نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ماضيع الهلال إلا جمهوره .. " الخثران و الشلهوب أ:كبر دليل " !!

بريماكس · #2 09/05/2009, 09:16 PM

اتفق والله كثيراً مع اغلب ماذكرته وخاصه فيما يتعلق في سالفة المنتدى

!
المنتدى فيه ردود مدري شتبغى صراحه .. مثلاً يجيك واحد يمشي مليون ويرد على موضوع لك ابديت ملاحظه على النجم ( الجماهيري ) الله يعينك انواع الكلام عليك واقله بتجيك كلمة ( مندس)

واحس فيه اعضاء ماكثرت مشاركاتهم الا من هالكلمه على طول مندس مندس

مدري صار منتدى اللاعب الفلاني ماصار منتدى الهلال

ولو يخطي ولاشئ والله ماراح يتعرض باي كلمه

لكن لو كان المفرج ولا الخثران خذ سب واستهتار حتى للاسف وصل بهم الا الاستهتار بالدين

المفروض اذا فعلاً محبين للهلال ان نكون منصفين للجميع .. اخطى المفرج قلنا اخطأت اخطى ياسر نقول اخطأت ماهو يجيك واحد ويقول تفدااااااااااك البطولات كله

صار نادي ياسر ماهو نادي الهلال

يعطيك العافيه ويمكن دخلت بسالفه وتركت اللي هم من لكن العذر ...

وسلامتكم

،،