|
صلاح البطاطي ،، محمد العبيد ،،محمد غندر .... وعدنا قدّام
بسم الله الرحمن الرحيم
بدون مقدمة و لا كلام واجد ،، الموضوع هذا بيكون مخصص عن الرابطة الهلالية و كل شي يتلعق فيها
بصراحة .. كلّنا شفنا الرابطة وش سوّت في مباراة الهلال و الأهلي لكرة الطائرة على ملعب جامعة الإمام
و حتى في مباراة الهلال و الأهلي الإماراتي ،، و سمعنا الأهازيج الجديدة في مباراتي النصر في كأس الأبطال
يعني شغل جبار و حلو جدا .. لكن المقابل و هو الجمهور ،، لسّى ماشفنا التفاعل المطلوب
مع إنّه تحسن واجد في التفاعل ،، لكن يحتاج أكثر و أكثر
بالنسبة للأشخاص .. محمد غندر و العبيد و البطاطيي عني بصراحة شغلهم واضح بشكل كبير جدا
فالأستاذ محمد غندر .. يعني بصراحة يكفينا كجمهور إنّه كان يضرب مشوار من مكة إلى كل أنحناء المملكة عشان الهلال و جمهوره
ماشفناه في يوم يساوم الهلال على المادة ،، و مرّت فيه ظروف كبيرة ،، لكنّها ماخلّته يبتعد عن الهلال و المدرح
و كلّنا نتذكر الحادث الأليم اللي سوّاه قبل مباراة الهلال و النصر (( ناشئين )) و إصراره على الحضور
و على ايام مرض والده (( الله يرحمه )) كان يحضر و يضغط على نفسه
أمّا أخونا محمد العبيد و أخونا صلاح البطاطي .. فالأول هو اللي ابدع في الإمارات و في مباراة كرة الطائرة الأخيرة
و الثاني ،، صوته رائع و مؤلّف أهازيج درجة أولى
يعني بصراحه يحتاجون دعمنا و بقووووة
و الأهازيج الجديدة اللي طلعت في الأيام الأخيرة دليل إن الرابطة بتكون أفضل و أفضل
بأختم الكلام و أقول .. تكفون يا جماعة خلّونا نحضر المباراتين الأخيرتين في هالموسم ز نجرّب نتفاعل مع الرابطة بشكل أكبر و راح نعرف قد إيش إنّهم ما يقصّرون
تحياتي  | 