|
ألف ألف ألف شكر يالحسيني ..
ألف شكر لك يا بو محمد الشهاده لله انك ماقصرت
والله انك كفو وقد المهمات الصعبه
الكابتن الكبير عبداللطيف الحسيني ماقصر انتشل الفريق من وضع سيء جداً جداً وشفنا الفريق كيف قدم صورة متميزه مع الحسيني امام سبا باتري وامس قدام الشباب وكان ينقص الهلال الحظ امس لكن قدر الله وماشاء فعل والحمد لله ولا حول ولا قوة الا بالله ماشاء الله عليه قبل المهمه الصعبه ولو كان اي مدرب غيره ماقبل لكن الحسيني قبل بالمهمه لأنه عارف ومتأكد انه يمتلك نجووووم بالفريق قادرين على فعل المستحيل بأي وقت كان والحمد الله على ماصار.
الحين نبي وقفت جميع جماهير الهلال زعيم اسيا الأول اعتقد إن الادارة ماقصرت بأي شيء بقيادة شبيه الريح والحين نبي تكون وقفتنا مع الحسيني مع اللاعبين نبي نهز استاد الملك فهد يوم الاربعاء امام باختاكور نبي نأكد زعامة الهلال لأسيا وان شاء الله يكون القادم احلى بإذن الله في المرحلة المقبلة من بطولة اسيا.
الحين ماينفعنا النقد وماينفعنا هالاعب يصلح او مايصلح الحين اسيا اهم من ألف بطولة محليه.
واذا تذكرون كلام شبيه الريح بداية الموسم قال ((((( تركيزنا على بطولة اسيا ))))) نبي نكون معاه لنهاية المطاف في بطولة اسيا وان شاء الله تكون نهايتها هلاليه بإذن الواحد الأحد.
صحيح ان هناك اكثر من لاعب احرجوا الزعيم كثير في هذا الموسم وخصوصاً في الأوقات الحاسمه لكن الحين ماراح نعاتب ولا راح ننتقد نبي نكون يد واحده جماهير وادارة ولاعبين نبي الهلال يظهر في اسيا كما كان بطل ولا يعرف غير زعامة اسيا .
نبي الملعب يغص من الجماهير تذكرون مباراة الهلال وناغويا الياباني تذكرون مباراة الهلال وشيميزو الياباني نبي نزلزل الملعب ونهزه لعيون شبيه الريح والحسيني واللاعبين .
يا اخواني عندنا لاعبين يحلم اي فريق عربي واسيوي ان يمتلكهم عندنا البرنس امير الكرة العربيه طارق التايب وعندنا ويليهامسون ورادوي وافضل لاعب اسيوي القناص يااااااسر القحطاني والموهوب الشلهوووووووب وعميد لاعبي العااااالم أسطورة وحارس القرن محمد الدعيع والصخرة السعوديه اسامه هوساوي
امانه يازعماء هاللاعبين مايتمناهم اي مدرب ؟
والله محسودين عليهم الله يعطيعهم العافيه كلهم ونشوفهم ابطال اسيا ان شاء الله . نبي نكون معاهم حتى آخر لحظه من البطوله .
آسف على الاطاله ولكن هذا كلام بالخاطر وقلته .
 | 