07/05/2009, 04:43 AM
|
| زعيــم مميــز | | تاريخ التسجيل: 16/09/2005 المكان: Chelsea
مشاركات: 1,671
| |
بــاك ،،
وين وين وين ..
طاير بالهوا ؟ 
..
هالبطوله من عرفتها وهي ماتجيب معها الا العجايب و اللعنات ؟ .. تختار الي تبيه .. والي ماتبيه تقسى عليه !
يعلم الله اني من سمعت خبر قدوم هيدينك وانا كنت اتمنى الخروج من دوري الابطال سريعاً ، نظراً للمستوى السيء في بدايه هذه السنه تحت يد المدرب سكولاري ، ما كنت ابغى اشوف الفريق يجتهد ويوصل للمستويات اعلى في هذه البطوله واحنا عارفين ان الفريق يبيله اعاده ترتيب ، وبالذات كنت خايف من هذه اللحظه لما نوصل فوق وفجاه ننصدم ..
الفريق منذ قدوم هيدينك ومستواه يطلع يطلع .. لكن يظهر الضعف فينا وتظهر الهفوات الي لازم نقضي عليها في بعض المباريات هذا الموسم .. لان الفريق لازال يحتاج ويحتاج ويحتاج لاعاده هيكله من جديد .. مدرب جديد + تحضير جديد + دماء جديده + ثقه جديده ... الخ الخ ، هذا الشيء الي راح يودينا للبطولات ..
ولكن انك تبغى كل شي وانت عارف ان فريقك في منهم الي داج والي كبر في العمر وقل عطائه والي ماصار فيه ثقه بعد الاحباط الي لازمه مع الفريق .. خلاص كيف تبي تلعب فيهم وتحافظ عليهم وتبي بطولات ؟ .. هالكلام موجه لاداره الفريق العليا .. المالك والرئيس اهم شي ..
من اللازم يسون اعاده هيلكه 
..
خلونا نشوف هذا الموسم والي قبله وش ابرز الاشياء الي حصلت .. والي شفته انا شخصياً
رقم واحد .. وبصراحه بالاك يستاهل يجلس ؟ ، ماعاد اشوف له اي حاجه ويارب مايجددون عقده ، بالاك لاعب كبر بالعمر + منفعل + ماصار يفيد الفريق ابد .. واغلب تخبطات هالموسم تجي منه ، ماعاد يقدر يعطي جوا الملعب !!! , كنت امدحه قبل موسمين واشيد في دوره وحتى الموسم الماضي كان جيد ولا باس ، بس حالياً اثبت الفشل الي يعاني منه .. ابدا حاجته في الملعب صارت صفر !
رقم اثنين .. الفريق شبعان وعنده امكانيه ويقدر يجيب الي يبيه ،، مالودا + انيلكا + بوسنجوا + ديكو .. ماراح اذكر كوارزيما لانه مانقدر نحكم عليه .. على العموم اللاعبين الي ذكرتهم ابدا مو من طموحات فريق تشيلسي ، انا اتكلم عن مالودا بشكل عام .. بغض النظر عن مستواه الفتره الاخيره .. والي اطلبه او اتمنى يكون اننا نجلب لاعبين كويسين ! ، ما بغى سوبر ستار ، لكن لاعبين يقنعونك في الملعب ! يحسسونك بالقيمه الي اندفعت لهم !
ياخي انت لما تشوف الليفر او المان .. كيف لاعبينه متكاتفين في اغلب المباريات .. وان لاحظت ما يكون فيه اكثر من لاعب واحد فقط سيء عندهم .. ولما تشوف تشيلسي وبكل امانه ! .. تلقى بوسنجوا من جهه وبالاك من جهه وانيلكا العبيط وحتى دروجبا في اغلب الاحيان ! ، لاعب كبير بس الفكر الكروي عنده مضروب ! ، ديكو؟؟؟؟؟ هذا طموحنا ؟ ومين بعد.. والله ساعات البدلاء اصرف من الاساسين .. ميكيل + ايفا + فيريرا + بيليتي + كالو !!
ولكن تبقى اختيارات مدربين .. والي يهمنا مستوى لاعبينا مستوى ال٢٢ لاعب نبغى على الاقل ١٨ لاعب مستواه كويس اغلب الموسم ، مو النص او اقل من النص الي مستواهم ثابت والباقين .. قمه العبط ! ،
لامبارد + تيري + تشيك + اشلي + كالو + ايسيان + ميكيل + جوكول .. نجوم تنتظر مسانده جدية !
اعرف ان الكثير بينتقدني في كلامي على دروجبا .. بس وجهه نظر انا اشوف انه انتهى بالنسبه لتشيلسي ، اذا يستمر بهذه العقليه الكرويه الطفوليه !
يعني في مباراه اليوم .. اكثر من فرصه ضيعت علينا التقدم واننا نكون مرتاحين ونمسك اللعب وننهي المباراه بكيفنا ! ، بس وين كان المهاجم رقم واحد ؟ صحيح كان حاضر في اغلب المباريات وكان له دور قوي في التأهل بس العبره بالخواتيم ايها الفيل !!
صراحه احبطني الفريق اليوم ، احبطني التساهل وعدم الجديه في الكرات ، واحبطتني الثقه لما تشيلسي مسك اللعب بعد الطرد ، اكثر من لاعب تواجد اليوم بثقه كبيره ولكن موجب وسالب = سالب !!
والنجوم الي ذكرتهم عمري ماراح انتقدهم ، لان يلعبون بروح وبثقه وباسم الفريق ومستعدين يقدمون كل الي عندهم لعيون البطولات ..
يمكن انني انجرفت بطريق خاطئ .. بس هذا الي اشوفه ولا بد من التجديد
..
بالتوفيق في مباراه الكاس والبطوله المتبقيه لنا هالموسم ..
 |
