| أنا شخصياً من اللي كنت معجبين به، أقدر أقول لك آخر سنتين ما أشوفه بذيك الصورة مثل قبل، لكن للحق إنسان قدر يثبت نفسه ند للكبار!
عموماً، عندي سؤال وحيد بس ... الحين لو الهلال هو اللي فايز في المباراة الأخيرة، كان أحد بيجيب طاري البلطان وبتزعجونا بتاريخه وبمليون موضوع عنه واستثماراته وحقيقته وأصله ومادري ايش؟
قبل مستلمين البلوي، وبعدها النصر وأعضاءه، وبعدها يوم سالفة المحياني مستلمين التونسي، والحين البلطان!
المشكلة ما تتكلمون إلا عن شخصيات معينة هي اللي تصرح، يعني بغض النظر عن كونهم أنداد أو لا، يعني رئيس النصر مثلاً نادراً ما تجيبون طاريه مقارنة بكحيلان وغيره مثل الرشيد (عشان محد يقول كحيلان هو الكل بالكل!)، لو الطويل مسنتر على القنوات كان أنواع المواضيع عنه.
المشكلة أن بنفس الوقت، أنواع التطبيل للأهلي والعنقري (مع أنه ما يختلف عن أي رئيس نادي سعودي آخر في حالة خسارة فريقه)، مثل ما كانوا الهلاليين مع البلطان قبل.
يا ناس، ذولا رؤساء أندية، يعني طبيعي ما راح يكون فيه محاباة وتطبيل، حتى خصومكم تبونهم يمدحونكم؟
عموماً، ذولا رؤساء الأندية اللي يعرفون يشتغلون!
مو ألتمس العذر للعيبة مادري كم مرة، ولما أشوف الجمهور يضغط علي أروح أضرب بكلامي عرض الحائط وأسوي نفسي أعاقبهم وأنا اللي قبلها أعفيتهم من أي خطأ!
سلم لي على محمد بن فيصل بس!  | 