نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عالي الشان · #15 26/02/2004, 02:56 PM

[ALIGN=CENTER]

إقتباس


	- ليش ما لعب سامي من بداية المباراة ؟؟؟ يا حبيبي سامي لياقته غير مكتمله بعد ! ! !

ومن قال لك غير مكتمله ؟؟؟

المباراة اللي قبلها لعب من بدايتها لحد الدقيقه 70 وكان ممكن يكمل لكن المدرب كان له راي ثاني .

إقتباس


	- ليش لاعب العلي صانع لعب ؟؟؟ قلنا لك يا غالي سامي لياقته غير مكتمله بعد , و لايوجد صانع لعب حاليآ فالشلهوب و التمياط و الحربي جميعهم مصابون , و المدرب واضح من خطته انه محتفظ بسامي للشوط الثاني ! ! !

من افضل العلي والا المطرف !!

ولو بأسوا الاحوال قلنا العلي لآزم يلعب ممكن الجمعان وتراوري هم اللي يتناوبون على الرجوع للخلف .... والعلي يظل راس حربه ثابت ... لأنه صفر/10 في مهاراة صنع الاهداف .

إقتباس


	- كيف تبغونا نحضر و هذي التشكيله ؟؟؟ يابن الأجاويد انت الحين بتحضر عشان تشجع الهلال فريقك او تشجع لاعبك المفضل و تشكيلتك الجهنميه !!!!

واضف على جملة كيف تبغونا نحضر و هذي التشكيله ؟؟؟ كلمتين ( وهذا المستوى )
لأن المستوى مرتبط بالتشكيله .

وبعدين انا بسألك يعني الحين انت تشوف العزوف الجماهيري وش سببه !!
يعني بدل ما يحضر 50 الف ما حضر الا الفين والا ثلاثه وين الباقين ؟؟
اكيد انهم موب راضين عن الفريق .... طيب ليه ؟؟

واذا استمر الحال على ماهو عليه المباراة الجايه بدل هالثلاثة الاف اللي شفتهم بيصيرون 1500 بس .

إقتباس


	- وين الشايع و البرقان و الحوطي و الصويلح و العنبر ؟؟؟ يا جماعه ترى الي يلعبون بالفريق 11 لاعب و التغييرات ثلاثه بس , هذي قوانين الفيفا , مهيب قطه بإستراحه

الحوطي محد طالب به في المباراة اللي راحت الحوطي المفروض في المباراة اللي قبلها بدال نجم الغفله ذياب مجرشي .
والبرقان المستوى اللي شفناه منه في كاس الامير فيصل يخلينا نجزم انه افضل وبمراحل من عزيز .
والصويلح كان ممكن يدخل على الاقل اخر ربع ساعه بدل تروري المجهد او سيسيه .

إقتباس


	- و الله المدرب ما في راسه ؟؟؟ أشوى ان المدرب مريح راسه من تهاويل الجماهير , و الا كان صارت علووووووم

واللي قالها عز الله انه صادق .

إقتباس


	رغم تصرفه الأرعن و إستحقاقه للطرد الا ان عزيز كان سدآ منيعآ في وسط الهلال و اثبت انه من المحاور المميزين في الفترة الحاليه قتاليه روح حماس رجوله في اللعب مواصفات تضفي على عزيز رونق النجم القادم

ارجع للمباراة وشف كم فاول ارتبكه عزيز ( 13) فاول 95% منها ماله داعي !!
وترى اغلب تمريراته كلها مقطوعه .
يعني مستواه كان جداً سئ .

إقتباس


	و مما زاد اعجابي قبوله لقرار الحكم بكل هدوء و اعترافه انه مخطئ وخروجه بكل سلاسه من ارض الملعب

والا بعد له وجه يعترض

إقتباس


	البطل عزيز أتمنى ان تكون استفدت من الدرس ! ! !

الله واكبر الحين صار بطل !!

إقتباس


	@ خسر الزعيم نقطتين فقط من مباراة واحده و الشارقه خسر نقطتين ايضآ من مباراتين ستتوازن الكفه من جديد بإذن الله

وكان ممكن نكسب 3 نقاط ونخسرهم مثلها
يالله الحمد لله على كل حال .[/ALIGN]