الموضوع:
أكبر مشاجرة طلابية تدفع الأهالي للمطالبة بتخصيص مدرسة لكل قبيلة
مشاهدة مشاركة بصفحة مستقلة
#
40
14/05/2009, 03:21 PM
abo_nasser
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
إقتباس
الرسالة الأصلية كتبت بواسطة
مواصل من عام 1413هـ
من الأمنيات اللي أتمنى أحققها إني أتولى الحكم 14 يوم بس!!.
صدقني يا أبولارا لأبيد الشعب وأصفيه على مليون واحد بس من 22 مليون!!.
عندي تسأل :
لو بتسأل أيه إنسان من قبيله ( X )متعصب للقبلية ( وش ميزه قبيلتك )؟
بيرد عليك ويقول ( حنا أهل الكرم والنخوة .......... والذي منه )!!.
تروح تسأل شخص من قبيله ( Y ) عن ميزه قبيلته ؟
بيرد عليك بنفس الجواب ( هم أهل الكرم والنخوة .......!!.
يعني ( عشوا الرجال ) وذلوه!!.
ولو بروح للهنود الحمر بأمريكا ( بيكرموني وبيعشوني )!!.
بإختصار ( كلها تدخل ضمن الكرم العربي ) - ما فيه ميزة محدده تفرق بين قبيلة والثانية علشان يفاخر أحد على الثاني!!.
طيب نجي لتسائل ثاني :
أبوناصر بموضوع سابق لي ( تقفل ) بخصوص موضوع القبلية
وقال لو ما أحد إحترم قبيلته ، مو محتاج إن الشخص هذا يحترمه لشخصه.
يا أبوناصر :
مثلا : واحد من قبيلتك كريم ورجال وفيه دين ( وفيه كل الصفات المحموده ) ، ولا تعرفه وهو بديرة ثانية.
وتجي إنت تخطب مني بنتي.
بوافق عليك لأن قبيلتك مثل قبيله ( هالرجال )!!.
أو واحد من قبيلتك ( مجرم - حرامي - مغتصب ....... ) ، وإنت ما تعرفه.
هل راح أرفضك لأن قبيلتك نفس قبيله ( هالمجرم )!!.
بالنهاية :
الإنسان ( يحترم لشخصه فقط )!!.
عندي سؤال أخير ( للمتعصبين ) وبكتب السؤال ( واللي بيزعل يصك راسه بالجدار ).
الآن كل متعصب للقبليه ( راز خشته بإسم قبيلته ) ، وهم أهل الحروب ، والغزو .... والذي منه ، وما يرضون أحد يغزيهم.
سؤالي :
كيف رضوا إن السعودية تتوحد وأخذت الحكومة كل أراضيهم ( بعز العصبية القبلية ).
وإفهم يا فهيم وش المقصد !!.
ملاحظة ( أنا حطيت رموز X و Y )
علشان ما يجيني أحد من الهمج يقولي ( شكلك تقصد قبيلتي )
ه
ذا ردي عليك بالموضوع السابق
إقتباس
هلا وغلا عبدالله..
اوقفني ردك يا اخا العرب..
فيه الكثير اللي ما يهتم للقبايل مثلك وانا منهم...يعني ما ادقق بهالامور..
واللي يحترم شخص او يقلل منه بسبب قبيلته..فهذا مريض والله لا يرده غير مأسوف عليه..
لكن لاني ما اهتم في القبايل ..اقوم اذب عليها..؟؟
هنا اخالفك ..ما فيه احد يرضى الكلام على قبيلته
واللي ما بيحترم قبيلتي اللي انا منها..الله يسامحه لا يحترمني..
بالنسبه للون الاحمر..اتوقع المجتمع اَمن فيه وبقوه...بس الشعب شويتين مهايطي..عطهم جوهم..
واعتقد انك ما فهمته..او ان التعبير خانني..وهذا واضح من مثالك
اول سطرين من ردي المقتبس واضح انني اوافقك حتى بالمثال اوافقك فيه
بالنسبه للنقطه الثانيه اللي علقت عليها
فلا يعني انني ما اهتم بالامور القبليه انني اتخلى عن قبيلتي...في الاخير كل واحد يرجع لاصله
وماحد بيوقف معي بوقت ضيقتي غيرهم
فيه بعض الناس تحصله يذب في قبيله معينه.. وبكل جلسه يذب في هذي القبيله
وتحصل اخوياه اغلبهم من هذي القبيله..
هذا ما يستاهل الاحترام..واخوياه في رايي زلايب..
طبعاً هو لوحده ما يستاهل الاحترام وليس كل افراد قبيلته معه..كل واحد يمثل نفسه فقط
باختصار..
انا لا اؤيد الهياط والمديح..ولا اؤيد الذب والانتقاص من الاخرين
اخيراً..ردي السابق كان وجهة نظر بعيد عن مشكلة الرجال الرشيدي
وهذا الرد بعد وجهة نظر ما لها اي علاقه باي موقف
اتمنى ان الفكره وصلت كما اريد
سلاااااااااااااااااااااااااااااااااااااام
abo_nasser
مشاهدة الملف الشخصي
البحث عن كافة المشاركات التي كتبت بواسطة abo_nasser