قد تكون المرة الأولى التي أنزل فيها بإسلوبي اللغوي لدرجة لا أحبذها ولكن تكون أحيانا مجبر للنزول بإسلوبك خصوصا إذا كان من تريد التوضيح له يحتاج إلى من يجاريه على حسب عقليته وإسلوبه .
لذلك أقول لأولئك المستخفين دمائهم حتى كادوا أن يفقدوا جاذبيتهم الأرضية مايلي :

أولا ياوليدي أنت واياه هذلول الله يطول بعمره كان يدعم الهلال ولا زال سواء ماديا أو معنويا من يوم كنت أنت واياه بزران تحبون حول أميماتكم ما بعد فركتوا الارض .

ثانيا يالله نسفو عن ذرعانكم أنتم يالداعمين ياللي ما تقصرون بشي .
أبوكم شرط لاحلف حتى بطاقة العضوية اللي ما تعدى الأربعمية ريال ما قصيتوها .

ثالثا من متى وجمهور الهلال يتصف بالنذالة ونكران الجميل على الاقل إذكروه بالخير يوم راح .

رابعا حبيب اقلوبكم يوم طالب بثمانمية الألف قمتوا معه قومة رجال(ن) واحد ما واحد منكم قال وراه مايدعم النادي بهن وانتم تدرون ان النادي أحوج ما يكون لهن في ذاك الوقت .
مع العلم انه استفاد إعلاميا أكثر من الامير هذلول .

خامسا أشوف ما تجيبون طاري اللي يمدحون حبيبكم وفيهم منه أخذ من النادي أكثر مما عطاه .
وهذا دليل إن المسألة ماهيب دعم والا ما دعم المسألة هو سب الحبيب والا إمدحه .

سادسا أشوفكم على خير يا أوفياء .