09/05/2009, 10:49 AM
|
 | زعيــم متواصــل | | تاريخ التسجيل: 14/04/2007 المكان: طيبة الطيبه
مشاركات: 171
| |
فالنسيا x الريال لقاء الجريحين ..كلا الفريقين خسر من أبناء كتالونيا  الأول خسر بالثلاثه من إسبانيول .. والثاني خسر بالسته من البرسا .. لقاء راح يكون صعب على الفريقين .. فكلاهما يريد التعويض .. الفريقين قبل الجوله الماضيه كانوا محققين سلسة إنتصارات كبيره .. فالنسيا يريد الإبتعاد عن أتليتكو مدريد وضمان مركز مؤهل للأبطال .. والريال مازال متمسك بالأمل الضعيف للحصول على الدوري .. خسارة فالنسيا تعني التنازل عن المركز الرابع لأتليتكو في حالة فوزه .. وخسارة الريال أو تعادله تعني تتويج البرسا بالليغا رسمياً في حالة فوزه أيضاً .. الفريقين يبحثوا عن تحقيق الإنتصار .. لذلك من وجهة نظري المتواضعه راح نشوف مباراه مثيره وممتعه وهجوميه .. البرسا x فياريال لقاء يعتمد على نتيجة مباراة فالنسيا والريال .. لقاء حسم الليغا أو الإنتظار للجوله القادمه .. البرسا يريد الفوز وخسارة الريال لتحقيق الليغا .. فياريال يريد تعثر فالنسيا للإقتراب من المركز الرابع .. البرسا راح يدخل للفوز فهو يريد تحقيق الإنتصار والتفرغ لنهائي الكأس والأبطال .. ممكن نشوف إراحة أغلب العناصر .. الفريق لأسبوعين متواصله لعب مواجهات قويه مع أنديه من العيار الثقيل (اشبيليه -فالنسيا- تشلسي-الريال-تشلسي) .. أتمنى إراحة ( توريه - إنيستا - تشافي - ميسي- بيكي ) .. مع إحترامي لدكة البدلاء الخماسي مافيه أحد يعوضهم .. أو بمعنى أصح البديل ماهو بمستوى الأساسي .. مانبي نخسر أحد منهم لاسمح الله .. كافي (غياب ألفيس وأبيدال عن نهائي الأبطال) وإصابة ماركيز لنهاية الموسم .. وإصابة هنري اللي للحين ماندري لين متى بنفقده .. تنتظرنا مباريات حاسمه .. ياليت بيب يرجع يطبق مبدأ المداوره .. الاربعاء عندنا نهائي الكأس .. وبعد اسبوعين نهائي الأبطال .. الدوري البطوله الوحيده اللي بيب يقدر يعتمد على مبدأ المداوره فيه .. ما أقول ان الدوري حسم لا ! لكن هي البطوله اللي نقدر نعوض فيها .. قدامنا أربع مباريات .. فيها 12 نقطه نحقق خمس منها نضمن الدوري بشكل رسمي .. تعثر الريال في مباراه واحد وفوزنا بمثلها يعطينا الدوري بشكل رسمي .. بالمختصر نقدر نضحي في مباراه أو مباراتين من الدوري .. عكس نهائي الكأس والأبطال .. بالتوفيق للفريق بحصد الثلاثيه  .. حسين تسلم على التقديم ياريس  |
