فخمة بوسطها طقم الماس رائع ... رفعت لينا راسها فجأة وناظرت في خالد
قرب خالد وهمس لها: لا تخافين ... شبكتك انتي اللي بتختارينها ... بس ما حبيت تكونين اقل من غيرك ... ورحت شريت الطقم هذا على ذوقي ... ومتى ما تبين ننزل نشتري الشبكة
نزلت راسها وهي مستحية وتقول في نفسها الله لا يحرمني منك ياخالد
لبسها خالد الشبكة ... وصوروا ... وطلعوا لمجلس الحريم ... شوي ودخلوا عليها فواز ونواف وابوهم وعمهم ... والكل بارك لهم وصور معاهم ... وطلعوا عبدالعزيز وعبدالرحمن وبقوا نواف وفواز
خالد: اقوووووووووول ... شكلكم راعين طويلة
فواز: نعم ... قاعدين على قلبك
خالد: لا ابد ... سلامتك ... بس ضف وجهك انت واخوك
نواف: احنا لسه ما خلصنا تصوير
وقف نواف على يمين لينا وفواز على يسارها وطلبوا المصورة انها تصورهم
خالد: هي هي هي انت وياه ... مين المعرس
فواز: مو شغلك ... وخر لاتخرب علينا الصورة
نواف: أي والله ... في كل الصور تبي تحشر نفسك ... نبي نصور مع اختنا بروحنا
لينا: هههههههههههههههههههه
خالد: اضحكي اضحكي... مبسوطة على اخوانك .. بس حسابك معي بعدين
وطلع خالد جواله ودق على عمته منيرة ...
ثواني ودخلت عليهم منيرة ...