إقتباس الرسالة الأصلية كتبت بواسطة gااااقــ ع ــي ظروف محمد الشلهوب لو مر بها لاعب اخر لاعتزل كفى نقداً غير مبرر في توقيت غير مبرر فالجميع يحتاج الدعم ولاشيء غير الدعم في هذا التوقيت ويكفي ان محمد الشلهوب مثال في الخلق والانضباط والروح العاليه فبالرغم من عدم اعطائه الفرصه الا ان اللاعب مازال وفيا ومجتهدا لو اعطي الفرصه التي اعطيت لسول لعرفت وعرف الجميع من هو المخطئ شكرا على الطرح اي كان

لا تقعد تضحك على نفسك وعلينا، روبينيو أمه اختطفت ومع هذا قدر يحافظ على نفسه حتى أخذوه الريال، نفس الشيء ينطبق على فرانك لامبارد اللي توفت أمه ومع هذا قدر يقود تشلسي للنهائي حتى أنه رد لهم الروح بهدفه على مانتشستر في دوري الأبطال، وعشان ما أقيّد نفسي بأمثلة من خارج محيطنا، أقول لك شف اسماعيل مطر ومستواه بعد وفاة أبوه، هل انخفض للدرجة اللي معها صار عالة على الفريق وإلا لا؟

مشكلتكم تجاملون اللاعب سنين وسنين، ومحد متضرر إلا هو والنادي اللي يبي يجامله على حساب نفسه.

وأنت بنفسك يوم طالبت بإعطائه الفرصة ما حصلت إلا سول عشان تقارن الشلهوب به!

عموماً، لو نشوف عطاء الشلهوب، فلابد من مقارنته بالسنين اللي كان فعلاً يؤدي فيها، ما أقعد أقول: من أحسن؟ المفرج وإلا الشلهوب؟ نامي وإلا الشلهوب؟ سول وإلا الشلهوب؟ طيب ليه ذولا ياخذون فرصهم والشلهوب لا؟

وبالمناسبة، ما فيه نكتة مثل سالفة اللاعب الخلوق ذي، اللي ما تنقال إلا للاعب شبه انتهى، انقالت للتمياط والحين للشلهوب، وأنا واثق أنها بتنقال لغيرهم، لأن الناس ما حصلت شيء تمدح به هاللعيبة في الفترة اللي نزل فيها مستواهم إلا "حسن خلقهم".

قال ايش، يكفيك خلقه، يا كثر ما انقالت للتمياط، اللي يسمعهم يقول أنه واحد جاي يبي يتزوج مو يلعب كورة!