ماهو تقييمك لوضع الهلال خلال الجولات السابقة من دوري أبطال آسيا للمحترفين .؟

بكل امانه وواقعيه الهلال لم يقدم اي مستوى يذكر الا بمباراه واحده اللي كانت مع باختاكور الاوزبكي .. المباراه الاولى مع الفريق الايراني كان ممكن اننا نطلع فيها خسرانين ومباراة الأهلي بالرياض كان ممكن اننا نطلع متعادلين ومباراة الاهلي بالإمارات الكل عارف ان الاهلي كان وقتها مركز على الدوري عندهم وماكان معطي للمباراه اهميه والدليل انه لعب بتشكيلة الرديف .. لاكن نرجع ونقول (الله يلوم اللي يلومنا) واللي يهمنا الحين التأهل فقط باي مستوى كان ولازم نحرص على المركز الاول .. وبدوري الـ16 يمديه خلص الموسم وبدا موسم جديد ويكون قادر الهلال انشالله استرداد عافيته بعد الوقوف عند عدة نقاط :
1- قدوم نيفز .. الكل شاف كيف الهلال يعاني من الهجوم ومن عدم استغلال الكرات الثابته القريبه من المرمى واتوقع انها باذن الله راح تروح هالمعاناه مع قدوم نيفز
2- قدوم المدرب ايريك او اي مدرب كان ..
3- يعسكر الفريق مع المدرب الجديد وبعد المعسكر يلعب مباريات وديه يتخللها مباريات مع فرق متوسطة المستوى ومع فرق قويه جدا بالمستوى لان زي مانعرف لما تلعب مع فريق قوي يطلعلك العيوب الموجوده بالفريق ..




ماهي قائمة ( 11 ) لاعب الذين تتوقع بأن يبدأ بهم المدرب المباراة .. وماهو التكتيك الذي ترى من المناسب انتهاجه في هذا اللقاء المهم ..؟

محمد الدعيع

فهد المفرج أسامه هوساوي
عبدالله الزوري محمد نامي

خالد عزيز

عبداللطيف الغنام


سول ويلهاسون

طارق التايب


محمد العنبر





أزمة يُعاني منها الهلال من تّفشـي الإصابات والإرهاق الذي بدأ يضرب بقوة بين اللاعبين .. وكذلك هبوط مستوى بعض اللاعبين ، وغياب المهاجم الأساسي للهلال بسبب الإيقاف.. كيف يستطيع الهلال تجاوز تلك الأزمة .؟

بعزيمة الرجال .. وبالتهيئه النفسيه واللياقيه للقاء انشالله يرجعون بالخبر الزين





إذا كنت من المتابعين للفريق الإيراني ماهي أبرز إيجابيات وسلبيات هذا الفريق حسب نظرتك .. ؟

انا كل اللي اعرفه انه الفريق الايراني راح يفقد واحد من اهم لعيبته رقم 10 عشان عنده انذارات وهذي انشالله بتكون من صالحنا ..





ماهي رؤيتك الخاصه عن المباراة (( مساحه حره للعضو ))

انا عندي رؤيه فنيه متواضعه للقاء
بالنسبه للأظهره اتمنى يطلب منهم عدم المبالغه في التقدم مع الهجمات وخاصتا نامي .. خالد عزيز بتكون مهامه دفاعيه والغنام بيكون متقدم شوي مع الهجمه عشان يوزع الكور للوسط الأمامي للهلال ..
ويلهامسون وسول اتوقع ان المهام الدفاعيه بيكون لها دور كبير باللقاء لانه اذا ماسمحوا للوسط الايراني انه يصنع هجمه صح فهذا بيساعدنا وبيريح الوسط المتأخر والدفاع على استخلاص الكور ..
ويكون لطارق التايب الحريه للأمام عشان طارق التايب لياقته ماتسمحله يرجع ويتقدم مع الهجمه وبتمريراته للأطراف راح يسمح للعنبر استغلال نقطة القوه لديه وهي ضربات الرأس ..

وسلامتكم ..